https://arm.sputniknews.ru/20240120/sigi-vorsy-ksharunaki-mnal-argelvats-marti-1-ic-shut-dzknvorsnerin-tujl-chi-trvi-mtnel-sevan-71314786.html
Սիգի որսը կշարունակի մնալ արգելված. մարտի 1-ից շուտ ձկնորսներին թույլ չի տրվի մտնել Սևան
Սիգի որսը կշարունակի մնալ արգելված. մարտի 1-ից շուտ ձկնորսներին թույլ չի տրվի մտնել Սևան
Sputnik Արմենիա
Հայաստանում սիրողական ձկնորսության այս տարվա թույլատրելի տեսակների ու չափքանակների մասին ՇՄՆ նախարարի հրամանը դեռ քննարկման փուլում է։ Սևանում արդյունագործական... 20.01.2024, Sputnik Արմենիա
2024-01-20T09:55+0400
2024-01-20T09:55+0400
2024-01-20T09:55+0400
ձուկ
որս
սիգ
որսագողություն
https://cdn.am.sputniknews.ru/img/07e7/0c/1c/70586768_0:243:960:783_1920x0_80_0_0_6659a4c9a688326635822b2ed9d66820.jpg
ԵՐԵՎԱՆ, 19 հունվարի – Sputnik. Սիգի արդյունագործական որսը Սևանում կթույլատրվի ոչ թե հունվարի 20-ից, ինչպես նախօրոք հայտարարվել էր, այլ մարտի 1-ից։Այս մասին Sputnik Արմենիային հայտնեց ՀՀ ՇՄՆ Կենսառեսուրսների կառավարման վարչության պետ Սևակ Բալոյանը։«Հունվարի 20-ից հետո չի թույլատրվելու։ Արգելքի խստացման ժամանակահատվածը պայմանավորված է սիգի ինտենսիվ ձվադրման ժամանակահատվածով և առավել խիստ վերահսկողական միջոցառումներ իրականացնելու պահանջով։ Բայց այնպես չէ, որ հունվարի 20-ից հետո արդեն թույլատրվում է իրականացնել սիգի որս։ Սիգի որսը կառավարության որոշման նախագծով նախատեսվու է սկսել մարտի 1-ից»,– պարզաբանեց պաշտոնյան` հավելելով, որ համապատասխան որոշման նախագիծը կառավարությունում արդեն շրջանառում է։ Դրանով նախատեսում է սիգի արդյունագործական որսը այս տարի թույլատրել մարտի 1-ից մինչև սեպտեմբերի 1-ը։ Որսի համար թույլատրելի քանակը նախատեսված է 255 տոննա` նախորդ տարվա 300–ի փոխարեն։ Որսաքանակի նվազեցման պատճառը Սևանում սիգի պոպուլյացիայի կրճատումն է։Հիշեցնենք` Սևանա լճում սիգի ձվադրման ժամանակահատվածով պայմանավորված սահմանվել էր ձկան որսի արգելք` 2023 թվականի նոյեմբերի 25–ից մինչև հունվարի 20–ը։ ՀՀ բնապահպանության և ընդերքի տեսչական մարմինն օրերս հաղորդարություն էր տարածել, որտեղ ևս մեկ անգամ հիշեցրել էր, որ սիգի որսի արգելքը կգործի մինչև 2024 թվականի հունվարի 20–ը ներառյալ։Սիգի սիրողական որսն ընդհանրապես արգելված է։ Սևանում սիգ թույլատրվում է որսալ միայն արդյունագործական որսի թույլատրելի քանակության շրջանակում, հատուկ թույլտվության առկայությամբ։Ինչ վերաբերում է այլ ձկնատեսակների սիրողական որսին, դրանց թույլատրելի քանակը, ժամանակահատվածն ու որսի թույլատրելի պարագաները սահմանվում են ՇՄՆ նախարարի հրամանով։ Սիրողական որսի համար թույլատրված տեսակներն են կարմրախայտը, ծիածանախայտ ֆորելը, կովկասյան