https://arm.sputniknews.ru/20231220/2024-in-gitakan-sarqeri-dzerqbermann-aveli-shat-gumar-khatkacvi-qan-2018-22in-pashinjan-70296291.html
2024-ին գիտական սարքերի ձեռքբերմանն ավելի շատ գումար կհատկացվի, քան 2018-22–ին. Փաշինյան
2024-ին գիտական սարքերի ձեռքբերմանն ավելի շատ գումար կհատկացվի, քան 2018-22–ին. Փաշինյան
Sputnik Արմենիա
80 տարի առաջ Գիտությունների ակադեմիան հիմք դրեց ՀԽՍՀ ինդուստրալիզացիային։ Այժմ կառավարությունն ավելացնում է ներդրումները գիտության ոլորտում Հայաստանի... 20.12.2023, Sputnik Արմենիա
2023-12-20T17:47+0400
2023-12-20T17:47+0400
2023-12-20T17:49+0400
վարչապետ
հհ կառավարություն
կառավարության ծրագիր
գիտությունների ազգային ակադեմիա (գաա)
գիտություն
հայաստան
https://cdn.am.sputniknews.ru/img/07e7/0c/14/70295011_0:143:1600:1043_1920x0_80_0_0_bffed7de1a7084545ed6e5481eb1d485.jpg
ԵՐԵՎԱՆ, 20 դեկտեմբերի - Sputnik. 2024 թվականին ՀՀ կառավարությունը գիտական սարքերի ձեռքբերման համար ավելի շատ գումար կհատկացնի, քան 2018-22 թվականներին միասին վերցրած։ Այս մասին հայտարարել է ՀՀ վարչապետ Նիկոլ Փաշինյանը՝ ելույթ ունենալով Գիտությունների ազգային ակադեմիայի 80-ամյա հոբելյանին նվիրված հանդիսավոր նիստում:Նիստին մասնակցել են նաև ՀՀ նախագահ Վահագն Խաչատուրյանը, ԱԺ պատգամավորներ և կառավարության անդամներ, պատվիրակություններ Ավստրիայից, Չեխիայից, Հունաստանից, Իրանից, Ռուսաստանից և այլ երկրներից, ինչպես նաև Դուբնայի (ՌԴ) Միջուկային հետազոտությունների միացյալ ինստիտուտից:Վարչապետն ուշադրություն է հրավիրել 1943թ. դեկտեմբերին Հայկական ԽՍՀ Գիտությունների ակադեմիայի հիմնադրման կարևորագույն արդյունքներից մեկի վրա։ Այստեղ իրականացվող գիտական հետազոտությունները նպաստեցին հանրապետության ինդուստրալիզացիային: Այժմ կառավարության երկարաժամկետ նպատակն է հիմքեր դնել երկրի վերաինդուստրալիզացիայի համար։Փաշինյանը հայտարարել է, որ չնայած բոլոր դժվարություններին, երկրի գիտական ներուժը սպառված չէ: Նա հիշեցրել է, որ 2024 թվականի բյուջեով 2018 թվականի համեմատ Հայաստանի գիտական ոլորտի ֆինանսավորումը կաճի 2,8 անգամ։Այսպես, 2022 թվականի հոկտեմբերի 1-ից մեկնարկել է գիտնականների աշխատավարձերի բարձրացման ծրագիրը, որը կշարունակվի մինչև 2026-ը։Արդյունքում, լաբորանտ– ճարտարագետի աշխատավարձը 2024 թ. կավելանա 78 տոկոսով, ավագ գիտաշխատողինը՝ 203 տոկոսով, առաջատար գիտաշխատողինը՝ 267 տոկոսով, գլխավոր գիտաշխատողինը՝ 262 տոկոսով և այսպես շարունակ։Ավելանում է նաև դրամաշնորհների քանակը, որոնք գիտական խմբերը ստանում են մրցութային հիմունքներով։ 2023 թվականին դրանց գումարային ծավալը կազմել է 8,4 մլրդ դրամ, 2024 թվականին այն կկազմի 9,3 մլրդ դրամ և կբաշխվի մոտ հազար գիտնականների շրջանում։Ի՞նչ է արվում գիտության ոլորտը երիտասարդացնելու համար. Ժաննա Անդրեասյանը թվեր հրապարակեցԱրդյունքում, հանրապետությունում գիտաշխատողների թիվը 2022-23 թվականներին աճել է գրեթե 300-ով, ընդ որում, նրանց մեծ մասը 55 տարեկանից ցածր է։Վարչապետը նաև նշել է, որ 2018-22 թվականներին կառավարությունը մոտ 5 մլրդ դրամ է հատկացրել նոր գիտական սարքերի գնման համար, իսկ միայն 2024 թվականին նախատեսված է 7,1 մլրդ դրամ։Վարչապետը Վիկտոր Համբարձումյանի անվան մրցանակը հանձնել է պրոֆեսորներ Ալեքսանդր Սալային (Ջոնս Հոփքինսի համալսարան, Բալթիմոր, ԱՄՆ), Իզաբել Բարաֆին (Էքսետերի համալսարան, ՄԹ և Լիոնի CRAL/ENS, CNRS, Ֆրանսիա) և Ադամ Բարոուզին (Աստղաֆիզիկական գիտությունների բաժին, Փրինսթոնի համալսարան, ԱՄՆ): Հիշեցնենք, որ մրցանակն ու մեդալը շնորհվում են երկու տարին մեկ անգամ՝ ֆիզիկամաթեմատիկական հետազոտություններում ունեցած ձեռքբերումների համար:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վարչապետ, հհ կառավարություն, կառավարության ծրագիր, գիտությունների ազգային ակադեմիա (գաա), գիտություն, հայաստան
վարչապետ, հհ կառավարություն, կառավարության ծրագիր, գիտությունների ազգային ակադեմիա (գաա), գիտություն, հայաստան
2024-ին գիտական սարքերի ձեռքբերմանն ավելի շատ գումար կհատկացվի, քան 2018-22–ին. Փաշինյան
17:47 20.12.2023 (Թարմացված է: 17:49 20.12.2023) 80 տարի առաջ Գիտությունների ակադեմիան հիմք դրեց ՀԽՍՀ ինդուստրալիզացիային։ Այժմ կառավարությունն ավելացնում է ներդրումները գիտության ոլորտում Հայաստանի վերաինդուստրալիզացիայի համար։
ԵՐԵՎԱՆ, 20 դեկտեմբերի - Sputnik. 2024 թվականին ՀՀ կառավարությունը գիտական սարքերի ձեռքբերման համար ավելի շատ գումար կհատկացնի, քան 2018-22 թվականներին միասին վերցրած։ Այս մասին հայտարարել է ՀՀ վարչապետ Նիկոլ Փաշինյանը՝ ելույթ ունենալով Գիտությունների ազգային ակադեմիայի 80-ամյա հոբելյանին նվիրված
հանդիսավոր նիստում:
Նիստին մասնակցել են նաև ՀՀ նախագահ Վահագն Խաչատուրյանը, ԱԺ պատգամավորներ և կառավարության անդամներ, պատվիրակություններ Ավստրիայից, Չեխիայից, Հունաստանից, Իրանից, Ռուսաստանից և այլ երկրներից, ինչպես նաև Դուբնայի (ՌԴ) Միջուկային հետազոտությունների միացյալ ինստիտուտից:
Վարչապետն ուշադրություն է հրավիրել 1943թ. դեկտեմբերին Հայկական ԽՍՀ Գիտությունների ակադեմիայի հիմնադրման կարևորագույն արդյունքներից մեկի վրա։ Այստեղ իրականացվող գիտական հետազոտությունները նպաստեցին հանրապետության ինդուստրալիզացիային: Այժմ կառավարության երկարաժամկետ նպատակն է հիմքեր դնել երկրի վերաինդուստրալիզացիայի համար։
Փաշինյանը հայտարարել է, որ չնայած բոլոր դժվարություններին, երկրի գիտական ներուժը սպառված չէ: Նա հիշեցրել է, որ 2024 թվականի բյուջեով 2018 թվականի համեմատ Հայաստանի գիտական ոլորտի ֆինանսավորումը կաճի 2,8 անգամ։
Այսպես, 2022 թվականի հոկտեմբերի 1-ից մեկնարկել է գիտնականների աշխատավարձերի բարձրացման ծրագիրը, որը կշարունակվի մինչև 2026-ը։
Արդյունքում, լաբորանտ– ճարտարագետի աշխատավարձը 2024 թ. կավելանա 78 տոկոսով, ավագ գիտաշխատողինը՝ 203 տոկոսով, առաջատար գիտաշխատողինը՝ 267 տոկոսով, գլխավոր գիտաշխատողինը՝ 262 տոկոսով և այսպես շարունակ։
Ավելանում է նաև դրամաշնորհների քանակը, որոնք գիտական խմբերը ստանում են մրցութային հիմունքներով։ 2023 թվականին դրանց գումարային ծավալը կազմել է 8,4 մլրդ դրամ, 2024 թվականին այն կկազմի 9,3 մլրդ դրամ և կբաշխվի մոտ հազար գիտնականների շրջանում։
Արդյունքում, հանրապետությունում գիտաշխատողների թիվը 2022-23 թվականներին աճել է գրեթե 300-ով, ընդ որում, նրանց մեծ մասը 55 տարեկանից ցածր է։
Վարչապետը նաև նշել է, որ 2018-22 թվականներին կառավարությունը մոտ 5 մլրդ դրամ է հատկացրել նոր գիտական սարքերի գնման համար, իսկ միայն 2024 թվականին նախատեսված է 7,1 մլրդ դրամ։
Վարչապետը Վիկտոր Համբարձումյանի անվան մրցանակը հանձնել է պրոֆեսորներ Ալեքսանդր Սալային (Ջոնս Հոփքինսի համալսարան, Բալթիմոր, ԱՄՆ), Իզաբել Բարաֆին (Էքսետերի համալսարան, ՄԹ և Լիոնի CRAL/ENS, CNRS, Ֆրանսիա) և Ադամ Բարոուզին (Աստղաֆիզիկական գիտությունների բաժին, Փրինսթոնի համալսարան, ԱՄՆ): Հիշեցնենք, որ մրցանակն ու մեդալը շնորհվում են երկու տարին մեկ անգամ՝ ֆիզիկամաթեմատիկական հետազոտություններում ունեցած ձեռքբերումների համար:
ՀՀ վարչապետը Գիտությունների ազգային ակադեմիայի 80-ամյա հոբելյանին նվիրված հանդիսավոր նիստի ժամանակ
ՀՀ ԿԳՄՍ նախարար Ժաննա Անդրեասյանը Գիտությունների ազգային ակադեմիայի 80-ամյա հոբելյանին նվիրված հանդիսավոր նիստի ժամանակ
ՀՀ վարչապետը Գիտությունների ազգային ակադեմիայի 80-ամյա հոբելյանին նվիրված հանդիսավոր նիստի ժամանակ
ՀՀ ԿԳՄՍ նախարար Ժաննա Անդրեասյանը Գիտությունների ազգային ակադեմիայի 80-ամյա հոբելյանին նվիրված հանդիսավոր նիստի ժամանակ
