https://arm.sputniknews.ru/20231228/ankankhik-arevtur-anvogh-tvoshakaruneri-hetvtsharn-ambvoghjutjamb-kirakanacni-hh-karavarutjuny-70593529.html
Անկանխիկ առևտուր անող թոշակառուների հետվճարն ամբողջությամբ կիրականացնի ՀՀ կառավարությունը
Անկանխիկ առևտուր անող թոշակառուների հետվճարն ամբողջությամբ կիրականացնի ՀՀ կառավարությունը
Sputnik Արմենիա
Համակարգի ներդրման պահից ի վեր ՀՀ–ում կենսաթոշակառուները 62 մլրդ դրամի անկանխիկ առևտուր են իրականացրել, իսկ 5.2 մլրդ դրամը վերադարձվել է թոշակառուներին։ 28.12.2023, Sputnik Արմենիա
2023-12-28T14:25+0400
2023-12-28T14:25+0400
2023-12-28T14:34+0400
հայաստան
թոշակառու
նիկոլ փաշինյան
թոշակ
առևտուր
հետվճար
https://cdn.am.sputniknews.ru/img/07e6/09/1d/49064959_0:21:1600:921_1920x0_80_0_0_ddc97ae07ae639f09d96d3edc042b05f.jpg
ԵՐԵՎԱՆ, 28 դեկտեմբերի – Sputnik. Անկանխիկ առևտուր անող թոշակառուների հետվճարն ամբողջության կիրականացնի ՀՀ կառավարությունը։ Որոշումն ընդունվեց գործադիր մարմնի այսօրվա նիստում։ՀՀ վարչապետ Նիկոլ Փաշինյանը հայտարարեց, որ կենսաթոշակառուների կողմից անկանխիկ առևտրի դեպքում 10 տոկոսի չափով հետվճարի համակարգը, որը գործարկվել է անցած տարի, էականորեն արդարացրել է իրեն։Նա ներկայացրեց 2023 թ. նոյեմբերի տվյալները, ըստ որոնց` 2023 թ. հուլիսից, այսինքն` համակարգի ներդրման պահից ի վեր ՀՀ–ում կենսաթոշակառուները 62 մլրդ դրամի անկանխիկ առևտուր են իրականացրել, իսկ 5.2 մլրդ դրամը` որպես հետվճար, վերադարձվել է թոշակառուներին ։Փաշինյանի խոսքով` 1000 հատ POS տերմինալ է տեղադրվել ՀՀ մարզերում, սակայն մինչ այս պահը դրանցով զրո գործարք է կատարվել ։«Սրանից հետևություն` տնտեսվարողները անկանխիկ առևտուր անելու հնարավորություն չեն տալիս, ինչը օրենքի խախտում է, ու նաև զրկում են կենսաթոշակառուներին օգտվելու այս հնարավորությունից»,– նկատեց նա։Ըստ վարչապետի` ՀՀ–ում անկանխիկ թոշակ ստացող ավելի քան 500 հազար քաղաքացիներից միայն 465 հազարն է այս պահին մասնակցում այս համակարգին, ինչը մտահոգիչ է, այդ պատճառով պետք է մեծացնել իրազեկման ու մասնակցության մակարդակը։Հիշեցնենք` բանկային քարտով առևտուր անելու դեպքում ՀՀ թոշակառուներն ամեն հաջորդ ամսվա կենսաթոշակի հետ ստանում են գնման 10 տոկոսի չափով հետվճար, բայց ոչ ավելի, քան 5000 դրամ։Կենսաթոշակային քարտերով կատարված անկանխիկ գործառնություններից հետվճար ստանալու համակարգը գործում է 2022 թվականի հուլիսի 1-ից։Կենսաթոշակառուներին հետվճար տրամադրելու ժամկետը երկարաձգվեց. Փաշինյանը` ահազանգերի մասին
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, թոշակառու, նիկոլ փաշինյան, թոշակ, առևտուր, հետվճար
հայաստան, թոշակառու, նիկոլ փաշինյան, թոշակ, առևտուր, հետվճար
Անկանխիկ առևտուր անող թոշակառուների հետվճարն ամբողջությամբ կիրականացնի ՀՀ կառավարությունը
14:25 28.12.2023 (Թարմացված է: 14:34 28.12.2023) Համակարգի ներդրման պահից ի վեր ՀՀ–ում կենսաթոշակառուները 62 մլրդ դրամի անկանխիկ առևտուր են իրականացրել, իսկ 5.2 մլրդ դրամը վերադարձվել է թոշակառուներին։
ԵՐԵՎԱՆ, 28 դեկտեմբերի – Sputnik. Անկանխիկ առևտուր անող թոշակառուների հետվճարն ամբողջության կիրականացնի ՀՀ կառավարությունը։ Որոշումն ընդունվեց գործադիր մարմնի այսօրվա նիստում։
ՀՀ վարչապետ Նիկոլ Փաշինյանը հայտարարեց, որ կենսաթոշակառուների կողմից անկանխիկ առևտրի դեպքում 10 տոկոսի չափով հետվճարի համակարգը, որը գործարկվել է անցած տարի, էականորեն արդարացրել է իրեն։
«Նախկինում հետվճարի 5 տոկոսը վճարում էին բանկերը, 5 տոկոսը` պետությունը, և օգտվում էին այն կենսաթոշակառուները, որոնց բանկերը միացել էին համակարգին։ 2024 թ. հունվարի 1–ին հետվճարի ամբողջ 10 տոկոսը կվճարի ՀՀ կառավարությունը, որպեսզի թոշակառուներին բանկից բանկ չուղարկենք։ Մենք շնորհակալություն ենք հայտնում համակարգին միացած բանկերին, ու, իհարկե, մեզ անհասկանալի է այն բանկերի գործունեությունը, որոնք այս համակարգին չմիացան կամ ուշ միացան, սակայն դա այլ թեմա է»,– հայտարարեց Փաշինյանը։
Նա ներկայացրեց 2023 թ. նոյեմբերի տվյալները, ըստ որոնց` 2023 թ. հուլիսից, այսինքն` համակարգի ներդրման պահից ի վեր ՀՀ–ում կենսաթոշակառուները 62 մլրդ դրամի անկանխիկ առևտուր են իրականացրել, իսկ 5.2 մլրդ դրամը` որպես հետվճար, վերադարձվել է թոշակառուներին ։
Փաշինյանի խոսքով` 1000 հատ POS տերմինալ է տեղադրվել ՀՀ մարզերում, սակայն մինչ այս պահը դրանցով զրո գործարք է կատարվել ։
«Սրանից հետևություն` տնտեսվարողները անկանխիկ առևտուր անելու հնարավորություն չեն տալիս, ինչը օրենքի խախտում է, ու նաև զրկում են կենսաթոշակառուներին օգտվելու այս հնարավորությունից»,– նկատեց նա։
Ըստ վարչապետի` ՀՀ–ում անկանխիկ թոշակ ստացող ավելի քան 500 հազար քաղաքացիներից միայն 465 հազարն է այս պահին մասնակցում այս համակարգին, ինչը մտահոգիչ է, այդ պատճառով պետք է մեծացնել իրազեկման ու մասնակցության մակարդակը։
Հիշեցնենք` բանկային քարտով առևտուր անելու դեպքում ՀՀ թոշակառուներն ամեն հաջորդ ամսվա կենսաթոշակի հետ ստանում են գնման 10 տոկոսի չափով հետվճար, բայց ոչ ավելի, քան 5000 դրամ։
Կենսաթոշակային քարտերով կատարված անկանխիկ գործառնություններից հետվճար ստանալու համակարգը գործում է 2022 թվականի հուլիսի 1-ից։
