https://arm.sputniknews.ru/20231221/pashinjany-handznararel-e-bacel-depi-hnagujn-majraqaghaq-artashati-averakneri-pshalarery-70328774.html
Փաշինյանը հանձնարարել է բացել դեպի հնագույն մայրաքաղաք Արտաշատի ավերակների փշալարերը
Փաշինյանը հանձնարարել է բացել դեպի հնագույն մայրաքաղաք Արտաշատի ավերակների փշալարերը
Sputnik Արմենիա
ՀՀ վարչապետի խոսքով` Արտաշատ պատմական մայրաքաղաքի պահպանված, տեսանելի հատվածը գտնվում է փշալարերից այնկողմ ու այդ շենքերի հասանելիությունը դպրոցականների ու... 21.12.2023, Sputnik Արմենիա
2023-12-21T14:44+0400
2023-12-21T14:44+0400
2023-12-21T15:06+0400
արտաշատ
հնավայր
նիկոլ փաշինյան
փշալար
https://cdn.am.sputniknews.ru/img/714/10/7141043_0:163:1600:1063_1920x0_80_0_0_c1bd4b9548fab51b92dde1b4a2905ac0.jpg
ԵՐԵՎԱՆ, 21 դեկտեմբերի – Sputnik. Հայաստանի հնագույն մայրաքաղաք Արտաշատի ավերակները պետք է բացել զբոսաշրջիկների համար։ Այս մասին ՀՀ կառավարության նիստի ժամանակ հայտարարեց ՀՀ վարչապետ Նիկոլ Փաշինյանը։Ըստ նրա` Արտաշատ պատմական մայրաքաղաքի պահպանված, տեսանելի հատվածը գտնվում է փշալարերից այնկողմ ու այդ շենքերի հասանելիությունը դպրոցականների ու զբոսաշրջիկների համար այսօր խնդիր է։ՀՀ վարչապետը նշեց, որ հանձնարարական է տվել ԱԱԾ–ին, ԿԳՄՍՆ–ին, որպեսզի հասանելիություն ապահովեն դեպի այդ տարածքներ, որովհետև մայրաքաղաք ասելիս պետք է տանել տեսանելին ցույց տալ, մանավանդ տեսանելի ու պահպանված շատ բան կա։Այսօրվա նիստի ժամանակ որոշում կայացվեց միջոցներ հատկացնել պատմամշակութային այս, ինչպես նաև Լոռի-Բերդ և Բջնի ամրոցների մուտքերի մոտ գտնվող տաղավարների կահավորման համար: Այստեղ կլինեն տոմսարկղ, սանհանգույցներ, փոքր սրճարաններ և հուշանվերների խանութներ։ՀՀ կառավարությունը որոշեց նաև ծրագրում ներառել Մեծամորի հնագիտական թանգարանը: ՀՀ կրթության, գիտության, մշակույթի, սպորտի նախարար Ժաննա Անդրեասյան նշեց, որ Մեծամորի թանգարանում մուտքի տոմսը 60 դրամ էր, ինչին ի պատասխան ՀՀ վարչապետը ծիծաղեց` ասելով. «Դրա համար էլ մարդ չէր գնում: Ասում են՝ 60 դրամ որտեղի՞ց ճարեմ, որ տոմս առնեմ»:Անդրեասյանն ավելացրեց, որ այս տարի փոխել են տոմսային քաղաքականությունը, որը բերել է նրան, որ արգելոց-թանգարանների մասով նախորդ տարվա համեմատ շուրջ 50 տոկոսով սեփական եկամուտների ավելացում ունեն:Նախարարն ավելացրեց, որ այս տարի ըստ վերջին տվյալների` ՀՀ պատմական արգելոցներ են այցելել մինչև 12 տարեկան շուրջ 70 հազար երեխա։«Կարմիր բլուր» հնավայրում ուրարտական շերտ է հայտնաբերվել, պեղումները շարունակվում են
արտաշատ
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արտաշատ, հնավայր, նիկոլ փաշինյան, փշալար
արտաշատ, հնավայր, նիկոլ փաշինյան, փշալար
Փաշինյանը հանձնարարել է բացել դեպի հնագույն մայրաքաղաք Արտաշատի ավերակների փշալարերը
14:44 21.12.2023 (Թարմացված է: 15:06 21.12.2023) ՀՀ վարչապետի խոսքով` Արտաշատ պատմական մայրաքաղաքի պահպանված, տեսանելի հատվածը գտնվում է փշալարերից այնկողմ ու այդ շենքերի հասանելիությունը դպրոցականների ու զբոսաշրջիկների համար այսօր խնդիր է։
ԵՐԵՎԱՆ, 21 դեկտեմբերի – Sputnik. Հայաստանի հնագույն մայրաքաղաք Արտաշատի ավերակները պետք է բացել զբոսաշրջիկների համար։ Այս մասին ՀՀ կառավարության նիստի ժամանակ հայտարարեց ՀՀ վարչապետ Նիկոլ Փաշինյանը։
Ըստ նրա` Արտաշատ պատմական մայրաքաղաքի պահպանված, տեսանելի հատվածը գտնվում է փշալարերից այնկողմ ու այդ շենքերի հասանելիությունը դպրոցականների ու զբոսաշրջիկների համար այսօր խնդիր է։
«Ես ամիսներ առաջ այցելեցի այնտեղ և ինձ մոտ հարց առաջացավ՝ ինչո՞ւ ՀՀ-ի զբոսաշրջիկները, քաղաքացիները, դպրոցականները պետք է հասանելիություն չունենան մեր պատմական մայրաքաղաքին։ Այն տարածքները, որտեղ մեր երեխաներին տանում ենք էքսկուրսիա որպես Արտաշատ պատմական մայրաքաղաք, այնտեղ ըստ էության ոչինչ չկա։ Ցույց ենք տալիս սարը, ասում ենք՝ երեխաներ սա Արտաշատ մայրաքաղաքն է, յոթ բլուրներից մեկն է, մինչդեռ փշալարերից այնկողմ շատ պահպանված շինություններ կան»,– ընդգծեց նա։
ՀՀ վարչապետը նշեց, որ հանձնարարական է տվել ԱԱԾ–ին, ԿԳՄՍՆ–ին, որպեսզի հասանելիություն ապահովեն դեպի այդ տարածքներ, որովհետև մայրաքաղաք ասելիս պետք է տանել տեսանելին ցույց տալ, մանավանդ տեսանելի ու պահպանված շատ բան կա։
Այսօրվա նիստի ժամանակ որոշում կայացվեց միջոցներ հատկացնել պատմամշակութային այս, ինչպես նաև Լոռի-Բերդ և Բջնի ամրոցների մուտքերի մոտ գտնվող տաղավարների կահավորման համար: Այստեղ կլինեն տոմսարկղ, սանհանգույցներ, փոքր սրճարաններ և հուշանվերների խանութներ։
ՀՀ կառավարությունը որոշեց նաև ծրագրում ներառել Մեծամորի հնագիտական թանգարանը: ՀՀ կրթության, գիտության, մշակույթի, սպորտի նախարար Ժաննա Անդրեասյան նշեց, որ Մեծամորի թանգարանում մուտքի տոմսը 60 դրամ էր, ինչին ի պատասխան ՀՀ վարչապետը ծիծաղեց` ասելով. «Դրա համար էլ մարդ չէր գնում: Ասում են՝ 60 դրամ որտեղի՞ց ճարեմ, որ տոմս առնեմ»:
Անդրեասյանն ավելացրեց, որ այս տարի փոխել են տոմսային քաղաքականությունը, որը բերել է նրան, որ արգելոց-թանգարանների մասով նախորդ տարվա համեմատ շուրջ 50 տոկոսով սեփական եկամուտների ավելացում ունեն:
Նախարարն ավելացրեց, որ այս տարի ըստ վերջին տվյալների` ՀՀ պատմական արգելոցներ են այցելել մինչև 12 տարեկան շուրջ 70 հազար երեխա։
