https://arm.sputniknews.ru/20231214/da-harci-lutsum-che-vracakan-hamaranishnervov-meqenaneri-varvordnery-bvoghvoqi-akcia-en-anum-70038428.html
Դա հարցի լուծում չէ. վրացական համարանիշներով մեքենաների վարորդները բողոքի ակցիա են անում
Դա հարցի լուծում չէ. վրացական համարանիշներով մեքենաների վարորդները բողոքի ակցիա են անում
Sputnik Արմենիա
Ցուցարարների խոսքով` ՀՀ կառավարությունը իրենց մեքենաներից թանկ մաքսազերծում է պահանջում։ Նրանք պահանջում են, որ որոշումը վերանայվի։ 14.12.2023, Sputnik Արմենիա
2023-12-14T12:22+0400
2023-12-14T12:22+0400
2023-12-14T12:31+0400
հայաստան
ավտոմեքենա
վարորդ
բողոքի ակցիա
պետհամարանիշ
տեսանյութ
տեսանյութեր
https://cdn.am.sputniknews.ru/img/07e7/0c/0e/70038808_0:0:1907:1072_1920x0_80_0_0_cfb5dfb9bcd44aec168919f538bcef94.jpg
ԵՐԵՎԱՆ, 14 դեկտեմբերի – Sputnik. Վրացական պետհամարանիշներով մեքենաների վարորդները բողոքի ակցիա են անում ՀՀ կառավարության շենքի մոտ և պահանջում են վերանայել ընդունված որոշումը։Ավելի վաղ հայտնել էինք, որ ՊԵԿ–ը շրջանառության մեջ է դրել մի նախագիծ, որով առաջարկվում է Վրաստանում գրանցված մեքենաները Հայաստանում շահագործելու համար առանձին վճարում անել, այսպես ասած, գրավ վճարել։ Մինչ այժմ ՀՀ քաղաքացիները Վրաստանում գնած ավտոմեքենան չէին մաքսազերծում, և այն անարգել շահագործում էին ՀՀ տարածքում։ Պետությունը պարտավորվել է մինչև 2023 թվականի դեկտեմբերի 30-ը ներառյալ սուբսիդավորել մինչև դեկտեմբերի 4-ը ՀՀ ժամանակավոր ներմուծված և մինչև դեկտեմբերի 30-ը մաքսազերծված ավտոմեքենաների մաքսատուրքը՝ մինչև 5 տարվա արտադրության մեքենաների համար՝ 40%-ի, ավելի հին մեքենաների համար 70%-ի չափով։Նրանց խոսքով` խոսքը շատ մեծ գումարների մասին է, և իրենց տրվել է ընդամենը 25 օր ժամանակ` մինչև դեկտեմբերի 30–ը։«Մեր մեքենայից թանկ մաքսազերծում են պահանջում։ Այս որոշումը պետք է վերանայվի։ Միայն բնապահպանական հարկը կազմում է մոտ 2000 դոլար։ Իսկ այդ 30%–ն ահռելի գումար է»,–ասում է ակցիայի մասնակիցը։Ցուցարարները հանդիպում են պահանջում կառավարության ներկայացուցիչների հետ։Նշենք, որ վրացական պետհամարանիշներով մեքենաների վարորդներն այս պահին կառավարության ընդունարանում են և ներկայացնում են իրավիճակը։ Նրանք կառավարության ներկայացուցիչներին են հանձնում խնդրանք–պահանջը։Կարճ ժամանակ անց ակցիայի մասնակիցներից մեկը դուրս եկավ շենքից և հայտնեց, որ իրենց դիմումը մուտք են արել, որով նաև հանդիպում են պահանջել կառավարության ներկայացուցիչների հետ։«Մեզ խոստացան հնարավորինս արագ դիմումին ընթացք տալ»,– ասաց նա։Ակցիայի մասնակիցը չցանկացավ խոսել իրենց հետագա քայլերի մասին, միայն նշեց, որ իրենք պայքարելու են մինչև վերջ։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ավտոմեքենա, վարորդ, բողոքի ակցիա, պետհամարանիշ, видео, տեսանյութ, տեսանյութեր
հայաստան, ավտոմեքենա, վարորդ, բողոքի ակցիա, պետհամարանիշ, видео, տեսանյութ, տեսանյութեր
Դա հարցի լուծում չէ. վրացական համարանիշներով մեքենաների վարորդները բողոքի ակցիա են անում
12:22 14.12.2023 (Թարմացված է: 12:31 14.12.2023) Ցուցարարների խոսքով` ՀՀ կառավարությունը իրենց մեքենաներից թանկ մաքսազերծում է պահանջում։ Նրանք պահանջում են, որ որոշումը վերանայվի։
ԵՐԵՎԱՆ, 14 դեկտեմբերի – Sputnik. Վրացական պետհամարանիշներով մեքենաների վարորդները բողոքի ակցիա են անում ՀՀ կառավարության շենքի մոտ և պահանջում են վերանայել ընդունված որոշումը։
Ավելի վաղ հայտնել էինք, որ ՊԵԿ–ը շրջանառության մեջ է դրել մի նախագիծ, որով առաջարկվում է Վրաստանում գրանցված մեքենաները Հայաստանում շահագործելու համար առանձին վճարում անել, այսպես ասած, գրավ վճարել։ Մինչ այժմ ՀՀ քաղաքացիները Վրաստանում գնած ավտոմեքենան չէին մաքսազերծում, և այն անարգել շահագործում էին ՀՀ տարածքում։ Պետությունը պարտավորվել է մինչև 2023 թվականի դեկտեմբերի 30-ը ներառյալ
սուբսիդավորել մինչև դեկտեմբերի 4-ը ՀՀ ժամանակավոր ներմուծված և մինչև դեկտեմբերի 30-ը մաքսազերծված ավտոմեքենաների մաքսատուրքը՝ մինչև 5 տարվա արտադրության մեքենաների համար՝ 40%-ի, ավելի հին մեքենաների համար 70%-ի չափով։
«Կառավարության առաջարկած սուբսիդավորումը հարցի լուծում չէ։ Միևնույնն է` մենք պետք է 30% վճարենք (սուբսիդավորումը հին մեքենաների համար 70%-ի չափով է): Փաստացի մեզ տանում են հարկադրված մաքսազերծման, որի հնարավորությունը մեզնից ոչ մեկը չունի»,–ասաց բողոքի ակցիայի մասնակից վարորդներից մեկը։
Նրանց խոսքով` խոսքը շատ մեծ գումարների մասին է, և իրենց տրվել է ընդամենը 25 օր ժամանակ` մինչև դեկտեմբերի 30–ը։
«Մեր մեքենայից թանկ մաքսազերծում են պահանջում։ Այս որոշումը պետք է վերանայվի։ Միայն բնապահպանական հարկը կազմում է մոտ 2000 դոլար։ Իսկ այդ 30%–ն ահռելի գումար է»,–ասում է ակցիայի մասնակիցը։
Ցուցարարները հանդիպում են պահանջում կառավարության ներկայացուցիչների հետ։
Նշենք, որ վրացական պետհամարանիշներով մեքենաների վարորդներն այս պահին կառավարության ընդունարանում են և ներկայացնում են իրավիճակը։ Նրանք կառավարության ներկայացուցիչներին են հանձնում խնդրանք–պահանջը։
Կարճ ժամանակ անց ակցիայի մասնակիցներից մեկը դուրս եկավ շենքից և հայտնեց, որ իրենց դիմումը մուտք են արել, որով նաև հանդիպում են պահանջել կառավարության ներկայացուցիչների հետ։
«Մեզ խոստացան հնարավորինս արագ դիմումին ընթացք տալ»,– ասաց նա։
Ակցիայի մասնակիցը չցանկացավ խոսել իրենց հետագա քայլերի մասին, միայն նշեց, որ իրենք պայքարելու են մինչև վերջ։
