https://arm.sputniknews.ru/20240106/hajastanum-hnaravvor-e-elektramvobilner-artadrel-pvordzageti-kartsiq-70775046.html
Հայաստանում հնարավո՞ր է էլեկտրամոբիլներ արտադրել. փորձագետի կարծիք
Հայաստանում հնարավո՞ր է էլեկտրամոբիլներ արտադրել. փորձագետի կարծիք
Sputnik Արմենիա
Հայկ Հարությունյանը կարծում է, որ Հայաստանում ենթակառուցվածքներն ավելի քան բավարար են էլեկտրամոբիլների սպասարկման համար, մինչդեռ արտադրության համար... 06.01.2024, Sputnik Արմենիա
2024-01-06T20:00+0400
2024-01-06T20:00+0400
2024-01-06T20:00+0400
հայաստան
էլեկտրամոբիլ
հայկ հարությունյան
արտադրություն
https://cdn.am.sputniknews.ru/img/07e5/0b/13/35549980_0:5:1600:905_1920x0_80_0_0_5abbd92ec663e49fe654f0bf57fe209c.jpg
ԵՐԵՎԱՆ, 6 հունվարի – Sputnik. Հայաստանում էլեկտրամոբիլների արտադրությունը չի կարող արդյունավետ լինել, քանի դեռ ՀՀ–ում լոգիստիկ խնդիրները չեն լուծվել։ Sputnik Արմենիայի հետ զրույցում այս տեսակետը հայտնեց էլեկտրամոբիլների լիցքավորիչների «Էկոքարս» ընկերության համահիմնադիր Հայկ Հարությունյանը։Դեռ նոյեմբերին էկոնոմիկայի նախարար Վահան Քերոբյանն ասել էր, որ չինական BYD և մի քանի այլ ընկերությունների հետ քննարկում են Հայաստանում էլեկտրոմոբիլների համատեղ արտադրություն կազմակերպելու հարցը։ ԵԱՏՄ միջկառավարական խորհրդի որոշման համաձայն` Հայաստանն այս տարի կկարողանա առանց մաքսատուրքի տարեկան 8 հազար էլեկտրամոբիլ ներմուծել։Փորձագետը կարծում է, որ եթե անգամ հաջողվի որևէ արտադրողի հետ պայմանավորվածություն ձեռք բերել, սպառման և ինքնարժեքի առումով արդյունավետ չի լինի։Եթե անգամ ՀՀ–ում էլեկտրամոբիլների արտադրություն սկսվի, ապա փորձագետը կարծում է, որ դա կարող է արվել ավտոմեքենայի մասերը ներկրելու և այստեղ հավաքելու միջոցով, քանի որ այս փուլում Հայաստանում համապատասխան տեխնոլոգիաներ պարզապես չկան։Նա ընդգծեց, որ եղել են գործարարներ, որոնք փորձել են վերոնշյալ տրամաբանությամբ Հայաստանում մեքենա հավաքել, սակայն ոչ մի հաջողության դեռ չեն հասել։ Այս համատեքստում նա հիշեցրեց «Սեպուհ 1» ընկերության օրինակը։Փորձագետը հուսով է, որ առանց մաքսատուրքերի 8000 էլեկտրամոբիլների ներկրման վերաբերյալ վերջին որոշումը կխթանի ներկրումը, և նախորդ տարվա համեմատ ավելի լավ ցուցանիշ կլինի (նախորդ տարի ներկրվել է գրեթե 6 հազար էլեկտրամոբիլ. խմբ.)։Հարությունյանը կարծում է, որ Հայաստանում այս պահին ենթակառուցվածքները ավելի քան բավարար են էլեկտրամոբիլներին սպասարկելու համար։ Շուկայում հայտնվում են նաև նոր ընկերություններ և ակտիվ ընդլայնում են իրենց ցանցերը, հետևաբար սպասարկման խնդիր չի կարող լինել։Հիշեցնենք, որ մինչև 2025 թվականը Հայաստանում էլեկտրամոբիլների ներմուծման և վաճառքի (այդ թվում՝ երկրորդային) ժամանակ ԱԱՀ չի գանձվի։ Այս արտոնությունը գործում է 2019 թվականի հուլիսի 1-ից:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, էլեկտրամոբիլ, հայկ հարությունյան, արտադրություն
հայաստան, էլեկտրամոբիլ, հայկ հարությունյան, արտադրություն
Հայաստանում հնարավո՞ր է էլեկտրամոբիլներ արտադրել. փորձագետի կարծիք
Հայկ Հարությունյանը կարծում է, որ Հայաստանում ենթակառուցվածքներն ավելի քան բավարար են էլեկտրամոբիլների սպասարկման համար, մինչդեռ արտադրության համար տեխնոլոգիաներ պարզապես չկան։
ԵՐԵՎԱՆ, 6 հունվարի – Sputnik. Հայաստանում էլեկտրամոբիլների արտադրությունը չի կարող արդյունավետ լինել, քանի դեռ ՀՀ–ում լոգիստիկ խնդիրները չեն լուծվել։
Sputnik Արմենիայի հետ զրույցում այս տեսակետը հայտնեց էլեկտրամոբիլների լիցքավորիչների «Էկոքարս» ընկերության համահիմնադիր Հայկ Հարությունյանը։
Դեռ նոյեմբերին էկոնոմիկայի նախարար
Վահան Քերոբյանն ասել էր, որ չինական BYD և մի քանի այլ ընկերությունների հետ քննարկում են Հայաստանում էլեկտրոմոբիլների համատեղ արտադրություն կազմակերպելու հարցը։
ԵԱՏՄ միջկառավարական խորհրդի որոշման համաձայն` Հայաստանն այս տարի կկարողանա առանց մաքսատուրքի տարեկան 8 հազար էլեկտրամոբիլ ներմուծել։
Փորձագետը կարծում է, որ եթե անգամ հաջողվի որևէ արտադրողի հետ պայմանավորվածություն ձեռք բերել, սպառման և ինքնարժեքի առումով արդյունավետ չի լինի։
«Բոլորը գիտեն, որ ճանապարհները շատ «զգայուն» են` թե՛ դեպի Վերին Լարս, թե՛ դեպի Թուրքիա, թե՛ այլ ուղղություններով։ Սկզբի համար պետք է լոգիստիկ հարցերը լուծել, հետո նոր մտածել արտադրության մասին»,– ընդգծեց Հարությունյանը։
Եթե անգամ ՀՀ–ում էլեկտրամոբիլների արտադրություն սկսվի, ապա փորձագետը կարծում է, որ դա կարող է արվել ավտոմեքենայի մասերը ներկրելու և այստեղ հավաքելու միջոցով, քանի որ այս փուլում Հայաստանում համապատասխան տեխնոլոգիաներ պարզապես չկան։
Նա ընդգծեց, որ եղել են գործարարներ, որոնք փորձել են վերոնշյալ տրամաբանությամբ Հայաստանում մեքենա հավաքել, սակայն ոչ մի հաջողության դեռ չեն հասել։ Այս համատեքստում նա հիշեցրեց
«Սեպուհ 1» ընկերության օրինակը։
Փորձագետը հուսով է, որ առանց մաքսատուրքերի 8000 էլեկտրամոբիլների ներկրման վերաբերյալ վերջին որոշումը կխթանի ներկրումը, և նախորդ տարվա համեմատ ավելի լավ ցուցանիշ կլինի (նախորդ տարի ներկրվել է գրեթե 6 հազար էլեկտրամոբիլ. խմբ.)։
«Շատ մեծ աժիոտաժ կա էլեկտրամոբիլների շուկայում, ես շատերին գիտեմ, որ պլանավորել են առաջիկայում փոխել իրենց տրանսպորտային միջոցը և անցնել էլեկտրականի»,– նշեց նա։
Հարությունյանը կարծում է, որ Հայաստանում այս պահին ենթակառուցվածքները ավելի քան բավարար են էլեկտրամոբիլներին սպասարկելու համար։ Շուկայում հայտնվում են նաև նոր ընկերություններ և ակտիվ ընդլայնում են իրենց ցանցերը, հետևաբար սպասարկման խնդիր չի կարող լինել։
Հիշեցնենք, որ մինչև 2025 թվականը Հայաստանում էլեկտրամոբիլների ներմուծման և վաճառքի (այդ թվում՝ երկրորդային) ժամանակ ԱԱՀ չի գանձվի։ Այս արտոնությունը գործում է 2019 թվականի հուլիսի 1-ից:
