https://arm.sputniknews.ru/20231228/ardzanagrum-enq-vor-qaghaqacin-tuganqi-material-che-pashinjany-nvor-nakhagtsi-masin-70589030.html
Արձանագրում ենք, որ քաղաքացին տուգանքի «մատերիալ» չէ. Փաշինյանը` նոր նախագծի մասին
Արձանագրում ենք, որ քաղաքացին տուգանքի «մատերիալ» չէ. Փաշինյանը` նոր նախագծի մասին
Sputnik Արմենիա
Փաշինյանի խոսքով` այդպիսով ՀՀ կառավարությունը չի խրախուսում կարգազանցությունը, քանի որ գործում է բալային համակարգը, ու թվային համակարգում վարորդը չի կարող... 28.12.2023, Sputnik Արմենիա
2023-12-28T13:18+0400
2023-12-28T13:18+0400
2023-12-28T13:19+0400
վարորդ
խախտում
տուգանք
https://cdn.am.sputniknews.ru/img/07e7/08/02/63803964_0:73:1600:973_1920x0_80_0_0_cddf55628a374ca306125e693e48fcf1.jpg
ԵՐԵՎԱՆ, 28 դեկտեմբերի – Sputnik. Եթե վարորդը 15 օրում վճարի տեսալուսանկարահանող սարքերով արձանագրված ճանապարհային երթևեկության կանոնների խախտման տուգանքի 50 տոկոսը, ապա գումարի մյուս կեսն էլ չի վճարի։ ՀՀ ՆԳՆ ներկայացրած այս նախագիծն այսօր բուռն քննարկում ունեցավց ՀՀ կառավարության նիստում։ՀՀ ՆԳ նախարար Վահե Ղազարյանը նշեց, որ համապատասխան փոփոխություններ են կատարելու «Վարչական իրավախախտումների մասին» ՀՀ օրենքում, ըստ որոնց` քաղաքացիները կկարողանան օգտվել թվայնացման առավելություններից։«Բոլոր այն դեպքերում, երբ քաղաքացին տեսալուսանկարահանող սարքերով հայտնաբերված խախտումների համար դիմում գրի, որպեսզի խախտման ծանուցումները ստանա օնլայն տարբերակով, ապա 5 տոկոսի չափով գումարը կկրճատվի։ Նախատեսված է նաև ևս մեկ խրախուսման նորմ` եթե խախտման ծանուցումից հետո 15 օրվա ընթացքում է գումարի առնվազն 50 տոկոսը վճարում, ապա տուգանքի վճարումը համարվում է պատշաճ վճարված»,– հայտարարեց նախարարը։ 2024-ից ՀՀ–ում ստիպված կլինեն տուգանք վճարել բնակարանների ստվերային վարձակալության համարՀՀ վարչապետ Նիկոլ Փաշինյանն իր հերթին պարզաբանեց, որ այսպիսով խրախուսվում է թվային գործարքները։«Ես առաջարկում եմ լրամշակել նախագիծը հետևյալ կերպ` ծանուցումները էլեկտրոնային եղանակով ստանալու դիմում գրելու դեպքում գումարը պետք է զեղչվի 30 տոկոսի չափով, 15 օրվա ընթացքում տուգանքը վճարելու դեպքում ևս կզեղչվի 30 տոկոսով։ Բացի այդ, այն էլեկտրոնային հասցեն, որով քաղաքացին գրանցվում է, պետք է համարվի նրա պաշտոնական հասցեն, որին պետական մյուս մարմինները ևս կարող են ուղարկել իրենց ծանուցումները, և այդ դեպքում քաղաքացին կհամարվի պատշաճ ծանուցված»,– նշեց նա։Ըստ վարչապետի` եթե խրախուսման այս նորմերը չկիրառվեն, ապա թվայնացման գործընթացը շատ դանդաղ կգնա։Նրա խոսքով` այդպիսով ՀՀ կառավարությունը չի խրախուսում կարգազանցությունը, քանի որ գործում է բալային համակարգը, ու թվային համակարգում վարորդը չի կարող անընդհատ խախտում անել, վճարել դրա համար ու ազատվել պատասխանատվությունից։«Վարորդը կարող է քիչ վճարել, սակայն կզրկվի բալերից, ապա` վարորդական իրավունքից…Ոչինչ, այդ խնայված միջոցներն էլ թող դնի, գնա ավտո քշել սովորի։ Մեզ կարող են քննադատել, սակայն մենք ֆինանսական բեռն իջեցնելու հնարավորություն ենք տալիս վարորդներին, մյուս կողմից բալային համակարգով մենք կարգապահություն ենք մտցնում։ Այսպիսով, մենք արձանագրում ենք, որ քաղաքացին տուգանքի «մատերիալ» չէ»,– ընդգծեց ՀՀ վարչապետը։Նա նաև անընդունելի համարեց որ 21–րդ դարում ծանուցումների համար պետական գերատեսչությունները դեռևս թուղթ են կիրառում։ Ի դեպ, թղթային ծանուցումների համար պետական բյուջեից տարեկան 3 մլրդ դրամ է հատկացվում, որոնցում առաջին տեղում դատարանների ծանուցումներն են, ապա` ՃՈ–ն։Նախագիծն կառավարության այս նիստին չհաստատվեց, ուղարկվեց լրամշակման։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վարորդ, խախտում, տուգանք
Արձանագրում ենք, որ քաղաքացին տուգանքի «մատերիալ» չէ. Փաշինյանը` նոր նախագծի մասին
13:18 28.12.2023 (Թարմացված է: 13:19 28.12.2023) Փաշինյանի խոսքով` այդպիսով ՀՀ կառավարությունը չի խրախուսում կարգազանցությունը, քանի որ գործում է բալային համակարգը, ու թվային համակարգում վարորդը չի կարող անընդհատ խախտում անել, վճարել դրա համար ու ազատվել պատասխանատվությունից։
ԵՐԵՎԱՆ, 28 դեկտեմբերի – Sputnik. Եթե վարորդը 15 օրում վճարի տեսալուսանկարահանող սարքերով արձանագրված ճանապարհային երթևեկության կանոնների խախտման տուգանքի 50 տոկոսը, ապա գումարի մյուս կեսն էլ չի վճարի։ ՀՀ ՆԳՆ ներկայացրած այս նախագիծն այսօր բուռն քննարկում ունեցավց ՀՀ կառավարության նիստում։
ՀՀ ՆԳ նախարար Վահե Ղազարյանը նշեց, որ համապատասխան փոփոխություններ են կատարելու «Վարչական իրավախախտումների մասին» ՀՀ օրենքում, ըստ որոնց` քաղաքացիները կկարողանան օգտվել թվայնացման առավելություններից։
«Բոլոր այն դեպքերում, երբ քաղաքացին տեսալուսանկարահանող սարքերով հայտնաբերված խախտումների համար դիմում գրի, որպեսզի խախտման ծանուցումները ստանա օնլայն տարբերակով, ապա 5 տոկոսի չափով գումարը կկրճատվի։ Նախատեսված է նաև ևս մեկ խրախուսման նորմ` եթե խախտման ծանուցումից հետո 15 օրվա ընթացքում է գումարի առնվազն 50 տոկոսը վճարում, ապա տուգանքի վճարումը համարվում է պատշաճ վճարված»,– հայտարարեց նախարարը։
ՀՀ վարչապետ Նիկոլ Փաշինյանն իր հերթին պարզաբանեց, որ այսպիսով խրախուսվում է թվային գործարքները։
«Ես առաջարկում եմ լրամշակել նախագիծը հետևյալ կերպ` ծանուցումները էլեկտրոնային եղանակով ստանալու դիմում գրելու դեպքում գումարը պետք է զեղչվի 30 տոկոսի չափով, 15 օրվա ընթացքում տուգանքը վճարելու դեպքում ևս կզեղչվի 30 տոկոսով։ Բացի այդ, այն էլեկտրոնային հասցեն, որով քաղաքացին գրանցվում է, պետք է համարվի նրա պաշտոնական հասցեն, որին պետական մյուս մարմինները ևս կարող են ուղարկել իրենց ծանուցումները, և այդ դեպքում քաղաքացին կհամարվի պատշաճ ծանուցված»,– նշեց նա։
Ըստ վարչապետի` եթե խրախուսման այս նորմերը չկիրառվեն, ապա թվայնացման գործընթացը շատ դանդաղ կգնա։
«Վարորդների մի մասը ճանապարհային երթևեկության հետ կապված նախկինում ունեն կուտակված պարտքեր ու եթե օրենքի ընդունումից հետո երեք ամսվա ընթացքում այդ գոմարի 50 տոկոսը վճարեն, ապա նրանց պարտքի մյւուս հատվածը կզրոյանա»,– ասաց Փաշինյանը։
Նրա խոսքով` այդպիսով ՀՀ կառավարությունը չի խրախուսում կարգազանցությունը, քանի որ գործում է բալային համակարգը, ու թվային համակարգում վարորդը չի կարող անընդհատ խախտում անել, վճարել դրա համար ու ազատվել պատասխանատվությունից։
«Վարորդը կարող է քիչ վճարել, սակայն կզրկվի բալերից, ապա` վարորդական իրավունքից…Ոչինչ, այդ խնայված միջոցներն էլ թող դնի, գնա ավտո քշել սովորի։ Մեզ կարող են քննադատել, սակայն մենք ֆինանսական բեռն իջեցնելու հնարավորություն ենք տալիս վարորդներին, մյուս կողմից բալային համակարգով մենք կարգապահություն ենք մտցնում։ Այսպիսով, մենք արձանագրում ենք, որ քաղաքացին տուգանքի «մատերիալ» չէ»,– ընդգծեց ՀՀ վարչապետը։
Նա նաև անընդունելի համարեց որ 21–րդ դարում ծանուցումների համար պետական գերատեսչությունները դեռևս թուղթ են կիրառում։ Ի դեպ, թղթային ծանուցումների համար պետական բյուջեից տարեկան 3 մլրդ դրամ է հատկացվում, որոնցում առաջին տեղում դատարանների ծանուցումներն են, ապա` ՃՈ–ն։
Նախագիծն կառավարության այս նիստին չհաստատվեց, ուղարկվեց լրամշակման։
