https://arm.sputniknews.ru/20240115/um-ekamtaharki-veradardzy-kdadarecnen-vaghazham-parzabanel-e-pvokhnakharary-71182145.html
Ում եկամտահարկի վերադարձը կդադարեցնեն վաղաժամ․ պարզաբանել է փոխնախարարը
Ում եկամտահարկի վերադարձը կդադարեցնեն վաղաժամ․ պարզաբանել է փոխնախարարը
Sputnik Արմենիա
Եթե Երևանում հիփոթեքով բնակարան եք ձեռք բերել շենքում, որտեղ շինարարության թույլտվությունը տրվել է 2022 թվականի հունվարի 1-ից, ապա եկամտահարկի վերադարձ կարող... 15.01.2024, Sputnik Արմենիա
2024-01-15T20:47+0400
2024-01-15T20:47+0400
2024-01-15T23:08+0400
եկամտահարկ
հիփոթեքային վարկ
երևան
https://cdn.am.sputniknews.ru/img/07e7/06/1c/61863091_0:60:1600:960_1920x0_80_0_0_9a3ea5afd604268c6802b55e4cdc7c62.jpg
ԵՐԵՎԱՆ, 15 հունվարի - Sputnik. Մի շարք դեպքերում պետությունը կարող է վաղաժամ դադարեցնել Երևանում բնակարանների գնորդների հետ եկամտահարկի վերադարձի վերաբերյալ կնքած պայմանագիրը։ Այս մասին ԱԺ-ում Հարկային օրենսգրքում փոփոխությունների նախագիծը ներկայացնելիս հայտարարել է ՀՀ ֆինանսների փոխնախարար Արման Պողոսյանը։Օրինագծի համաձայն՝ եկամտահարկի վերադարձը, որը նախատեսված է առաջնային շուկայից հիփոթեքով բնակարան ձեռք բերած մարդկանց համար, պետք է չեղարկվի 2027 թվականի հունվարի 1-ից Երևանի սահմանակից մարզերում (Արարատ, Արմավիր, Կոտայք, Արագածոտն), իսկ 2029 թվականի հունվարի 1-ից՝ մյուս մարզերում։Ի պատասխան «Քաղաքացիական պայմանագիր» կուսակցության պատգամավոր Գևորգ Պապոյանի խնդրանքին ճշտել, թե ում համար և որքան կգործի հարկի վերադարձը, փոխնախարարը հիշեցրել է, որ եթե շենքի շինարարության թույլտվությունը տրվել է մինչև 2022 թվականի հունվարի 1-ը, եկամտահարկի վերադարձը կգործի առանց սահմանափակումների և մինչև վարկի ժամկետի ավարտը։ Սակայն եթե թույլտվությունը տրվել է այդ ամսաթվից հետո, ապա վարկառուները կկարողանան օգտվել այդ արտոնությունից միայն մինչև 2025 թվականի հունվարի 1-ը և միայն եթե շենք չի գտնվում մայրաքաղաքի առաջին երեք գոտիներում։ Այսինքն, օրինակ, եթե վարկը վերցրել են 2023 թվականի դեկտեմբերին, ապա արտոնությունից կարող են օգտվել միայն մեկ տարի։Մարզերի դեպքում ամեն ինչ կախված կլինի ոչ թե շինարարության թույլտվության ամսաթվից, այլ վարկի ձևակերպման ամսաթվից․ եթե բնակարանի համար վերոնշյալ չորս մարզերում վարկը վերցվել է մինչև 2027 թվականը, իսկ մյուսները՝ մինչև 2029 թվականը, ապա եկամտահարկը կվերադարձվի մինչև վարկի լիարժեք մարումը։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
եկամտահարկ, հիփոթեքային վարկ, երևան
եկամտահարկ, հիփոթեքային վարկ, երևան
Ում եկամտահարկի վերադարձը կդադարեցնեն վաղաժամ․ պարզաբանել է փոխնախարարը
20:47 15.01.2024 (Թարմացված է: 23:08 15.01.2024) Եթե Երևանում հիփոթեքով բնակարան եք ձեռք բերել շենքում, որտեղ շինարարության թույլտվությունը տրվել է 2022 թվականի հունվարի 1-ից, ապա եկամտահարկի վերադարձ կարող եք ստանալ միայն մինչև 2025 թվականը։
ԵՐԵՎԱՆ, 15 հունվարի - Sputnik. Մի շարք դեպքերում պետությունը կարող է վաղաժամ դադարեցնել Երևանում բնակարանների գնորդների հետ եկամտահարկի վերադարձի վերաբերյալ կնքած պայմանագիրը։ Այս մասին ԱԺ-ում Հարկային օրենսգրքում փոփոխությունների նախագիծը ներկայացնելիս հայտարարել է ՀՀ ֆինանսների փոխնախարար Արման Պողոսյանը։
Օրինագծի համաձայն՝ եկամտահարկի վերադարձը, որը նախատեսված է առաջնային շուկայից հիփոթեքով բնակարան ձեռք բերած մարդկանց համար, պետք է չեղարկվի 2027 թվականի հունվարի 1-ից Երևանի սահմանակից մարզերում (Արարատ, Արմավիր, Կոտայք, Արագածոտն), իսկ 2029 թվականի հունվարի 1-ից՝ մյուս մարզերում։
Երևանի համար այս արտոնությունն աստիճանաբար սկսել է չեղարկվել՝ 2022 թվականի հուլիսի 1-ից այն դադարել է գործել Երևանի առաջին գոտում (փոքր կենտրոն), կես տարի անց՝ երկրորդ, ևս կես տարի անց (այսինքն 2023 թվականի հուլիսի 1-ից)՝ երրորդ, իսկ 2025 թվականից կդադարի գործել ամբողջ մայրաքաղաքում։
Ի պատասխան «Քաղաքացիական պայմանագիր» կուսակցության պատգամավոր Գևորգ Պապոյանի խնդրանքին ճշտել, թե ում համար և որքան կգործի հարկի վերադարձը, փոխնախարարը հիշեցրել է, որ եթե շենքի շինարարության թույլտվությունը տրվել է մինչև 2022 թվականի հունվարի 1-ը, եկամտահարկի վերադարձը կգործի առանց սահմանափակումների և մինչև վարկի ժամկետի ավարտը։ Սակայն եթե թույլտվությունը տրվել է այդ ամսաթվից հետո, ապա վարկառուները կկարողանան օգտվել այդ արտոնությունից միայն մինչև 2025 թվականի հունվարի 1-ը և միայն եթե շենք չի գտնվում մայրաքաղաքի առաջին երեք գոտիներում։ Այսինքն, օրինակ, եթե վարկը վերցրել են 2023 թվականի դեկտեմբերին, ապա արտոնությունից կարող են օգտվել միայն մեկ տարի։
Մարզերի դեպքում ամեն ինչ կախված կլինի ոչ թե շինարարության թույլտվության ամսաթվից, այլ վարկի ձևակերպման ամսաթվից․ եթե բնակարանի համար վերոնշյալ չորս մարզերում վարկը վերցվել է մինչև 2027 թվականը, իսկ մյուսները՝ մինչև 2029 թվականը, ապա եկամտահարկը կվերադարձվի մինչև վարկի լիարժեք մարումը։
