https://arm.sputniknews.ru/20240112/hajastanum-668-ashkhatategh-ksteghtsvi-4-ynkerutjan-het-hamadzajnagir-e-knqvel-71115717.html
Հայաստանում 668 աշխատատեղ կստեղծվի. 4 ընկերության հետ համաձայնագիր է կնքվել
Հայաստանում 668 աշխատատեղ կստեղծվի. 4 ընկերության հետ համաձայնագիր է կնքվել
Sputnik Արմենիա
Ընկերությունները պատրաստվում են շուրջ 17 մլրդ դրամ (մոտ 42,5 մլն դոլար) ներդնել։ 12.01.2024, Sputnik Արմենիա
2024-01-12T21:07+0400
2024-01-12T21:07+0400
2024-01-12T21:07+0400
վահան քերոբյան
էկոնոմիկայի նախարարություն
աշխատատեղ
ներդրում
https://cdn.am.sputniknews.ru/img/07e8/01/08/70897589_0:32:1601:932_1920x0_80_0_0_1f8dfca7a7587cc95629640eeb53488d.jpg
ԵՐԵՎԱՆ, 12 հունվարի – Sputnik. Գյուղատնտեսության, մշակող արդյունաբերության և հաղորդակցության ոլորտներում նախատեսվող ներդրումների շրջանակում Հայաստանում 668 աշխատատեղ կստեղծվի:Այսօր ՀՀ էկոնոմիկայի նախարարությունում «Ենթակառուցվածքներ ներդրումների դիմաց» ծրագրի շրջանակներում գերատեսչության և «UM Agro», «Agropro», «Europlast 999» և «GNC-Alfa» ընկերությունների միջև համաձայնագիր է ստորագրվել:Ինչպես լրագրողներին հայտնեց ՀՀ էկոնոմիկայի նախարար Վահան Քերոբյանը, կառավարությունը 2021-2026 թվականների զարգացման իր ծրագրում աջակցության կետ է նշել այն ընկերությունների համար, որոնք պատրաստվում են ինչ-որ ներդրումներ կատարել գյուղատնտեսության, վերամշակող արդյունաբերության, հաղորդակցության ոլորտներում։Նրա խոսքով, ընդհանուր առմամբ, համաձայնագրեր են կնքվել չորս ընկերությունների հետ, որոնք շուրջ 17 մլրդ դրամ (մոտ 42,5 մլն դոլար) կներդնեն, իսկ կառավարությունն իր կողմից մոտ 1 մլրդ դրամ (մոտ 2,5 մլն դոլար) կներդնի անհրաժեշտ ենթակառուցվածքների զարգացման համար:Մասնավորապես, «UM Agro», «Agropro» ընկերությունները մտադիր են ներդրումներ կատարել ինտենսիվ այգիներ հիմնելու, «Europlast 999»-ը՝ շինանյութերի արտադրության մեջ, իսկ «GNC-Alfa»-ն («Ռոստելեկոմի» հայաստանյան դուստրը-խմբ.) միջոցներ է ներդնում տվյալների կենտրոնի ստեղծման գործում:Հիշեցնենք, որ «Ներդրումներ ենթակառուցվածքների դիմաց» ծրագիրը հաստատվել էր 2022 թվականի օգոստոսին։ Նախագիծը ենթադրում է, որ մինչև 500 մլն դրամի ներդրման դեպքում կառավարությունը պատրաստ է անհրաժեշտ ենթակառուցվածքներ տրամադրել՝ ներդրումների ընդհանուր ծավալի 20 տոկոսի չափով: Եթե ավելի շատ գումար լինի, ապա լրացուցիչ օգնությունը կկազմի ներդրումների այն մասի 10%-ը, որը գերազանցում է նշված գումարը:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վահան քերոբյան, էկոնոմիկայի նախարարություն, աշխատատեղ, ներդրում
վահան քերոբյան, էկոնոմիկայի նախարարություն, աշխատատեղ, ներդրում
Հայաստանում 668 աշխատատեղ կստեղծվի. 4 ընկերության հետ համաձայնագիր է կնքվել
Ընկերությունները պատրաստվում են շուրջ 17 մլրդ դրամ (մոտ 42,5 մլն դոլար) ներդնել։
ԵՐԵՎԱՆ, 12 հունվարի – Sputnik. Գյուղատնտեսության, մշակող արդյունաբերության և հաղորդակցության ոլորտներում նախատեսվող ներդրումների շրջանակում Հայաստանում 668 աշխատատեղ կստեղծվի:
Այսօր ՀՀ էկոնոմիկայի նախարարությունում «Ենթակառուցվածքներ ներդրումների դիմաց» ծրագրի շրջանակներում գերատեսչության և «UM Agro», «Agropro», «Europlast 999» և «GNC-Alfa» ընկերությունների միջև համաձայնագիր է ստորագրվել:
Ինչպես լրագրողներին հայտնեց ՀՀ էկոնոմիկայի նախարար Վահան Քերոբյանը, կառավարությունը 2021-2026 թվականների զարգացման իր ծրագրում աջակցության կետ է նշել այն ընկերությունների համար, որոնք պատրաստվում են ինչ-որ ներդրումներ կատարել գյուղատնտեսության, վերամշակող արդյունաբերության, հաղորդակցության ոլորտներում։
«Մենք գիտենք, որ ենթակառուցվածքները մեր երկրում լավ վիճակում չեն, չնայած կառավարության խոշոր ներդրումներին», - ասաց Քերոբյանը:
Նրա խոսքով, ընդհանուր առմամբ, համաձայնագրեր են կնքվել չորս ընկերությունների հետ, որոնք շուրջ 17 մլրդ դրամ (մոտ 42,5 մլն դոլար) կներդնեն, իսկ կառավարությունն իր կողմից մոտ 1 մլրդ դրամ (մոտ 2,5 մլն դոլար) կներդնի անհրաժեշտ ենթակառուցվածքների զարգացման համար:
Մասնավորապես, «UM Agro», «Agropro» ընկերությունները մտադիր են ներդրումներ կատարել ինտենսիվ այգիներ հիմնելու, «Europlast 999»-ը՝ շինանյութերի արտադրության մեջ, իսկ «GNC-Alfa»-ն («Ռոստելեկոմի» հայաստանյան դուստրը-խմբ.) միջոցներ է ներդնում տվյալների կենտրոնի ստեղծման գործում:
Հիշեցնենք, որ «Ներդրումներ ենթակառուցվածքների դիմաց» ծրագիրը հաստատվել էր 2022 թվականի օգոստոսին։ Նախագիծը ենթադրում է, որ մինչև 500 մլն դրամի ներդրման դեպքում կառավարությունը պատրաստ է անհրաժեշտ ենթակառուցվածքներ տրամադրել՝ ներդրումների ընդհանուր ծավալի 20 տոկոսի չափով: Եթե ավելի շատ գումար լինի, ապա լրացուցիչ օգնությունը կկազմի ներդրումների այն մասի 10%-ը, որը գերազանցում է նշված գումարը:
