https://arm.sputniknews.ru/20240104/hashmandamutjun-unecvoghneri-andznakan-ognakani-tsragiry-kyndlajnvi-70761924.html
Հաշմանդամություն ունեցողների անձնական օգնականի ծրագիրը կընդլայնվի
Հաշմանդամություն ունեցողների անձնական օգնականի ծրագիրը կընդլայնվի
Sputnik Արմենիա
Անձը կարող է անձնական օգնականի համար առաջարկել իր նախընտրելի թեկնածուին։ 04.01.2024, Sputnik Արմենիա
2024-01-04T12:34+0400
2024-01-04T12:34+0400
2024-01-04T12:36+0400
հայաստան
հաշմանդամ
նարեկ մկրտչյան
https://cdn.am.sputniknews.ru/img/2157/97/21579777_0:44:1600:944_1920x0_80_0_0_a5bcdc5e2bfcaf6cf599f262b07ccd67.jpg
ԵՐԵՎԱՆ, 4 հունվարի – Sputnik․ Հաշմանդամություն ունեցող անձանց համար նախատեսված անձնական օգնականի ծրագրի շահառուների ցանկը կընդլայնվի։Նշենք, որ ծառայությունը հանրապետությունում ներդրվել է հունվարի 1-ից, բայց 2023–ին իրականացվել է անձնական օգնականի ծառայության փորձնական ծրագիր։Կառավարության այսօրվա նիստում ՀՀ աշխատանքի և սոցիալական հարցերի նախարար Նարեկ Մկրտչյանը ծրագրի արդյունավետ իրականացման համար որոշակի փոփոխություններ առաջարկեց` հիշեցնելով, որ ծրագրի ներդրման նպատակն է աջակցել հաշմանդամություն ունեցող անձին անկախ ապրելուն, իր համայնքում ներառվելուն։Նախկինում գործող որոշման համաձայն` ծառայությունից օգտվելու իրավունք ունեին միայն հենաշարժողական, տեսողական և հոգևոր կամ մտավոր խնդիրներով ֆունկցիոնալության խոր աստիճանով սահմանափակում ունեցող անձինք, որոնց ընտանիքը հաշվառված էր անապահովության գնահատման համակարգում և ուներ 10-ից բարձր անապահովության միավոր։Նախարարություն առաջարկում է ընդլայնել ծրագիրն ու սահմանել, որ ծառայությունից կարող են օգտվել 15 տարին լրացած, ֆունկցիոնալության խորը, ծանր աստիճանի տեսողական, լսողական և մտավոր խնդիրներով հաշմանդամություն ունեցող անձինք։ Մտավոր խնդիրների դեպքում կարող են դիմել նաև միջին աստիճանի սահմանափակում ունեցող անձինք։ Ընդ որում` անձնական օգնական ունենալու համար դիմելու նախապայման այլևս չպետք է սահմանվի նպաստի համակարգում հաշվառված լինելը։Նա նշեց, որ այս պահին արդեն հաշվառված է 57 վերապատրաստված թեկնածու, որոնք, ի դեպ, նպաստի համակարգում են գրանցված և գործազուրկ են։ՀՀ վարչապետ Նիկոլ Փաշինյանն առաջարկեց առավել ընդլայնել ծրագիրն ու անձնական օգնականի թեկնածու դիտարկել նաև հաշմանդամություն ունեցող անձի հետ նույն հարկի տակ ապրող ընտանիքի անդամին։ Սակայն պարտադիր պայման սահմանել, որ նա անձնական օգնական կկարողանա դառնալ միայն վերապատրաստվելուց, խնամքի համապատասխան հմտությունները ձեռք բերելուց հետո։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, հաշմանդամ, նարեկ մկրտչյան
հայաստան, հաշմանդամ, նարեկ մկրտչյան
Հաշմանդամություն ունեցողների անձնական օգնականի ծրագիրը կընդլայնվի
12:34 04.01.2024 (Թարմացված է: 12:36 04.01.2024) Անձը կարող է անձնական օգնականի համար առաջարկել իր նախընտրելի թեկնածուին։
ԵՐԵՎԱՆ, 4 հունվարի – Sputnik․ Հաշմանդամություն ունեցող անձանց համար նախատեսված անձնական օգնականի ծրագրի շահառուների ցանկը կընդլայնվի։
Նշենք, որ ծառայությունը հանրապետությունում ներդրվել է
հունվարի 1-ից, բայց 2023–ին իրականացվել է անձնական օգնականի ծառայության փորձնական ծրագիր։
Կառավարության այսօրվա նիստում ՀՀ աշխատանքի և սոցիալական հարցերի նախարար Նարեկ Մկրտչյանը ծրագրի արդյունավետ իրականացման համար որոշակի փոփոխություններ առաջարկեց` հիշեցնելով, որ ծրագրի ներդրման նպատակն է աջակցել հաշմանդամություն ունեցող անձին անկախ ապրելուն, իր համայնքում ներառվելուն։
Նախկինում գործող որոշման համաձայն` ծառայությունից օգտվելու իրավունք ունեին միայն հենաշարժողական, տեսողական և հոգևոր կամ մտավոր խնդիրներով ֆունկցիոնալության խոր աստիճանով սահմանափակում ունեցող անձինք, որոնց ընտանիքը հաշվառված էր անապահովության գնահատման համակարգում և ուներ 10-ից բարձր անապահովության միավոր։
Նախարարություն առաջարկում է ընդլայնել ծրագիրն ու սահմանել, որ ծառայությունից կարող են օգտվել 15 տարին լրացած, ֆունկցիոնալության խորը, ծանր աստիճանի տեսողական, լսողական և մտավոր խնդիրներով հաշմանդամություն ունեցող անձինք։ Մտավոր խնդիրների դեպքում կարող են դիմել նաև միջին աստիճանի սահմանափակում ունեցող անձինք։ Ընդ որում` անձնական օգնական ունենալու համար դիմելու նախապայման այլևս չպետք է սահմանվի նպաստի համակարգում հաշվառված լինելը։
«Հաշմանդամություն ունեցող անձը որպես անձնական օգնական կարող է ներկայացնել նաև իր նախընտրելի թեկնածուին (կարող է լինել բարեկամ, բայց ոչ համատեղ ապրող), իսկ նման թեկնածու չունենալու դեպքում ընտրությունը կատարվում է Միասնական սոցիալական ծառայությունում հաշվառված անձնական օգնականների առցանց հարթակում առկա վերապատրաստված թեկնածուներից»,- տեղեկացրեց նախարարը։
Նա նշեց, որ այս պահին արդեն հաշվառված է 57 վերապատրաստված թեկնածու, որոնք, ի դեպ, նպաստի համակարգում են գրանցված և գործազուրկ են։
ՀՀ վարչապետ Նիկոլ Փաշինյանն առաջարկեց առավել ընդլայնել ծրագիրն ու անձնական օգնականի թեկնածու դիտարկել նաև հաշմանդամություն ունեցող անձի հետ նույն հարկի տակ ապրող ընտանիքի անդամին։ Սակայն պարտադիր պայման սահմանել, որ նա անձնական օգնական կկարողանա դառնալ միայն վերապատրաստվելուց, խնամքի համապատասխան հմտությունները ձեռք բերելուց հետո։
