https://arm.sputniknews.ru/20240110/hh-n-em-ic-stacel-e-anorinakan-bnakvvogh-qaghaqacineri-veradardzman-411-hajt-ng-pvokhnakharar-70966632.html
ՀՀ-ն ԵՄ-ից ստացել է անօրինական բնակվող քաղաքացիների վերադարձման 411 հայտ․ ՆԳ փոխնախարար
ՀՀ-ն ԵՄ-ից ստացել է անօրինական բնակվող քաղաքացիների վերադարձման 411 հայտ․ ՆԳ փոխնախարար
Sputnik Արմենիա
ՀՀ քաղաքացիների հետընդունման հայտեր ամենից հաճախ ստացվում են ԵՄ մի քանի երկրներից: 10.01.2024, Sputnik Արմենիա
2024-01-10T11:10+0400
2024-01-10T11:10+0400
2024-01-10T11:11+0400
հայաստան
եվրամիություն
արփինե սարգսյան
https://cdn.am.sputniknews.ru/img/07e6/06/07/42976997_67:81:1534:906_1920x0_80_0_0_6baf4b4e3f7ca43b67bbe1be490ea350.jpg
ԵՐԵՎԱՆ, 10 հունվարի – Sputnik․ 2023թ-ի ընթացքում Հայաստանի Հանրապետությունը Եվրամիության երկրներից ստացել է անօրինական բնակվող քաղաքացիների վերադարձման 411 հայտ, ՀՀ-ի կողմից դրական պատասխանի է արժանացել 92,99 տոկոսը։ Այսօր Ազգային ժողովում արտաքին հարաբերությունների հանձնաժողովի նիստում այս տվյալները ներկայացրեց ներքին գործերի նախարարի տեղակալ Արփինե Սարգսյանը։Նրա խոսքով՝ 92,99 տոկոսը չի նշանակում, որ ՀՀ-ն հրաժարվում է հետընդունել իր քաղաքացիներին, որոնք անկանոն բնակվում են ԵՄ տարբեր երկրներում։Նա շեշտեց, որ վիճակագրական առումով մեր երկիրը բավականին լավ իրավիճակում է։ Սա նաև վստահություն է տալիս ԵՄ մեր գործընկերներին շարունակել ռեադմիսիոն (հետընդունում) գործընթացի շրջանակում ՀՀ-ի հետ համագործակցությունը։ՆԳ փոխնախարարը թվարկեց այն երկրները, որոնցից ամենից շատ է ստացվում հետընդունման հայտ՝ Ավստրիա, Բելգիա, Գերմանիա, Նիդեռլանդներ, Ռումինիա, Լեհաստան, Շվեդիա, Ֆրանսիա, Հունաստան, Իտալիա, Նորվեգիա, Դանիա, Շվեյցարիա։ Այս շարքում կան երկրներ, որոնցից ստացված հայտերին ՀՀ-ն 100 տոկոսով դրական է արձագանքել։«Կֆիլտրենք»․ Արփինե Հովհաննիսյանը` թմրանյութ օգտագործող ոստիկանների մասինՆշենք, որ ՆԳ փոխնախարարը հանձնաժողովում ներկայացրեց «ՀՀ կառավարության և Ավստրիայի Դաշնային կառավարության միջև ՀՀ և Եվրոպական Միության միջև առանց թույլտվության բնակվող մարդկանց հետընդունման մասին» համաձայնագրի կիրարկման մասին արձանագրության վավերացման մասին նախագիծը։ Նրա խոսքով՝ մինչ այս պահն արդեն իսկ ուժի մեջ են 7 երկրների հետ արձանագրությունները՝ Բուլղարիա, Չեխիա, Գերմանիա, Ֆրանսիա, Էստոնիա, Լեհաստան և Բենիլյուքսի երկրներ (Բելգիա, Նիդեռլանդներ, Լյուքսեմբուրգ)։ Արդեն իսկ դրական եզրակացություն կա արդարադատության նախարարության, Սահմանադրական դատարանի կողմից, ուստի անհրաժեշտ է Ազգային ժողովի կողմից վավերացում։ Հանձնաժողովը միաձայն դրական եզրակացություն տվեց նախագծին։ Այն կներկայացվի ԱԺ խորհրդին՝ առաջիկա հերթական նիստերի օրակարգում ներառելու համար։ՆԳՆ փոխնախարարն ասել է` երբ կգործարկվի քրեական ոստիկանությունը
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, եվրամիություն, արփինե սարգսյան
հայաստան, եվրամիություն, արփինե սարգսյան
ՀՀ-ն ԵՄ-ից ստացել է անօրինական բնակվող քաղաքացիների վերադարձման 411 հայտ․ ՆԳ փոխնախարար
11:10 10.01.2024 (Թարմացված է: 11:11 10.01.2024) ՀՀ քաղաքացիների հետընդունման հայտեր ամենից հաճախ ստացվում են ԵՄ մի քանի երկրներից:
ԵՐԵՎԱՆ, 10 հունվարի – Sputnik․ 2023թ-ի ընթացքում Հայաստանի Հանրապետությունը Եվրամիության երկրներից ստացել է անօրինական բնակվող քաղաքացիների վերադարձման 411 հայտ, ՀՀ-ի կողմից դրական պատասխանի է արժանացել 92,99 տոկոսը։ Այսօր Ազգային ժողովում արտաքին հարաբերությունների հանձնաժողովի նիստում այս տվյալները ներկայացրեց ներքին գործերի նախարարի տեղակալ Արփինե Սարգսյանը։
Նրա խոսքով՝ 92,99 տոկոսը չի նշանակում, որ ՀՀ-ն հրաժարվում է հետընդունել իր քաղաքացիներին, որոնք անկանոն բնակվում են ԵՄ տարբեր երկրներում։
«Շատ դեպքերում կարող են լինել դեռևս չճշտված հանգամանքներում բնակվող անձինք, որոնք հետընդունման ենթակա չեն, հետևաբար ովքեր հետընդունման ենթակա չեն, բնականաբար, հայտի շրջանակներում դրական պատասխանի չեն արժանանում»,- նշեց Սարգսյանը։
Նա շեշտեց, որ վիճակագրական առումով մեր երկիրը բավականին լավ իրավիճակում է։ Սա նաև վստահություն է տալիս ԵՄ մեր գործընկերներին շարունակել ռեադմիսիոն (հետընդունում) գործընթացի շրջանակում ՀՀ-ի հետ համագործակցությունը։
ՆԳ փոխնախարարը թվարկեց այն երկրները, որոնցից ամենից շատ է ստացվում հետընդունման հայտ՝ Ավստրիա, Բելգիա, Գերմանիա, Նիդեռլանդներ, Ռումինիա, Լեհաստան, Շվեդիա, Ֆրանսիա, Հունաստան, Իտալիա, Նորվեգիա, Դանիա, Շվեյցարիա։ Այս շարքում կան երկրներ, որոնցից ստացված հայտերին ՀՀ-ն 100 տոկոսով դրական է արձագանքել։
Նշենք, որ ՆԳ փոխնախարարը հանձնաժողովում ներկայացրեց «ՀՀ կառավարության և Ավստրիայի Դաշնային կառավարության միջև ՀՀ և Եվրոպական Միության միջև առանց թույլտվության բնակվող մարդկանց հետընդունման մասին» համաձայնագրի կիրարկման մասին արձանագրության վավերացման մասին նախագիծը։
Նրա խոսքով՝ մինչ այս պահն արդեն իսկ ուժի մեջ են 7 երկրների հետ արձանագրությունները՝ Բուլղարիա, Չեխիա, Գերմանիա, Ֆրանսիա, Էստոնիա, Լեհաստան և Բենիլյուքսի երկրներ (Բելգիա, Նիդեռլանդներ, Լյուքսեմբուրգ)։ Արդեն իսկ դրական եզրակացություն կա արդարադատության նախարարության, Սահմանադրական դատարանի կողմից, ուստի անհրաժեշտ է Ազգային ժողովի կողմից վավերացում։ Հանձնաժողովը միաձայն դրական եզրակացություն տվեց նախագծին։ Այն կներկայացվի ԱԺ խորհրդին՝ առաջիկա հերթական նիստերի օրակարգում ներառելու համար։
