https://arm.sputniknews.ru/20231204/hhum-cankanum-en-pvokhel-tankarzheq-metaghneri-u-qareri-pahestarani-tirvojy-69564516.html
ՀՀ–ում ցանկանում են փոխել թանկարժեք մետաղների ու քարերի պահեստարանի «տիրոջը»
ՀՀ–ում ցանկանում են փոխել թանկարժեք մետաղների ու քարերի պահեստարանի «տիրոջը»
Sputnik Արմենիա
Քանի որ ֆինանսների նախարարությունը բյուջեի և պետական պարտքի հետ կապված գործողություններում որևէ կերպ չի օգտագործում թանկարժեք մետաղներն ու քարերը, որոշվել է... 04.12.2023, Sputnik Արմենիա
2023-12-04T12:50+0400
2023-12-04T12:50+0400
2023-12-04T12:54+0400
հայաստան
մետաղ
քար
կենտրոնական բանկ (կբ)
պետական գույքի կառավարման կոմիտե
https://cdn.am.sputniknews.ru/img/2002/38/20023866_0:158:3077:1889_1920x0_80_0_0_2492f19b0b19c2207d5d2525e46bc845.jpg
ԵՐԵՎԱՆ, 4 դեկտեմբերի – Sputnik. ՀՀ թանկարժեք մետաղների և քարերի պետական պահուստի պահպանությունն ուզում են ֆինանսների նախարարությունից փոխանցել այլ գերատեսչությունների։ «Թանկարժեք մետաղների մասին» օրենքում համապատասխան փոփոխությունների նախագիծը հավանության արժանացավ ԱԺ տնտեսական հարցերի հանձնաժողովի նիստում և կներկայացվի լիագումար նիստում։Ֆինանսների փոխնախարար Էդուարդ Հակոբյանը հանձնաժողովում իր ելույթի ժամանակ նշեց, որ ավելի ճիշտ կլինի այդ գործառույթները պատվիրակել պրոֆիլային գերատեսչություններին։ Մետաղների և քարերի այն մասը, որը զուտ շուկայական արժեք է ներկայացնում, առաջարկվում է հանձնել տարածքային կառավարման և ենթակառուցվածքների նախարարության պետական գույքի կառավարման կոմիտեին (որպեսզի դրանք կառավարի այնպես, ինչպես ցանկացած այլ պետական գույք)։ՀՀ բանկերը 2022–ին եկամտի 80%–ը ստացել են ոչ ռեզիդենտների հաշվին․ ԿԲ ղեկավարԱյն փոքր մասը, որը պատմամշակութային արժեք է ներկայացնում, առաջարկվում է փոխանցել ՀՀ կրթության, գիտության, մշակույթի և սպորտի նախարարությանը (քանի որ հիմնականում այդ քարերն օգտագործում են թանգարանային ցուցադրություններում):Նախարարը նաև նշեց, որ պաշարների առաջին մասի (որը զուտ շուկայական արժեք ունի) արժեքը կազմում է մոտ 1,5 մլրդ դրամ, ընդ որում՝ վերջին տարիներին այն չի համալրվել: Պաշարների երկրորդ մասը դժվար է գնահատել, քանի որ բարդ է որոշել դրանց մշակութային արժեքը։Նա հստակեցրեց, որ առաջարկվող փոփոխությունները վերաբերում են ֆինանսների նախարարության պահեստին, ոչ թե ՀՀ կենտրոնական բանկին, որը շարունակում է իր հայեցողությամբ կառավարել իր պաշարները:Նշենք, որ մոտ 20 տարի Հայաստանի միջազգային պահուստներում ոսկի չկա, և ո՛չ ԿԲ–ն, ո՛չ ֆինանսների նախարարությունը որևէ գործողություն չեն իրականացնում թանկարժեք մետաղներով կամ քարերով։Ինչ փուլում է կառավարական թաղամասի ծրագիրը. ՀՀ քաղաքաշինության կոմիտեն պարզաբանում է
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, մետաղ, քար, կենտրոնական բանկ (կբ), պետական գույքի կառավարման կոմիտե
հայաստան, մետաղ, քար, կենտրոնական բանկ (կբ), պետական գույքի կառավարման կոմիտե
ՀՀ–ում ցանկանում են փոխել թանկարժեք մետաղների ու քարերի պահեստարանի «տիրոջը»
12:50 04.12.2023 (Թարմացված է: 12:54 04.12.2023) Քանի որ ֆինանսների նախարարությունը բյուջեի և պետական պարտքի հետ կապված գործողություններում որևէ կերպ չի օգտագործում թանկարժեք մետաղներն ու քարերը, որոշվել է դրանք փոխանցել պետական գույքի կառավարման կոմիտեին, իսկ մշակութային արժեք ունեցող մասը՝ ԿԳՄՍՆ–ին։
ԵՐԵՎԱՆ, 4 դեկտեմբերի – Sputnik. ՀՀ թանկարժեք մետաղների և քարերի պետական պահուստի պահպանությունն ուզում են ֆինանսների նախարարությունից փոխանցել այլ գերատեսչությունների։ «Թանկարժեք մետաղների մասին» օրենքում համապատասխան փոփոխությունների նախագիծը հավանության արժանացավ ԱԺ տնտեսական հարցերի հանձնաժողովի նիստում և կներկայացվի լիագումար նիստում։
Ֆինանսների փոխնախարար Էդուարդ Հակոբյանը հանձնաժողովում իր ելույթի ժամանակ նշեց, որ ավելի ճիշտ կլինի այդ գործառույթները պատվիրակել պրոֆիլային գերատեսչություններին։ Մետաղների և քարերի այն մասը, որը զուտ շուկայական արժեք է ներկայացնում, առաջարկվում է հանձնել տարածքային կառավարման և ենթակառուցվածքների նախարարության պետական գույքի կառավարման կոմիտեին (որպեսզի դրանք կառավարի այնպես, ինչպես ցանկացած այլ պետական գույք)։
Այն փոքր մասը, որը պատմամշակութային արժեք է ներկայացնում, առաջարկվում է փոխանցել ՀՀ կրթության, գիտության, մշակույթի և սպորտի նախարարությանը (քանի որ հիմնականում այդ քարերն օգտագործում են թանգարանային ցուցադրություններում):
Նախարարը նաև նշեց, որ պաշարների առաջին մասի (որը զուտ շուկայական արժեք ունի) արժեքը կազմում է մոտ 1,5 մլրդ դրամ, ընդ որում՝ վերջին տարիներին այն չի համալրվել: Պաշարների երկրորդ մասը դժվար է գնահատել, քանի որ բարդ է որոշել դրանց մշակութային արժեքը։
Նա հստակեցրեց, որ առաջարկվող փոփոխությունները վերաբերում են ֆինանսների նախարարության պահեստին, ոչ թե ՀՀ կենտրոնական բանկին, որը շարունակում է իր հայեցողությամբ կառավարել իր պաշարները:
Նշենք, որ մոտ 20 տարի Հայաստանի միջազգային պահուստներում ոսկի չկա, և ո՛չ ԿԲ–ն, ո՛չ ֆինանսների նախարարությունը որևէ գործողություն չեն իրականացնում թանկարժեք մետաղներով կամ քարերով։
