https://arm.sputniknews.ru/20240108/hajastanum-steghtsvel-e-patanineri-simfvonik-nvagakhumb-1in-hamergy-petrvarin-e-70644089.html

Հայաստանում ստեղծվել է պատանիների սիմֆոնիկ նվագախումբ. 1–ին համերգը փետրվարին է

Հայաստանում ստեղծվել է պատանիների սիմֆոնիկ նվագախումբ. 1–ին համերգը փետրվարին է

Sputnik Արմենիա

Նվագախմբի կազմավորման նպատակը պատանիների երաժշտական նախամասնագիտական կրթության որակի բարելավումն է, երեխաների համատեղ ստեղծագործական աշխատանքը, փորձի... 08.01.2024, Sputnik Արմենիա

2024-01-08T08:55+0400

2024-01-08T08:55+0400

2024-01-17T16:28+0400

պատանի

հայաստանի սիմֆոնիկ նվագախումբ

էդուարդ թոփչյան

https://cdn.am.sputniknews.ru/img/07e7/0c/16/70390500_0:73:1600:973_1920x0_80_0_0_9ce55286fc32b1c2cfb231aff744fd27.jpg

Արվեստի վաստակավոր գործիչ, դիրիժոր Էդուարդ Թոփչյանի ղեկավարությամբ Հայաստանում պատանեկան սիմֆոնիկ նվագախումբ է ստեղծվել։ Գաղափարը նոր չէ. 2019-ին երեխաների լսումներ էր կազմակերպել, նվագախումբ հավաքել ու անգամ սկսել փորձերը, բայց COVID-19–ի համավարակի պատճառով փորձերը դադարեցվեցին, իսկ երեխաներն անգամ չհասցրին համերգ ունենալ։Երևանի քաղաքապետարանի նախաձեռնությամբ 2023–ին ծրագիրը սկսեցին զրոյից։Դիրիժորի ղեկավարությամբ ստեղծված մասնագիտական հանձնախումբը 2 ամիս շարունակ Երևան քաղաքում գործող 24 երաժշտական և արվեստի դպրոցներում լսել է շուրջ 300 երեխայի նվագն ու արդյունքում ընտրել նրանցից 80 լավագույններին։Հիմա հենց այս երեխաներն են Հայաստանի ամենաերիտասարդ սիմֆոնիկ նվագախմբի երաժիշտները։Նրանց մեծ մասը մինչև այս նվագախմբում աշխատելու փորձ չի ունեցել, ու հիմա նրանք միանգամից պետք է նվագեն երկու բարդ ստեղծագործություն` Արամ Խաչատրյանի «Դիմակահանդես» սյուիտն ու ֆրանց Շուբերտի «Անավարտը»։ Բայց նրանցից ոչ մեկը ո՛չ տրտնջում է, ո՛չ էլ նեղսրտում։ Համոզված են` սա դեպի մեծ բեմեր տանող ճանապարհի սկիզբն է։Ռուս դասականի վրացական բեմադրությունը հայ արտիստների կատարմամբ. «Կարապի լիճը» Երևանում է«Երբ սոլո ես նագում, ինքդ քեզ լսում ես, ու վերջ, իսկ նվագախմբում պետք է բոլորին լսես, ու դա հիմնական դժվարությունն է։ Մեկ–մեկ մեր անփորձությունը հենց այդտեղ է երևում, որ միասին չենք կարողանում նվագել, բայց մենք չենք հանձնվում, պարապում ենք քրտնաջան, ու համոզված եմ, որ ամեն ինչ ստացվելու է լավ»,– ասում է 15–ամյա ջութակահարուհի Արիանա Գալստյանը։Նվագախմբում կան պատանի երաժիշտներ, որոնք ընտրվել էին նաև 2019-ին, երբ համերգներն այդպես էլ չկայացան։ Նրանցից մեկը Ավետիս Էսկինյանն է։ 16–ամյա ֆլեյտահարն ուրախ է, որ հենց հիմա է այս նվագախմբի մի մասնիկը, քանի որ հիմա մասնագիտական առումով ավելի կատարելագործված է։«Արամ Խաչատրյանը, հատկապես ֆլեյտայի համար, շատ դժվար է գրված։ Օկտավաներ կան, որոնք շատ դժվարությամբ ես վերցնում ու կատարում։ Բայց ամեն ինչ անում եմ, որ ստացվի, սա շատ մեծ փորձ է, որովհետև հետագայում այս գիտելիքները մեզ շատ են պետք գալու»,– ասում է նա։Սիմֆոնիկ նվագախմբի ամենափոքր երաժիշտը 10–ամյա ջութակահար Էմիլյա Թովմասյանն է։ Ասում է, որ ամենաբարդը սկզբում դիրիժորին հասկանալն էր, բայց հիմա արդեն հունի մեջ է ընկել ու փորձում է հասնել մեծ ընկերներին։«Իմ կողքը նստում է Կոնսերվատորիայում սովորող մի աղջիկ, երբ չեմ կարողանում նվագել, նայում եմ նրան, որ ամեն ինչ ճիշտ անեմ»,– ժպտալով պատմում է Էմիլյան։Ի դեպ, նվագախմբում երաժշտական քոլեջների ու Կոնսերվատորիայի ուսանողները հատուկ հենց այդ նպատակով են ընդգրկվել, որ տարիքով փոքր երեխաներին համախմբեն ու լավ օրինակ ծառայեն։Ալտահար Հեղինե Աբրահամյանը սովորում է Կոնսերվատորիայի 2-րդ կուրսում։ Քաջ գիտակցում է, իր դերն ու պատասխանատվության չափը և փորձում է երեխաներին օգնել մասնագիտական կատարելագործման հարցում։«Թե՛կազմակերպչական, թե՛ մասնագիտական առումով հասկանալի է, որ իրենց համար պետք է լավ օրինակ լինեմ` չուշանամ, ճիշտ նստեմ, գործիքը ճիշտ բռնեմ, դիրիժորի հետ ճիշտ կոնտակտի դուրս գամ։ Հետո փորձում եմ այնպես անել, որ իրենք իրենց ավելի վստահ զգան բեմում, զգան, որ ամուր թիկունք ունեն ու ցույց տան այն ամենը ինչ կարող են»,– նշում է Հեղինեն։Գուցե չեմպիոն չդառնան, բայց չեմպիոնների կմարզեն. Զինվորի տան տղաները նոր նպատակ ունենՆվագախմբի փորձերը մեկնարկել են նոյեմբերին, տարբեր գործիքային խմբերի հետ գրեթե ամենօրյա ռեժիմով աշխատում են ազգային ֆիլհարմոնիկ նվագախմբի 12 փորձավար և 2 դիրիժոր։ Նրանցից մեկը Ներսես Մկրտչյանն է, որն արդեն երեխաների հետ աշխատելու փորձ ուներ։ Քաջ գիտակցելով պատասխանատվության չափն ու դժվարությունները` ընդունել է մաեստրոյի հրավերն ու սկսել աշխատել պատանի երաժիշտների հետ։«Նախ ընտրությունը հեշտ չէր, որոշ երեխաների անգամ երկու փուլով ենք լսել, լավ երեխաներ կային, ու դա շատ էր բարդացնում գործը։ Հիմա նրանց հետ աշխատելիս խնդրում եմ նրանց կենտրոնանալ մեր ասածների վրա, լավ ֆիքսել ամեն ինչ, որ հաջորդ փորձին կատարելագործված գան։ Ճիշտ է, միշտ չէ, որ ստացվում է. դե, երեխաներ են, բայց փորձում ենք»,– ասում է դիրիժորը։Հիմա ամբողջ նվագախմբով պատրաստվում են փետրվարին կայանալիք համերգին։ Բոլորը հուսով են, որ արդյունքներն այնքան լավը կլինեն, որ նախագիծը կվերածվի մշտական նվագախմբի։Ի դեպ, ընտրված երեխաները կունենան մի շարք առավելություններ։ Օրինակ` նվագախմբի գործունեության 8 ամիսների ընթացքում նրանք կազատվեն դպրոցների ուսման վարձավճարներից, իսկ նրանց ուսուցիչներին կհատկացվեն դրամական միջոցներ հավելյալ պարապմունքների համար:

2024

Լուրեր

am_HY

պատանի, հայաստանի սիմֆոնիկ նվագախումբ, էդուարդ թոփչյան