https://arm.sputniknews.ru/20231204/si-tsinpinn-u-aleqsandr-lukashenkvon-banakcel-en-pekinum-manramasner-69555562.html
Սի Ծինփինն ու Ալեքսանդր Լուկաշենկոն բանակցել են Պեկինում. մանրամասներ
Սի Ծինփինն ու Ալեքսանդր Լուկաշենկոն բանակցել են Պեկինում. մանրամասներ
Sputnik Արմենիա
Չինաստանի ղեկավարն ասել է, որ իր երկիրը մտադիր է սերտ փոխգործակցություն պահպանել Բելառուսի հետ, փոխշահավետ համագործակցություն իրականացնել մի շարք ոլորտներում։ 04.12.2023, Sputnik Արմենիա
2023-12-04T10:46+0400
2023-12-04T10:46+0400
2023-12-04T10:48+0400
չինաստան
բելառուս
ալեքսանդր լուկաշենկո
սի ծինփին (չինաստանի նախագահ)
https://cdn.am.sputniknews.ru/img/07e7/0c/04/69551545_0:0:1185:667_1920x0_80_0_0_97f52b7a996204fe3dee3280f0beb15d.jpg
ԵՐԵՎԱՆ, 4 դեկտեմբերի – Sputnik. Չինաստանը պատրաստ է Բելառուսի հետ համատեղ պաշտպանել միջազգային արդարությունը։ Ինչպես հաղորդում է ՌԻԱ Նովոստին, հղում անելով չինական լրատվամիջոցններին, Պեկինում Բելառուսի նախագահ Ալեքսանդր Լուկաշենկոյի հետ հանդիպման ժամանակ այս մասին հայտարարել է Չինաստանի նախագահ Սի Ծինփինը:Նրա խոսքով՝ Չինաստանը պատրաստ է սերտ փոխգործակցություն պահպանել Բելառուսի հետ, փոխշահավետ երկկողմ համագործակցություն իրականացնել ներդրումային, առևտրատնտեսական և այլ ոլորտներում:ՉԺՀ ղեկավարը նշել է, որ Մինսկը միշտ հաստատուն աջակցություն է ցուցաբերել Պեկինին նրա արմատական շահերին վերաբերող հարցերում, և Չինաստանը բարձր է գնահատում դա:Սի Ծինփինը նաև ընդգծել է, որ Պեկինը վճռականորեն աջակցում է Մինսկին զարգացման սեփական ուղուն հետևելու հարցում, դեմ է արտաքին ուժերի միջամտությանը երկրի ներքին գործերին:«Չինաստանը հաստատակամորեն աջակցում է Բելառուսին այն զարգացման ճանապարհին, որը համապատասխանում է նրա ազգային իրողություններին, և դեմ է արտաքին ուժերի միջամտությանը Բելառուսի ներքին գործերին՝ ցանկացած պատրվակով»,-ասել է ՉԺՀ նախագահը:Սի Ծինփինը նշել է, որ Չինաստանը պատրաստ է Բելառուսի հետ համատեղ բացահայտել տարբեր ոլորտներում համագործակցության ներուժը, ուժեղացնել փոխադարձ քաղաքական վստահությունը, նպաստել չին-բելառուսական հարաբերությունների հետագա զարգացմանը, ավելի շատ օգուտ բերել երկու երկրների ժողովուրդներին:Լուկաշենկոն իր հերթին հայտարարել է, որ հարաբերությունների մակարդակի պատմական բարձրացումը հզոր ազդակ է հաղորդել ավանդական ուղղությունների խորացմանը, Մինսկի և Պեկինի միջև համագործակցության նոր վեկտորների ու մեխանիզմների մեկնարկին:«Բելառուսը Չինաստանի համար հուսալի գործընկեր է եղել, կա և կլինի»,-ասել է նա:Լուկաշենկոյի խոսքով՝ Բելառուսը վաղուց է կողմնորոշվել, որ համագործակցելու և բարեկամանալու է Չինաստանի հետ:Հիշեցնենք` նախորդ անգամ Լուկաշենկոն Չինաստան էր այցելել այս տարվա փետրվարի 28-ից մարտի 2-ը։ Բելառուսի փոխվարչապետ Նիկոլայ Սնոպկովի գնահատմամբ՝ այցի շրջանակում ձեռք բերված և ձևակերպված պայմանավորվածությունների տնտեսական արդյունքը գերազանցել է 3,5 միլիարդ դոլարը:Բելառուսի էկոնոմիկայի նախարարության տվյալներով՝ 2022 թվականին բելառուսա-չինական ապրանքաշրջանառությունը հասել է ռեկորդային 5,8 միլիարդ դոլարի։ Դեպի Չինաստան բելառուսական ապրանքների արտահանումը գրեթե կրկնապատկվել է՝ կազմելով 1,6 միլիարդ դոլար:Ջո Բայդենի և Սի Ծինփինի հանդիպումը եղել է խոր և բազմակողմանի, տևել է 4 ժամ. ՉԺՀ ԱԳՆ
չինաստան
բելառուս
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
չինաստան, բելառուս, ալեքսանդր լուկաշենկո, սի ծինփին (չինաստանի նախագահ)
չինաստան, բելառուս, ալեքսանդր լուկաշենկո, սի ծինփին (չինաստանի նախագահ)
Սի Ծինփինն ու Ալեքսանդր Լուկաշենկոն բանակցել են Պեկինում. մանրամասներ
10:46 04.12.2023 (Թարմացված է: 10:48 04.12.2023) Չինաստանի ղեկավարն ասել է, որ իր երկիրը մտադիր է սերտ փոխգործակցություն պահպանել Բելառուսի հետ, փոխշահավետ համագործակցություն իրականացնել մի շարք ոլորտներում։
ԵՐԵՎԱՆ, 4 դեկտեմբերի – Sputnik. Չինաստանը պատրաստ է Բելառուսի հետ համատեղ պաշտպանել միջազգային արդարությունը։ Ինչպես հաղորդում է
ՌԻԱ Նովոստին, հղում անելով չինական լրատվամիջոցններին, Պեկինում Բելառուսի նախագահ Ալեքսանդր Լուկաշենկոյի հետ հանդիպման ժամանակ այս մասին հայտարարել է Չինաստանի նախագահ Սի Ծինփինը:
«Չինաստանը պատրաստ է Բելառուսի հետ համատեղ աջակցել Գլոբալ զարգացման նախաձեռնության և Գլոբալ անվտանգության նախաձեռնության իրականացմանը, պաշտպանել միջազգային արդարությունը»,-ասել է Չինաստանի ղեկավարը:
Նրա խոսքով՝ Չինաստանը պատրաստ է սերտ փոխգործակցություն պահպանել Բելառուսի հետ, փոխշահավետ երկկողմ համագործակցություն իրականացնել ներդրումային, առևտրատնտեսական և այլ ոլորտներում:
ՉԺՀ ղեկավարը նշել է, որ Մինսկը միշտ հաստատուն աջակցություն է ցուցաբերել Պեկինին նրա արմատական շահերին վերաբերող հարցերում, և Չինաստանը բարձր է գնահատում դա:
Սի Ծինփինը նաև ընդգծել է, որ Պեկինը վճռականորեն աջակցում է Մինսկին զարգացման սեփական ուղուն հետևելու հարցում, դեմ է արտաքին ուժերի միջամտությանը երկրի ներքին գործերին:
«Չինաստանը հաստատակամորեն աջակցում է Բելառուսին այն զարգացման ճանապարհին, որը համապատասխանում է նրա ազգային իրողություններին, և դեմ է արտաքին ուժերի միջամտությանը Բելառուսի ներքին գործերին՝ ցանկացած պատրվակով»,-ասել է ՉԺՀ նախագահը:
Սի Ծինփինը նշել է, որ Չինաստանը պատրաստ է Բելառուսի հետ համատեղ բացահայտել տարբեր ոլորտներում համագործակցության ներուժը, ուժեղացնել փոխադարձ քաղաքական վստահությունը, նպաստել չին-բելառուսական հարաբերությունների հետագա զարգացմանը, ավելի շատ օգուտ բերել երկու երկրների ժողովուրդներին:
Լուկաշենկոն իր հերթին հայտարարել է, որ հարաբերությունների մակարդակի պատմական բարձրացումը հզոր ազդակ է հաղորդել ավանդական ուղղությունների խորացմանը, Մինսկի և Պեկինի միջև համագործակցության նոր վեկտորների ու մեխանիզմների մեկնարկին:
«Բելառուսը Չինաստանի համար հուսալի գործընկեր է եղել, կա և կլինի»,-ասել է նա:
Լուկաշենկոյի խոսքով՝ Բելառուսը վաղուց է կողմնորոշվել, որ համագործակցելու և բարեկամանալու է Չինաստանի հետ:
«Այս բարեկամությունն ավելի քան 30 տարեկան է, և այդ ուղուց մենք ոչ մի անգամ չենք շեղվել։ Ո՛չ ձախ, ո՛չ աջ»,- ասել է Բելառուսի նախագահը։
Հիշեցնենք` նախորդ անգամ Լուկաշենկոն Չինաստան էր այցելել այս տարվա փետրվարի 28-ից մարտի 2-ը։ Բելառուսի փոխվարչապետ Նիկոլայ Սնոպկովի գնահատմամբ՝ այցի շրջանակում ձեռք բերված և ձևակերպված պայմանավորվածությունների տնտեսական արդյունքը գերազանցել է 3,5 միլիարդ դոլարը:
Բելառուսի էկոնոմիկայի նախարարության տվյալներով՝ 2022 թվականին բելառուսա-չինական ապրանքաշրջանառությունը հասել է ռեկորդային 5,8 միլիարդ դոլարի։ Դեպի Չինաստան բելառուսական ապրանքների արտահանումը գրեթե կրկնապատկվել է՝ կազմելով 1,6 միլիարդ դոլար:
