https://arm.sputniknews.ru/20240118/rusastani-dem-blickrigy-patranq-e-iravitshakn-armatapes-pvokhvel-e-lavrvov-71270929.html
Ռուսաստանի դեմ բլիցկրիգը պատրանք է, իրավիճակն արմատապես փոխվել է․ Լավրով
Ռուսաստանի դեմ բլիցկրիգը պատրանք է, իրավիճակն արմատապես փոխվել է․ Լավրով
Sputnik Արմենիա
ՌԴ արտգործնախարարի խոսքով՝ ոչ մի նախադրյալ չկա, որ Ռուսաստանը ինչ-որ կերպ կպարտվի։ 18.01.2024, Sputnik Արմենիա
2024-01-18T14:21+0400
2024-01-18T14:21+0400
2024-01-18T14:25+0400
սերգեյ լավրով
ռուսաստան
արևմուտք
պատերազմ
հատուկ ռազմական գործողություն
ուկրաինա
ամն
https://cdn.am.sputniknews.ru/img/07e8/01/12/71264974_0:0:1600:901_1920x0_80_0_0_b206b7cdc63edf66872bc6287bdc0745.jpg
ԵՐԵՎԱՆ, 18 հունվարի - Sputnik. Արևմուտքը Կիևի կողմից ավելի մեծ ճկունություն կցանկանար, քանի որ հասկացել է, որ բլիցկրիգը ձախողվել է։ Այս մասին հայտարարել է ՌԴ ԱԳ նախարար Սերգեյ Լավրովը՝ 2023 թվականին ռուսական դիվանագիտական գերատեսչության աշխատանքի արդյունքներին նվիրված մամուլի ասուլիսի ժամանակ։ՌԴ այրտգործնախարարն ընդգծել է՝ ոչ մի նախադրյալ չկա, որ Ռուսաստանն ինչ-որ կերպ կպարտվի։ Նրա խոսքով՝ Ռուսաստանը հետևողականորեն, համառորեն հասնելու է իր նպատակին։Մեկնաբանելով Ուկրաինայի նախագահական ընտրությունների վերաբերյալ քննարկումները՝ Լավրովը հայտարարել է, որ Վլադիմիր Զելենսկին ավելի ու ավելի հաճախ է արևմտյան համակարգողների ձեռքից դուրս պրծնում։ Նախարարի խոսքով՝ Մոսկվան լսել է, որ Արևմուտքը Կիևին խորհուրդ է տալիս այնպիսի ընտրություններ անցկացնել, որպեսզի «Զելենսկուն մի փոքր մտցնի» արևմտյան շահերի հունի մեջ։«Զելենսկին հրապարակավ հայտարարել է, որ ինքը ոչ մի ընտրություն չի անցկացնի, քանի որ պատերազմ է ընթանում։ Դա հերթական բեմականացումն է հիշեցնում և արտացոլում է այդ մարդու և նրա կողմնակիցների ցանկությունները, որոնք բոլորին քաջ հայտնի են՝ առավելագույնս կառչած մնալ իշխանությունից»,-ասել է Լավրովը։«Զանգեզուրի միջանցքի» մասին երբեք խոսք չի եղել եռակողմ պայմանավորվածություններում. ԼավրովՆա նաև նշել է, որ Մոսկվան փիլիսոփայորեն է վերաբերվում նրան, որ Արևմուտքը պարբերաբար ինչ-որ ազդակներ է ուղարկում, իսկ հետո հետ է կանչում դրանք:Կիևին արգելվել է Ռուսաստանի հետ հակամարտության կարգավորման մասին պայմանագիր կնքել Բրիտանիայի նախկին վարչապետ Բորիս Ջոնսոնի և «այլ անգլոսաքսերի» հրահանգով, հիշեցրել է Լավրովը։«Նախագահը (Վլադիմիր Պուտինը) բազմիցս ասել է՝ Ռուսաստանը բանակցություններից չի հրաժարվում։ Նա դա ասել էր դեռևս 2022 թվականին, երբ Բորիս Ջոնսոնի և այլ անգլոսաքսերի հրահանգով Կիևին արգելեցին ստորագրել Ռուսաստանի Դաշնության հետ կարգավորման մասին արդեն համաձայնեցված պայմանագիրը։ Այս պատմությունը հայտնի է, դա 2022 թվականի ապրիլին էր»,-ասել է նախարարը։Լավրովը նաև հիշեցրել է նախագահ Վլադիմիր Պուտինի խոսքերն այն մասին, որ որքան երկար ձգձգեն բանակցությունները, այնքան ավելի դժվար կլինի պայմանավորվել:«Ահա հիմա մենք տեսնում ենք այդ մարգարեության կատարումը»,-ասել է նա: Ռուսաստանի արտաքին քաղաքական գերատեսչության ղեկավարը նշել է, որ Արևմուտքը գործը տանում է դեպի ուկրաինական ճգնաժամի սրացում։Մոսկվան նախկինում բազմիցս նշել էր, որ պատրաստ է բանակցությունների, սակայն Կիևը օրենսդրական մակարդակով արգելք է դրել դրանց վրա: ՌԴ նախագահ Վլադիմիր Պուտինն ավելի ուշ հայտարարել էր, որ եթե Ուկրաինայում բանակցային գործընթաց են ուզում, ապա թատերական ժեստեր պետք չեն, պետք է չեղարկել հրամանը, որն արգելում է բանակցել Ռուսաստանի հետ:ԱՄՆ-ն զգուշանում է Ռուսաստանի հետ հարաբերությունները հիմնովին քանդելուց. Լավրով
արևմուտք
ուկրաինա
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սերգեյ լավրով, ռուսաստան, արևմուտք, պատերազմ, հատուկ ռազմական գործողություն, ուկրաինա, ամն
սերգեյ լավրով, ռուսաստան, արևմուտք, պատերազմ, հատուկ ռազմական գործողություն, ուկրաինա, ամն
Ռուսաստանի դեմ բլիցկրիգը պատրանք է, իրավիճակն արմատապես փոխվել է․ Լավրով
14:21 18.01.2024 (Թարմացված է: 14:25 18.01.2024) ՌԴ արտգործնախարարի խոսքով՝ ոչ մի նախադրյալ չկա, որ Ռուսաստանը ինչ-որ կերպ կպարտվի։
ԵՐԵՎԱՆ, 18 հունվարի - Sputnik. Արևմուտքը Կիևի կողմից ավելի մեծ ճկունություն կցանկանար, քանի որ հասկացել է, որ բլիցկրիգը ձախողվել է։ Այս մասին հայտարարել է ՌԴ ԱԳ նախարար Սերգեյ Լավրովը՝ 2023 թվականին ռուսական դիվանագիտական գերատեսչության աշխատանքի արդյունքներին նվիրված մամուլի ասուլիսի ժամանակ։
«Այդքան գովազդված բլիցկրիգը՝ Ռուսաստանին ռազմավարական պարտություն հասցնելու վերջնական նպատակով, ամբողջովին պատրանք է, և իրավիճակն արմատապես փոխվել է, առաջին հերթին՝ արևմտյան գլուխներում։ Նրանք [Արևմուտքում] հասկացել են իրենց սխալը։ Այն դժվար է ընդունել, և դա արտահայտվում է նրանով, որ նրանք արտաքին ազդանշաններ են փնտրում, որոնք մի կողմից թույլ կտային աջակցել Ուկրաինային, մյուս կողմից` Կիևին դրդել ավելի զիջող դառնալ և սկսել ենթարկվել արևմտյան ղեկավարներին»,-նշել է Լավրովը։
ՌԴ այրտգործնախարարն ընդգծել է՝ ոչ մի նախադրյալ չկա, որ Ռուսաստանն ինչ-որ կերպ կպարտվի։ Նրա խոսքով՝ Ռուսաստանը հետևողականորեն, համառորեն հասնելու է իր նպատակին։
Մեկնաբանելով Ուկրաինայի նախագահական ընտրությունների վերաբերյալ քննարկումները՝ Լավրովը հայտարարել է, որ Վլադիմիր Զելենսկին ավելի ու ավելի հաճախ է արևմտյան համակարգողների ձեռքից դուրս պրծնում։ Նախարարի խոսքով՝ Մոսկվան լսել է, որ Արևմուտքը Կիևին խորհուրդ է տալիս այնպիսի ընտրություններ անցկացնել, որպեսզի «Զելենսկուն մի փոքր մտցնի» արևմտյան շահերի հունի մեջ։
«Զելենսկին հրապարակավ հայտարարել է, որ ինքը ոչ մի ընտրություն չի անցկացնի, քանի որ պատերազմ է ընթանում։ Դա հերթական բեմականացումն է հիշեցնում և արտացոլում է այդ մարդու և նրա կողմնակիցների ցանկությունները, որոնք բոլորին քաջ հայտնի են՝ առավելագույնս կառչած մնալ իշխանությունից»,-ասել է Լավրովը։
Նա նաև նշել է, որ Մոսկվան փիլիսոփայորեն է վերաբերվում նրան, որ Արևմուտքը պարբերաբար ինչ-որ ազդակներ է ուղարկում, իսկ հետո հետ է կանչում դրանք:
Կիևին արգելվել է Ռուսաստանի հետ հակամարտության կարգավորման մասին պայմանագիր կնքել Բրիտանիայի նախկին վարչապետ Բորիս Ջոնսոնի և «այլ անգլոսաքսերի» հրահանգով, հիշեցրել է Լավրովը։
«Նախագահը (Վլադիմիր Պուտինը) բազմիցս ասել է՝ Ռուսաստանը բանակցություններից չի հրաժարվում։ Նա դա ասել էր դեռևս 2022 թվականին, երբ Բորիս Ջոնսոնի և այլ անգլոսաքսերի հրահանգով Կիևին արգելեցին ստորագրել Ռուսաստանի Դաշնության հետ կարգավորման մասին արդեն համաձայնեցված պայմանագիրը։ Այս պատմությունը հայտնի է, դա 2022 թվականի ապրիլին էր»,-ասել է նախարարը։
Լավրովը նաև հիշեցրել է նախագահ Վլադիմիր Պուտինի խոսքերն այն մասին, որ որքան երկար ձգձգեն բանակցությունները, այնքան ավելի դժվար կլինի պայմանավորվել:
«Ահա հիմա մենք տեսնում ենք այդ մարգարեության կատարումը»,-ասել է նա:
Ռուսաստանի արտաքին քաղաքական գերատեսչության ղեկավարը նշել է, որ Արևմուտքը գործը տանում է դեպի ուկրաինական ճգնաժամի սրացում։
«Մենք ո՛չ ԱՄՆ-ի, ո՛չ ՆԱՏՕ-ի կողմից անգամ չնչին շահագրգռվածություն չենք տեսնում ուկրաինական ներկայիս հակամարտության արդարացի կարգավորման գնալու հարցում։ Այնտեղ չեն ցանկանում նույնիսկ լսել մեր մտահոգությունների մասին, լրջորեն խոսել հիմնարար հակասությունների վերացման մասին»,-հայտարարել է Լավրովը։
Մոսկվան նախկինում բազմիցս նշել էր, որ պատրաստ է բանակցությունների, սակայն Կիևը օրենսդրական մակարդակով արգելք է դրել դրանց վրա: ՌԴ նախագահ Վլադիմիր Պուտինն ավելի ուշ հայտարարել էր, որ եթե Ուկրաինայում բանակցային գործընթաց են ուզում, ապա թատերական ժեստեր պետք չեն, պետք է չեղարկել հրամանը, որն արգելում է բանակցել Ռուսաստանի հետ:
