Պենտագոնը հայտարարել է Եմենում հուսիների օբյեկտներին ԱՄՆ-ի հարվածների մասին. տեսանյութ
09:28 12.01.2024 (Թարմացված է: 13:58 17.01.2024)
Բաժանորդագրվել
Պենտագոնի ղեկավարը նշել է, որ հարվածների նպատակը Եմենի շարժման կողմից նավագնացությանն ու միջազգային առևտրի սպառնալիքի նվազեցումն է։
ԵՐԵՎԱՆ, 12 հունվարի - Sputnik. Պենտագոնի ղեկավար Լլոյդ Օսթինը, որը անհայտ ժամանակով շարունակում է հիվանդանոցում մնալ, հայտարարել է, որ Եմենում ԱՄՆ-ի և գործընկերների հարվածների թիրախը եղել են անօդաչու թռչող սարքերը, հրթիռները, ինչպես նաև հութիների հետախուզության տեխնիկական հնարավորությունները:
Այս գիշերն ԱՄՆ-ն իր գործընկերների հետ միասին ավիահարվածներ է հասցրել Եմենի տարբեր հատվածներում գտնվող օբյեկտներին, այդ թվում` մայրաքաղաք Սանայում:
Այս գիշերն ԱՄՆ-ն իր գործընկերների հետ միասին ավիահարվածներ է հասցրել Եմենի տարբեր հատվածներում գտնվող օբյեկտներին, այդ թվում` մայրաքաղաք Սանայում:
ԱՄՆ ԶՈւ կենտրոնական հրամանատարությունը գործողության հետ կապված կադրեր է հրապարակել սոցցանցերում։
On Jan. 11 at 2:30 a.m. (Sanaa time), U.S. Central Command forces, in coordination with the United Kingdom, and support from Australia, Canada, the Netherlands, and Bahrain conducted joint strikes on Houthi targets to degrade their capability to continue their illegal and… pic.twitter.com/bR8biMolSx
— U.S. Central Command (@CENTCOM) January 12, 2024
«Այսօրվա հարվածների թիրախն այն վայրերն են, որոնք ասոցացվում են հութիների ԱԹՍ-ների, դրանց բալիստիկ և թևավոր հրթիռների, առափնյա ռադիոտեղորոշիչ կայանների տեխնիկական հնարավորությունների և օդային թիրախների հետախուզման հետ», -ասված է ԱՄՆ պաշտպանության նախարարության կայքում հրապարակված հայտարարության մեջ:
Պենտագոնի ղեկավարը հայտարարել է նաև, որ հարվածների նպատակը Եմենի շարժման կողմից նավագնացությանն ու միջազգային առևտրի սպառնալիքի նվազեցումն է։
Իր հերթին հութիների ռազմական ներկայացուցիչ Յահյա Սարիան Քաթարի «Ալ Ջազիրա» հեռուստաալիքին հայտնել է, որ Եմենի մայրաքաղաք Սանայի օդանավակայանի շրջանում Ադ Դլեյմի ռազմաօդային բազային հասցված հարվածը հրդեհ է առաջացրել այնտեղ:
«Ադ-Դլեյմիի ռազմակայանում ավիահարվածի հետևանքով հրդեհ է բռնկվել, որը հաջողվել է մարել։ Հարձակումից հետո ռազմակայանում վնաս չենք հայտնաբերել»,- ասել է նա։
Ավելի վաղ Եմենի հյուսիսում իշխող «Անսար Ալլա» շարժումը, որը վերահսկում է Եմենում Կարմիր ծովի ափերի մեծ մասը, նախազգուշացրել էր Իսրայելի հետ կապ ունեցող կամ նրա նավահանգիստներ ուղևորվող նավերի վրա հարձակվելու մտադրության մասին և մյուս երկրներին կոչ էր արել այդ նավերից հետ կանչել իրենց անձնակազմերը և ծովում չմոտենալ դրանց: ԱՄՆ-ը հայտարարել էր, որ ի պատասխան հութիների հաճախակի դարձած հարձակումների, տասը այլ երկրների հետ միասին Կարմիր ծովում նավագնացության պաշտպանության գործողություն կսկսեն։ Դրան ի պատասխան «Անսար Ալլան» զգուշացրել էր, որ իրենց իրավունք են վերապահում հարձակվել ԱՄՆ-ի հետ համատեղ կոալիցիայի անդամ երկրների նավերի վրա:
