https://arm.sputniknews.ru/20231228/israjeli-banaky-hajtararel-e-vor-hamas-i-mvot-kes-milivon-pastatught-e-argravel-70609178.html
Իսրայելի բանակը հայտարարել է, որ ՀԱՄԱՍ-ից շուրջ կես միլիոն փաստաթուղթ է առգրավել
Իսրայելի բանակը հայտարարել է, որ ՀԱՄԱՍ-ից շուրջ կես միլիոն փաստաթուղթ է առգրավել
Sputnik Արմենիա
Բազմաթիվ փաստաթղթերի թվում եղել են Բեյթ-Հանունի տարածքում հանքերի, թունելների գծագրերը։ 28.12.2023, Sputnik Արմենիա
2023-12-28T20:30+0400
2023-12-28T20:30+0400
2023-12-28T20:35+0400
իսրայել
համաս
փաստաթուղթ
https://cdn.am.sputniknews.ru/img/07e7/0a/08/67025026_0:161:3071:1888_1920x0_80_0_0_52dea5f082773227e0fb742b606b68ec.jpg
ԵՐԵՎԱՆ, 28 դեկտեմբերի – Sputnik. Իսրայելի պաշտպանության բանակը (ՑԱԽԱԼ) Գազայի հատվածում պատերազմի սկզբից ի վեր առգրավել է մոտ կես միլիոն փաստաթուղթ և ՀԱՄԱՍ-ի ավելի քան 65 միլիոն նիշք: Այս մասին ասվում է իսրայելական բանակի հաղորդագրության մեջ։«Պատերազմի սկզբից ի վեր ՑԱԽԱԼ-ի զինվորները առգրավել են հազարավոր փաստաթղթեր և տեխնիկական թղթաբանություն, որոնք հետագայում հանձնել են գրավման խմբին, ինչը կարևոր ներդրում է ունեցել հետախուզական ստորաբաժանումների աշխատանքում»,-ասվում է մամուլի հաղորդագրության մեջ:Բազմաթիվ փաստաթղթերի թվում եղել են Բեյթ-Հանունի տարածքում հանքերի, թունելների գծագրերը և արկերի դասավորության գծագիրը։ Օրինակ՝ արկերի դասավորության գծագրին կցված նշումներից մեկում ասվում է. «Բեռը գտնվում է Անոր-Ալենտեզ քաղաքում՝ ձիթենու ծառի տակ, դռնից 21 մետր դեպի հյուսիս և Ալսեկա փողոցից 10 մետր դեպի արևելք»,-նշվում է հաղորդագրության մեջ:Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին։Իսրայելը և Գազայի հատվածում իշխող պաղեստինյան ՀԱՄԱՍ շարժումը Կատարի միջնորդությամբ նոյեմբերի 22-ին ձեռք բերեցին հակամարտության սրացումից ի վեր առաջին մասշտաբային պայմանավորվածությունը. կողմերը համաձայնեցին չորս օրով դադարեցնել ռազմական գործողությունները` միմյանց մոտ գտնվող տասնյակ պատանդների և ձերբակալվածների փոխանակման համար: Ավելի ուշ հրադադարը երկարաձգվեց մինչև նոյեմբերի 30-ը։Իսրայելցի զինվորականները Գազայի հատվածում պայթեցրել են ՀԱՄԱՍ-ի դատական համալիրըԴեկտեմբերի 1-ի առավոտյան Իսրայելի և ՀԱՄԱՍ-ի միջև հրադադարի ժամկետը լրացավ։ Իսրայելի պաշտպանության բանակը (ՑԱԽԱԼ) հայտարարեց, որ պաղեստինյան ՀԱՄԱՍ շարժումը խախտել է ռազմական գործողությունների դադարն ու կրակ է բացել իսրայելական տարածքի վրա, իսրայելցի զինվորականները վերսկսեցին ռազմական գործողությունները Գազայի հատվածում պաղեստինյան շարժման դեմ:
իսրայել
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իսրայել, համաս, փաստաթուղթ
իսրայել, համաս, փաստաթուղթ
Իսրայելի բանակը հայտարարել է, որ ՀԱՄԱՍ-ից շուրջ կես միլիոն փաստաթուղթ է առգրավել
20:30 28.12.2023 (Թարմացված է: 20:35 28.12.2023) Բազմաթիվ փաստաթղթերի թվում եղել են Բեյթ-Հանունի տարածքում հանքերի, թունելների գծագրերը։
ԵՐԵՎԱՆ, 28 դեկտեմբերի – Sputnik. Իսրայելի պաշտպանության բանակը (ՑԱԽԱԼ) Գազայի հատվածում պատերազմի սկզբից ի վեր առգրավել է մոտ կես միլիոն փաստաթուղթ և ՀԱՄԱՍ-ի ավելի քան 65 միլիոն նիշք: Այս մասին ասվում է իսրայելական բանակի հաղորդագրության մեջ։
«Պատերազմի սկզբից ի վեր ՑԱԽԱԼ-ի զինվորները առգրավել են հազարավոր փաստաթղթեր և տեխնիկական թղթաբանություն, որոնք հետագայում հանձնել են գրավման խմբին, ինչը կարևոր ներդրում է ունեցել հետախուզական ստորաբաժանումների աշխատանքում»,-ասվում է մամուլի հաղորդագրության մեջ:
Բազմաթիվ փաստաթղթերի թվում եղել են Բեյթ-Հանունի տարածքում հանքերի, թունելների գծագրերը և արկերի դասավորության գծագիրը։ Օրինակ՝ արկերի դասավորության գծագրին կցված նշումներից մեկում ասվում է. «Բեռը գտնվում է Անոր-Ալենտեզ քաղաքում՝ ձիթենու ծառի տակ, դռնից 21 մետր դեպի հյուսիս և Ալսեկա փողոցից 10 մետր դեպի արևելք»,-նշվում է հաղորդագրության մեջ:
Հիշեցնենք` հոկտեմբերի 7-ի առավոտյան
Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին։
Իսրայելը և Գազայի հատվածում իշխող պաղեստինյան ՀԱՄԱՍ շարժումը Կատարի միջնորդությամբ նոյեմբերի 22-ին ձեռք բերեցին հակամարտության սրացումից ի վեր առաջին մասշտաբային պայմանավորվածությունը. կողմերը համաձայնեցին չորս օրով դադարեցնել ռազմական գործողությունները` միմյանց մոտ գտնվող տասնյակ պատանդների և ձերբակալվածների փոխանակման համար: Ավելի ուշ հրադադարը երկարաձգվեց մինչև նոյեմբերի 30-ը։
Դեկտեմբերի 1-ի առավոտյան Իսրայելի և ՀԱՄԱՍ-ի միջև հրադադարի ժամկետը լրացավ։ Իսրայելի պաշտպանության բանակը (ՑԱԽԱԼ) հայտարարեց, որ պաղեստինյան ՀԱՄԱՍ շարժումը խախտել է ռազմական գործողությունների դադարն ու կրակ է բացել իսրայելական տարածքի վրա, իսրայելցի զինվորականները վերսկսեցին ռազմական գործողությունները Գազայի հատվածում պաղեստինյան շարժման դեմ:
