https://arm.sputniknews.ru/20240118/adrbejany-hajtararutjun-e-arel-i-pataskhan-fransiaji-senati-banadzevi-71257607.html
Ադրբեջանը հայտարարություն է արել ի պատասխան Ֆրանսիայի Սենատի բանաձևի
Ադրբեջանը հայտարարություն է արել ի պատասխան Ֆրանսիայի Սենատի բանաձևի
Sputnik Արմենիա
Բաքուն կոչ է անում Ֆրանսիայի դեմ պատժամիջոցներ կիրառել, դադարեցնել մի շարք ընկերությունների հետ համագործակցությունը և այլն։ 18.01.2024, Sputnik Արմենիա
2024-01-18T11:19+0400
2024-01-18T11:19+0400
2024-01-18T11:28+0400
հայ-ադրբեջանական
ադրբեջան
ֆրանսիա
սենատ
բանաձև
արցախ
հայաստան
պատժամիջոցներ
https://cdn.am.sputniknews.ru/img/901/93/9019365_0:251:2751:1798_1920x0_80_0_0_6b7f37317bd90c3a5c75d43c2e98a2a3.jpg
ԵՐԵՎԱՆ, 18 հունվարի – Sputnik. Ադրբեջանի խորհրդարանը հայտարարություն է ընդունել ի պատասխան Ֆրանսիայի Սենատի՝ Բաքվի դեմ պատժամիջոցների մասին բանաձևի։ Տեղեկությունը հայտնում են ադրբեջանական ԶԼՄ–ները։Ավելի վաղ հայտնել էինք, որ հունվարի 17-ին Ֆրանսիայի սենատը Լեռնային Ղարաբաղի հարցով Ադրբեջանի դեմ պատժամիջոցներ սահմանելու մասին բանաձև է ընդունել։Բաքուն կոչ է անում Ֆրանսիայի դեմ պատժամիջոցներ կիրառել և դադարեցնել տնտեսական կապերը, սառեցնել Ֆրանսիայի պաշտոնատար անձանց ակտիվները Ադրբեջանում, թույլ չտալ ֆրանսիական ընկերությունների մասնակցությունը պետպատվերով նախագծերին, երկրից վտարել ֆրանսիական բոլոր ընկերություններին` ներառյալ Total-ը, հանձնարարել Ադրբեջանի ԱԳՆ-ին քայլեր ձեռնարկել Կորսիկայի, Կանակիի անկախության ճանաչման ուղղությամբ։Ադրբեջանում կարծում են, որ երկու երկրների միջև հարաբերությունները գտնվում են պատմության մեջ ամենացածր մակարդակի վրա և կարող են փաստացի դադարեցված համարվել։Հիշեցնենք, որ բանաձևին կողմ է քվեարկել Սենատի 336 անդամ, միայն 1 դեմ ձայն է եղել։Ֆրանսիայի սենատը հունվարի 17–ին քննարկում էր «Լեռնային Ղարաբաղում Ադրբեջանի ռազմական ագրեսիան դատապարտելուն և Հայաստանի Հանրապետության դեմ ագրեսիայի հետագա փորձերը և տարածքային ամբողջականությունը խախտելը կանխելուն» ուղղված բանաձևը: Բանաձևում շեշտվում է, որ միջազգային հանրությունը պետք է Ադրբեջանից պահանջի ջանքեր գործադրել՝ երաշխավորելու հայ բնակչության՝ Լեռնային Ղարաբաղ վերադառնալու իրավունքը՝ միաժամանակ ապահովելով նրանց անվտանգությունն ու բարեկեցությունը։Սենատը Ֆրանսիայի կառավարությանը կոչ է անում պատժամիջոցներ կիրառելու սպառնալիքով Ադրբեջանից պահանջել ազատ արձակել այնտեղ պահվող քաղաքացիական և զինվորական անձանց, ներառյալ՝ ապօրինի պահվող քաղաքական և հասարակական գործիչներին, Արցախի նախկին պաշտոնյաներին։Ֆրանսիան հերքում է Ադրբեջանի ներքին գործերին միջամտելու մեղադրանքներըՍենատը նաև վերահաստատում է Հայաստանի տարածքային ամբողջականության անխախտելիությունը, կոչ է անում անհապաղ և անվերապահ դուրս բերել ադրբեջանական զորքերը Հայաստանի ինքնիշխան տարածքից։Սենատը պահանջում է խիստ միջոցներ ձեռնարկել, ընդհուպ՝ Ադրբեջանի ղեկավարների ակտիվների առգրավում և ադրբեջանական գազի և նավթի ներմուծման էմբարգո։
ադրբեջան
ֆրանսիա
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայ-ադրբեջանական, ադրբեջան, ֆրանսիա, սենատ, բանաձև, արցախ, հայաստան, պատժամիջոցներ
հայ-ադրբեջանական, ադրբեջան, ֆրանսիա, սենատ, բանաձև, արցախ, հայաստան, պատժամիջոցներ
Ադրբեջանը հայտարարություն է արել ի պատասխան Ֆրանսիայի Սենատի բանաձևի
11:19 18.01.2024 (Թարմացված է: 11:28 18.01.2024) Բաքուն կոչ է անում Ֆրանսիայի դեմ պատժամիջոցներ կիրառել, դադարեցնել մի շարք ընկերությունների հետ համագործակցությունը և այլն։
ԵՐԵՎԱՆ, 18 հունվարի – Sputnik. Ադրբեջանի խորհրդարանը հայտարարություն է ընդունել ի պատասխան Ֆրանսիայի Սենատի՝ Բաքվի դեմ պատժամիջոցների մասին բանաձևի։ Տեղեկությունը հայտնում են ադրբեջանական ԶԼՄ–ները։
Ավելի վաղ հայտնել էինք, որ հունվարի 17-ին Ֆրանսիայի սենատը Լեռնային Ղարաբաղի հարցով Ադրբեջանի դեմ պատժամիջոցներ սահմանելու մասին բանաձև է ընդունել։
Բաքուն կոչ է անում Ֆրանսիայի դեմ պատժամիջոցներ կիրառել և դադարեցնել տնտեսական կապերը, սառեցնել Ֆրանսիայի պաշտոնատար անձանց ակտիվները Ադրբեջանում, թույլ չտալ ֆրանսիական ընկերությունների մասնակցությունը պետպատվերով նախագծերին, երկրից վտարել ֆրանսիական բոլոր ընկերություններին` ներառյալ Total-ը, հանձնարարել Ադրբեջանի ԱԳՆ-ին քայլեր ձեռնարկել Կորսիկայի, Կանակիի անկախության ճանաչման ուղղությամբ։
Ադրբեջանում կարծում են, որ երկու երկրների միջև հարաբերությունները գտնվում են պատմության մեջ ամենացածր մակարդակի վրա և կարող են փաստացի դադարեցված համարվել։
Ֆրանսիայի սենատը հունվարի 17–ին քննարկում էր «Լեռնային Ղարաբաղում Ադրբեջանի ռազմական ագրեսիան դատապարտելուն և Հայաստանի Հանրապետության դեմ ագրեսիայի հետագա փորձերը և տարածքային ամբողջականությունը խախտելը կանխելուն» ուղղված բանաձևը: Բանաձևում շեշտվում է, որ միջազգային հանրությունը պետք է Ադրբեջանից պահանջի ջանքեր գործադրել՝ երաշխավորելու հայ բնակչության՝ Լեռնային Ղարաբաղ վերադառնալու իրավունքը՝ միաժամանակ ապահովելով նրանց անվտանգությունն ու բարեկեցությունը։
Սենատը Ֆրանսիայի կառավարությանը կոչ է անում պատժամիջոցներ կիրառելու սպառնալիքով Ադրբեջանից պահանջել ազատ արձակել այնտեղ պահվող քաղաքացիական և զինվորական անձանց, ներառյալ՝ ապօրինի պահվող քաղաքական և հասարակական գործիչներին, Արցախի նախկին պաշտոնյաներին։
Սենատը նաև վերահաստատում է Հայաստանի տարածքային ամբողջականության անխախտելիությունը, կոչ է անում անհապաղ և անվերապահ դուրս բերել ադրբեջանական զորքերը Հայաստանի ինքնիշխան տարածքից։
Սենատը պահանջում է խիստ միջոցներ ձեռնարկել, ընդհուպ՝ Ադրբեջանի ղեկավարների ակտիվների առգրավում և ադրբեջանական գազի և նավթի ներմուծման էմբարգո։
