https://arm.sputniknews.ru/20231224/gjumrium-tsnvats-rus-hajkakan-khumbn-arden-mek-tarekan-e-inch-khndirner-uni-kanitel-y-70425544.html

Գյումրիում ծնված ռուս-հայկական խումբն արդեն մեկ տարեկան է. ինչ խնդիրներ ունի «Канитель»-ը

Գյումրիում ծնված ռուս-հայկական խումբն արդեն մեկ տարեկան է. ինչ խնդիրներ ունի «Канитель»-ը

Sputnik Արմենիա

Գյումրիում ռուս-հայկական ֆոլք-ռոք խումբ ստեղծելու գաղափարն անհավանական էր թվում, բայց ավելի քան մեկ տարի առաջ ծնված խումբը գնալով ընդլայնվում է ու մեծացնում է... 24.12.2023, Sputnik Արմենիա

2023-12-24T16:26+0400

2023-12-24T16:26+0400

2023-12-24T16:44+0400

գյումրի

երաժիշտ

ռոք

ռուս

հայ

https://cdn.am.sputniknews.ru/img/07e7/0c/10/70146316_0:0:1600:900_1920x0_80_0_0_f6590480a177b7650c322595d2f1f7f3.jpg

Գյումրիում երաժշտական խումբը ստեղծելու գաղափարը մասնագիտությամբ նկարչուհի Իրինա Ֆյոդորովայինն էր. նա մոտ երկու տարի է` ապրում է այստեղ։ Հայաստանի երկրորդ քաղաքում բնակվող երաժիշտ-կատարողներին նախ միավորվել է սոցիալական ցանցը, ավելի ուշ ծնվել է խումբ ստեղծելու գաղափարը։Սկզբում «Канитель»–ը` խումբը, մեծ չէր, բայց շատ շուտով ֆոլք-ռոքային մեղեդիներին միացան շատերը՝ Իրինա Ֆեդորովան` վոկալ, Վիկտոր Ուշակովը` կիթառահար, Ալեքսեյ Պոլոժենցևը սաքսոֆոն է նվագում այստեղ, բեք-վոկալը Աննա Դոկուչաևայինն է, Արարատ Ալեքսանյանը խմբիբաս-կիթառահարն է, Անդրեյ Սեմենովը նվագում է հարվածային գործիքների վրա։Նրանք տարբեր մասնագիտությունների տեր մարդիկ են։ Ասում են` խմբի կորիզը կիթառահար Արարատ Ալեքսանյանն է, ում շնորհիվ նրանք այսօր նաև փորձերի տարածք ունեն։ «Канитель»-ն իր պարապմունքներն անցկացնում է հենց Արարատի ստուդիայում։«Մենք մտածեցինք, որ Գյումրիում պակասում է ֆոլք-ռոք երաժշտությունը։ Որոշեցինք` ստեղծենք խումբ, որ կարողանանք այդ երաժշտությունը ներկայացնել ոչ միայն Գյումրիում բնակվող ռուսներին, այլ նաև հայերին»,- Sputnik Արմենիային պատմում է Իրինան։Հայ կիթառահարն էլ ավելացնում է, որ մի փոքր ուշ է միացել խմբին։ «Սկզբում դժվար էր՝ մինչ այս չեմ զբաղվել նման երաժշտությամբ, իմն ավելի շատ ռոքն է ու դասականը, բայց խմբում փորձեցի ու հիմա նվագում եմ»։Իրենց երգացանկի պես նրանց անվանումն էլ շատ անսովոր է՝ «Канитель». Ֆրանսիայից 16-րդ դարում ռուսական լեզվում հայտնված այս բառը նշանակում է քուղ՝ ոսկելար ասեղնաթել: Այն ոսկեգույն մետաղական թել է, որով ասեղնագործություն է արվել։ «Քուղի պես երաժշտությունը մեզ ասեղնագործել, միավորել է»,-ասում է ղեկավարը։Սկզբում խումբը ներկայացնում էր տարբեր հիթերի «քավրներ», ավելի ուշ սկսել են գրել սեփական ստեղծագործությունները` տարբեր ու բազմաժանր։ «Մենք բոլորս շատ տարբեր ենք, բայց երաժշտությունը մեզ միավորում է։ Ես նկարչուհի եմ, ու ինչպես նկարչության մեջ, այնպես էլ այստեղ, այս խմբին յուրաքանչյուր անդամ մի գույն ու երանգ է»,-ասում է Իրինան՝ հպարտությամբ ներկայացնելով խմբի 6 անդամներից յուրաքանչյուրին։Մեկ տարվա ընթացքում հասցրել են Գյումրիում տարբեր ռեստորաններում, կենտրոններում ու միջոցառումների ժամանակ ելույթ ունենալ։Խնդիրներից առանձնացնում են ձայնագրման ստուդիաների ու երաժիշտների համար հավաքատեղիների բացակայության հարցը։Համերգային ծրագրեր ունեն նաև առաջիկայում։ Չնայած հիմնական երգացանկը ռուսերեն է, բայց հայերեն երգեր ևս արդեն ունեն։

գյումրի

2023

Լուրեր

am_HY

գյումրի, երաժիշտ, ռոք, ռուս, հայ