https://arm.sputniknews.ru/20231220/hffn-orenq-e-khakhtel-hffn-dzhgvoh-e-inchu-futzali-havaqakany-hrazharvec-finneri-het-khaghic-70240756.html
ՀՖՖ–ն օրենք է խախտել, ՀՖՖ–ն դժգոհ է. ինչու ֆուտզալի հավաքականը հրաժարվեց ֆինների հետ խաղից
ՀՖՖ–ն օրենք է խախտել, ՀՖՖ–ն դժգոհ է. ինչու ֆուտզալի հավաքականը հրաժարվեց ֆինների հետ խաղից
Sputnik Արմենիա
Ֆուտզալի աշխարհի առաջնության էլիտ փուլի խմբային պայքարը Հայաստանի համար ավարտվեց ժամանակից շուտ, քան նախատեսված էր։ Մեր հավաքականը հրաժարվել է մեկնել... 20.12.2023, Sputnik Արմենիա
2023-12-20T08:55+0400
2023-12-20T08:55+0400
2023-12-20T08:55+0400
ֆուտբոլ
ֆուտբոլիստ
ուեֆա
հայաստանի ֆուտբոլի ֆեդերացիա
ֆինլանդիա
ֆուտզալ
https://cdn.am.sputniknews.ru/img/07e7/03/06/56340633_0:257:1600:1158_1920x0_80_0_0_abfe5e346978540bc96b70d0c4e7c9e6.jpg
ԵՐԵՎԱՆ, 20 դեկտեմբերի – Sputnik. Հայաստանի ֆուտբոլի ֆեդերացիան դժգոհ է, որ ֆուտզալի մեր հավաքականում հանդես եկող բրազիլացի ֆուտբոլիստների պատճառով ՈւԵՖԱ-ն տեխնիկական պարտություն է գրանցել մեր թիմին։ Մեր ընտրանին չի մեկնելու Ֆինլանդիայի հավաքականի հետ արտագնա խաղի մրցավայր։Դեկտեմբերի 18–ին ՀՖՖ-ն հայտարարեց, որ Հայաստանի հավաքականը չի մեկնի Ֆինլանդիա՝ անցկացնելու մրցաշարի վերջին հանդիպումը: ՀՖՖ-ն նման որոշում է կայացրել՝ «հաշվի առնելով բրազիլացի ֆուտզալիստների շուրջ ստեղծված իրավիճակը»:Թե ինչպես են նախկինում տարբեր հավաքականներ իրենց կազմում ընդգրկել բրազիլացի ֆուտբոլիստների, նույնպես խախտելով վերը նշված օրենքը, պարզ չէ։ Պարզ է այն, որ նախկինում բողոքներ չեն եղել, այդ պատճառով էլ ՈւԵՖԱ-ն նման որոշումներ չի կայացրել։ Իսկ հիմա արդեն լրիվ այլ հարց է, ու օրենքի խախտումը պահանջում է պատիժ, ինչն էլ կիրառվել է Հայաստանի ու նաև Վրաստանի թիմերի նկատմամբ։Գաղտնիք չէ, որ ժամանակին Իտալիայի հավաքականում ընդգրկված էին բրազիլացի 12 ֆուտբոլիստ, Ադրբեջանի, Ղազախստանի հավաքականներում էլ բրազիլացիների թիվը բավականին շատ է եղել։Օրինակ` Վրաստանի հետ խաղի մեկնարկային հնգյակում մեր թիմի կազմում խաղահրապարակ են դուրս եկել 4 բրազիլացի, Ֆինլանդիայի հետ խաղում` նույնպես չորս, բացի այդ պահեստայինների կազմում եղել են ևս երեք բրազիլացիներ, որոնք խաղի ընթացքում դուրս են եկել փոխարինման։Մի խոսքով` պարզ է, որ բրազիլացի խաղացողներ ընդգրկելով` մեր հավաքականը փորձում էր, օրենք խախտելով, լուծել էլիտ փուլում հաղթողի հարցը, բայց բողոքները եղան, և ՈւԵՖԱ-ն դրանք բավարարեց։ Հիմա ինչու՞ է դժգոհում ՀՖՖ–ն։Հավելենք, որ դեկտեմբերի 15-ին Հայաստանի ֆուտզալի հավքականն իր պատմության մեջ առաջին հաղթանակը տոնեց աշխարհի առաջնության էլիտ փուլի խմբային պայքարում։ Զուտ մարզական առումով այդ հաղթանակը մեր հավաքականին հնարավորություն տվեց մրցաշարային աղյուսակում շրջանցել Վրաստանի թիմին ու զբաղեցնել երրորդ տեղը։ Անկախ Ֆինլանդիայի հետ վերջին տուրի խաղի արդյունքից` մեր հավաքականը խմբում առավելագույնը կարող է մնալ երրորդ տեղում, գործնականում հնարավոր է, որ Վրաստանի թիմը վերջին տուրում հաղթանակ տանելու դեպքում շրջանցեր մեր թիմին, եթե մերոնք պարտվեին Ֆինլանդիային։ Արդեն պարզ է, որ մերոնք միավոր չեն վաստակի այդ խաղում, քանի որ չեն մեկնելու մրցավայր։
ֆինլանդիա
Sputnik Արմենիա
media@sputniknews.com
+74956456601
MIA „Rossiya Segodnya“
2023
Խաչիկ Չախոյան
https://cdn.am.sputniknews.ru/img/231/08/2310881_242:0:1310:1068_100x100_80_0_0_40abb0e21300e8efa2621019bae982b4.jpg
Խաչիկ Չախոյան
https://cdn.am.sputniknews.ru/img/231/08/2310881_242:0:1310:1068_100x100_80_0_0_40abb0e21300e8efa2621019bae982b4.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Խաչիկ Չախոյան
https://cdn.am.sputniknews.ru/img/231/08/2310881_242:0:1310:1068_100x100_80_0_0_40abb0e21300e8efa2621019bae982b4.jpg
ֆուտբոլ, ֆուտբոլիստ, ուեֆա, հայաստանի ֆուտբոլի ֆեդերացիա, ֆինլանդիա, ֆուտզալ
ֆուտբոլ, ֆուտբոլիստ, ուեֆա, հայաստանի ֆուտբոլի ֆեդերացիա, ֆինլանդիա, ֆուտզալ
ՀՖՖ–ն օրենք է խախտել, ՀՖՖ–ն դժգոհ է. ինչու ֆուտզալի հավաքականը հրաժարվեց ֆինների հետ խաղից
Ֆուտզալի աշխարհի առաջնության էլիտ փուլի խմբային պայքարը Հայաստանի համար ավարտվեց ժամանակից շուտ, քան նախատեսված էր։ Մեր հավաքականը հրաժարվել է մեկնել Ֆինլանդիայի ընտրանու հետ արտագնա խաղին։
ԵՐԵՎԱՆ, 20 դեկտեմբերի – Sputnik. Հայաստանի ֆուտբոլի ֆեդերացիան դժգոհ է, որ ֆուտզալի մեր հավաքականում հանդես եկող բրազիլացի ֆուտբոլիստների պատճառով ՈւԵՖԱ-ն տեխնիկական պարտություն է գրանցել մեր թիմին։ Մեր ընտրանին չի մեկնելու Ֆինլանդիայի հավաքականի հետ արտագնա խաղի մրցավայր։
Դեկտեմբերի 18–ին ՀՖՖ-ն հայտարարեց, որ Հայաստանի հավաքականը չի մեկնի Ֆինլանդիա՝ անցկացնելու մրցաշարի վերջին հանդիպումը: ՀՖՖ-ն նման որոշում է կայացրել՝ «հաշվի առնելով բրազիլացի ֆուտզալիստների շուրջ ստեղծված իրավիճակը»:
Բանն այն է, որ ֆուտբոլում և ֆուտզալում գործում է օրենք, ըստ որի` այլազգի խաղացողները կարող են հանդես գալ տվյալ երկրի հավաքականում, եթե այդտեղ ապրել և խաղացել են վերջին 5 տարիների ընթացքում: Ստացվում է, որ մեր հավաքականը խախտել է օրենքը, և այդ պատճառով էլ ՈւԵՖԱ–ն մերոնց տեխնիկական պարտություն է գրանցել։
Թե ինչպես են նախկինում տարբեր հավաքականներ իրենց կազմում ընդգրկել բրազիլացի ֆուտբոլիստների, նույնպես խախտելով վերը նշված օրենքը, պարզ չէ։ Պարզ է այն, որ նախկինում բողոքներ չեն եղել, այդ պատճառով էլ ՈւԵՖԱ-ն նման որոշումներ չի կայացրել։ Իսկ հիմա արդեն լրիվ այլ հարց է, ու օրենքի խախտումը պահանջում է պատիժ, ինչն էլ կիրառվել է Հայաստանի ու նաև Վրաստանի թիմերի նկատմամբ։
Գաղտնիք չէ, որ ժամանակին Իտալիայի հավաքականում ընդգրկված էին բրազիլացի 12 ֆուտբոլիստ, Ադրբեջանի, Ղազախստանի հավաքականներում էլ բրազիլացիների թիվը բավականին շատ է եղել։
Օրինակ` Վրաստանի հետ խաղի մեկնարկային հնգյակում մեր թիմի կազմում խաղահրապարակ են դուրս եկել 4 բրազիլացի, Ֆինլանդիայի հետ խաղում` նույնպես չորս, բացի այդ պահեստայինների կազմում եղել են ևս երեք բրազիլացիներ, որոնք խաղի ընթացքում դուրս են եկել փոխարինման։
Մի խոսքով` պարզ է, որ բրազիլացի խաղացողներ ընդգրկելով` մեր հավաքականը փորձում էր, օրենք խախտելով, լուծել էլիտ փուլում հաղթողի հարցը, բայց բողոքները եղան, և ՈւԵՖԱ-ն դրանք բավարարեց։ Հիմա ինչու՞ է դժգոհում ՀՖՖ–ն։
Դժվար է պատկերացնել, թե ինչ նպատակ ունի պաշտոնական խաղին չմեկնելը։ Երևի այլևս այդ խաղը իմաստ չունի մեր ֆեդերացիայի համար։ Ըստ ՀՖՖ հայտարարության` մերոնք էլ են բողոքարկել են ՈւԵՖԱ-ի որոշումները ու դիմել ֆուտզալի կոմիտեին։ Որոշում կլինի մեր օգտին, թե ոչ` էական չէ, որովհետև մեր հավաքականը խմբում բավականին հեռու մնաց առաջին երկու տեղերը զբաղեցրած Պորտուգալիայի և Ֆինլանդիայի հավաքականներից։ Բրազիլացիներով արդյունք ապահովել չստացվեց։
Հավելենք, որ դեկտեմբերի 15-ին Հայաստանի ֆուտզալի հավքականն իր պատմության մեջ առաջին
հաղթանակը տոնեց աշխարհի առաջնության էլիտ փուլի խմբային պայքարում։ Զուտ մարզական առումով այդ հաղթանակը մեր հավաքականին հնարավորություն տվեց մրցաշարային աղյուսակում շրջանցել Վրաստանի թիմին ու զբաղեցնել երրորդ տեղը։ Անկախ Ֆինլանդիայի հետ վերջին տուրի խաղի արդյունքից` մեր հավաքականը խմբում առավելագույնը կարող է մնալ երրորդ տեղում, գործնականում հնարավոր է, որ Վրաստանի թիմը վերջին տուրում հաղթանակ տանելու դեպքում շրջանցեր մեր թիմին, եթե մերոնք պարտվեին Ֆինլանդիային։ Արդեն պարզ է, որ մերոնք միավոր չեն վաստակի այդ խաղում, քանի որ չեն մեկնելու մրցավայր։