թեփուղը, սպիտակ և սև ամուրը, Կուրի կողակն ու բեղաձուկը, ճանարը, արևելյան տառեխիկը, ծածանը, սպիտակ և խայտաբղետ հաստաճակատը, արծաթափայլ կարասը, մուրծան բրամը, լոքոն և խեցգետինը։ Ջուրն ավելի կարևոր է. ՇՄ նախարարությունը մտադիր չէ զիջումներ անել ձկնաբույծներինԻնչ վերաբերում է խեցգետնին, որի գոյությանը սպառնացող վտանգի մասին մասնագետները պարբերաբար ահազանգում են, Սևանա լճում դրա սիրողական որսը նույնպես արգելված է, իսկ արդյունագործական որսի իրավունքն ու չափաքանակը, անհրաժեշտության դեպքում, սահմանվում են կառավարության որոշմամբ։«ԳԱԱ հաշվետվություններում Սևանում խեցգետնի առկայության մասին խոսք կա, բայց, հաշվի առնելով որսագողությունը, խեցգետնորսիչների անօրինական օգտագործումը, խեցգետինը չի հասցնում դառնալ այն չափի, որպեսզի դառնա արդյունագործական պաշար։ Պահպանությունն ու հսկողությունը խստացնելու պարագայում հույսեր կան, որ խեցգետինը կհասնի արդյւնագործական չափի, և արդեն կթույլատրվի իրականացել արդյունագործական որս»,– հույս հայտնեց Սևակ Բալոյանը։Իսկ խեցգետնի սիրողական որսը, Սևանա լճից բացի, ՀՀ այլ ջրային տարածքներում նախարարի հրամանով թույլատրվելու է փետրվարի 1-ից դեկտեմբերի 30-ը, բացառությամբ բազմացման ժամանակահատվածի՝ մայիս-օգոստոս ամիսները։ Ընդ որում, որսալ կարելի է միայն 9 սմ և ավելի մեծ չափի խեցգետիններ` տեսակի հետագա վերարտադրությունը չվտանգելու համար։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ձուկ, որս, սիգ, որսագողություն
ձուկ, որս, սիգ, որսագողություն
Սիգի որսը կշարունակի մնալ արգելված. մարտի 1-ից շուտ ձկնորսներին թույլ չի տրվի մտնել Սևան
Հայաստանում սիրողական ձկնորսության այս տարվա թույլատրելի տեսակների ու չափքանակների մասին ՇՄՆ նախարարի հրամանը դեռ քննարկման փուլում է։ Սևանում արդյունագործական ձկնորսության մասին կառավարության որոշումն էլ դեռ շրջանառում է նախարարություններում։
ԵՐԵՎԱՆ, 19 հունվարի – Sputnik. Սիգի արդյունագործական որսը Սևանում կթույլատրվի ոչ թե հունվարի 20-ից, ինչպես նախօրոք հայտարարվել էր, այլ մարտի 1-ից։
Այս մասին
Sputnik Արմենիային հայտնեց ՀՀ ՇՄՆ Կենսառեսուրսների կառավարման վարչության պետ Սևակ Բալոյանը։
«Հունվարի 20-ից հետո չի թույլատրվելու։ Արգելքի խստացման ժամանակահատվածը պայմանավորված է սիգի ինտենսիվ ձվադրման ժամանակահատվածով և առավել խիստ վերահսկողական միջոցառումներ իրականացնելու պահանջով։ Բայց այնպես չէ, որ հունվարի 20-ից հետո արդեն թույլատրվում է իրականացնել սիգի որս։ Սիգի որսը կառավարության որոշման նախագծով նախատեսվու է սկսել մարտի 1-ից»,– պարզաբանեց պաշտոնյան` հավելելով, որ համապատասխան որոշման նախագիծը կառավարությունում արդեն շրջանառում է։
Դրանով նախատեսում է սիգի արդյունագործական որսը այս տարի թույլատրել մարտի 1-ից մինչև սեպտեմբերի 1-ը։ Որսի համար թույլատրելի քանակը նախատեսված է 255 տոննա` նախորդ տարվա 300–ի փոխարեն։ Որսաքանակի նվազեցման պատճառը Սևանում սիգի պոպուլյացիայի կրճատումն է։
«ԳԱԱ–ի ուսումնասիրությունների համաձայն` սիգի չափաքանակը Սևանա լճում վերջին տարիներին դրական դինամիկայով էր գնում։ Բայց այս տարի, ցավոք սրտի, որոշակի անկում կա։ Այդ պատճառով նախատեսվում է գոնե որսաշրջանի առաջին փուլում ավելի քիչ քանակությամբ քվոտա սահմանել»,– հայտնեց Բալոյանը։
Հիշեցնենք` Սևանա լճում սիգի ձվադրման ժամանակահատվածով պայմանավորված սահմանվել էր ձկան որսի արգելք` 2023 թվականի նոյեմբերի 25–ից մինչև հունվարի 20–ը։ ՀՀ բնապահպանության և ընդերքի տեսչական մարմինն օրերս հաղորդարություն էր տարածել, որտեղ ևս մեկ անգամ հիշեցրել էր, որ սիգի որսի արգելքը կգործի մինչև 2024 թվականի հունվարի 20–ը ներառյալ։
Սիգի սիրողական որսն ընդհանրապես արգելված է։ Սևանում սիգ թույլատրվում է որսալ միայն արդյունագործական որսի թույլատրելի քանակության շրջանակում, հատուկ թույլտվության առկայությամբ։
Ինչ վերաբերում է այլ ձկնատեսակների սիրողական որսին, դրանց թույլատրելի քանակը, ժամանակահատվածն ու որսի թույլատրելի պարագաները սահմանվում են ՇՄՆ նախարարի հրամանով։
Սիրողական որսի համար թույլատրված տեսակներն են կարմրախայտը, ծիածանախայտ ֆորելը, կովկասյան թեփուղը, սպիտակ և սև ամուրը, Կուրի կողակն ու բեղաձուկը, ճանարը, արևելյան տառեխիկը, ծածանը, սպիտակ և խայտաբղետ հաստաճակատը, արծաթափայլ կարասը, մուրծան բրամը, լոքոն և խեցգետինը։
Ինչ վերաբերում է խեցգետնին, որի գոյությանը սպառնացող վտանգի մասին մասնագետները պարբերաբար ահազանգում են, Սևանա լճում դրա սիրողական որսը նույնպես արգելված է, իսկ արդյունագործական որսի իրավունքն ու չափաքանակը, անհրաժեշտության դեպքում, սահմանվում են կառավարության որոշմամբ։
«ԳԱԱ հաշվետվություններում Սևանում խեցգետնի առկայության մասին խոսք կա, բայց, հաշվի առնելով որսագողությունը, խեցգետնորսիչների անօրինական օգտագործումը, խեցգետինը չի հասցնում դառնալ այն չափի, որպեսզի դառնա արդյունագործական պաշար։ Պահպանությունն ու հսկողությունը խստացնելու պարագայում հույսեր կան, որ խեցգետինը կհասնի արդյւնագործական չափի, և արդեն կթույլատրվի իրականացել արդյունագործական որս»,– հույս հայտնեց Սևակ Բալոյանը։
Իսկ խեցգետնի սիրողական որսը, Սևանա լճից բացի, ՀՀ այլ ջրային տարածքներում նախարարի հրամանով թույլատրվելու է փետրվարի 1-ից դեկտեմբերի 30-ը, բացառությամբ բազմացման ժամանակահատվածի՝ մայիս-օգոստոս ամիսները։ Ընդ որում, որսալ կարելի է միայն 9 սմ և ավելի մեծ չափի խեցգետիններ` տեսակի հետագա վերարտադրությունը չվտանգելու համար։
