https://arm.sputniknews.ru/20231204/hajaqve-nakhagtsi-yndunumy-pakelu-e-adrbejani-het-khaghaghutjan-tshanaparhy-qp-patgamavvor-69566670.html
«ՀայաՔվեի» ընդունումը փակելու է Ադրբեջանի հետ խաղաղության ճանապարհը. ՔՊ–ական պատգամավոր
«ՀայաՔվեի» ընդունումը փակելու է Ադրբեջանի հետ խաղաղության ճանապարհը. ՔՊ–ական պատգամավոր
Sputnik Արմենիա
Գևորգ Պապոյանի խոսքով` «ՀայաՔվեի» նման նախագծեր ընդունելու, փաստաթղթավորելու դեպքում Հայաստանի համար չի կարող գալ լավ ժամանակ։ 04.12.2023, Sputnik Արմենիա
2023-12-04T13:31+0400
2023-12-04T13:31+0400
2023-12-04T13:38+0400
հայաստան
գևորգ պապոյան
«ազատ արցախ հայաքվե» նախաձեռնություն
արծվիկ մինասյան
https://cdn.am.sputniknews.ru/img/07e7/0b/02/68120770_0:83:1600:983_1920x0_80_0_0_d3deeae78494ff0c04745a1f74dab08a.jpg
ԵՐԵՎԱՆ, 4 դեկտեմբերի – Sputnik. «ՀայաՔվե» նախագիծն ընդունելու, փաստաթղթավորելու արդյունքն ուղղակիորեն փակելու է խաղաղության ճանապարհը և Ադրբեջանին հնարավորություն է տալու միջազգային հանրության մոտ հիմնավորելու ՀՀ–ի դեմ հերթական ագրեսիան։ ՀՀ ազգային ժողովի պետական-իրավական հարցերի հանձնաժողովի նիստում այս հայտարարությունն արեց «Քաղաքացիական պայմանագիր» խմբակցության անդամ Գևորգ Պապոյանը` ներկայացնելով իշխող ուժի տեսակետը։ՀՀ ԱԺ «Հայաստան» խմբակցության անդամ Արծվիկ Մինասյանը հանձնաժողովի նիստում մանրամասն ներկայացրեց օրենքի նախագծով առաջարկվող փոփոխությունները։ Իշխող ուժի մի շարք ներկայացուցիչների հետ բանավիճելուց հետո Մինասյանը հարց բարձրացրեց` արդյոք «Քաղաքացիական պայմանագիր» խմբակցությունն Արցախի ինքնորոշման իրավունքի պաշտպանության դիրքերո՞ւմ է, թե՞ ոչ։Նա ընդգծեց, որ եթե ՔՊ–ն կողմ չէ «ՀայաՔվե» նախագծին, թող առաջարկի իր տարբերակը, ինչպես գրված է ՔՊ–ի նախընտրական խոստման մեջ։Պապոյանը հարց ուղղեց Մինասյանին, թե նախաձեռնությունն ընդունելու արդյունքում ինչ տեղի կունենա. Ադրբեջանի հետ խաղաղության պայմանագիր կնքելու հավանականությունը կմեծանա՞, թե՞ Ադրբեջանի կողմից Հայաստանի հանդեպ նոր պատերազմի հավանականությունը կավելանա։Մինասյանն արձագանքեց, որ «ՀայաՔվեն» բացարձակ կապ չունի խաղաղության կամ պատերազմի հետ։ Նախագծի հիմնական նպատակը Արցախի հարցում հայ ժողովրդի միասնականության, ներքին համախմբման մեխանիզմների ստեղծման գաղափարն է։Նրա խոսքով` երբ գան լավ ժամանակներ, Հայաստանը հնարավորություն ունենա ազատագրելու իր հայրենիքը, այդ ժամանակ Արցախի ճանապարհը փակ չլինի։Նա հարցրեց` իրենք իրավունք ունե՞ն այնպիսի որոշումներ կայացնելու, որոնց հետևանքով երկրի գլխին հերթական փորձանքը բերեն։ Պապոյանն ընդգծեց, որ հայոց պատմության ընթացքում էմոցիոնալ որոշումները միշտ հանգեցրել են մահվան, հայրենազրկման և պետություն կորցնելու. այժմ ռացիոնալ որոշումներ կայացնելու ժամանակն է։Հիշեցնենք` «ՀայաՔվե» նախաձեռնության օրենքի նախագիծը խիստ պատիժ է նախատեսում Լեռնային Ղարաբաղի ինքնորոշումից հրաժարվելու և Հայոց ցեղասպանության նշանակությունը նսեմացնելու համար:ՀՀ կենտրոնական ընտրական հանձնաժողովը սեպտեմբերի 29-ին հաստատեց նախաձեռնության ներկայացրած ստորագրությունների վավերականությունը։ Նախաձեռնող խումբը ստորագրությունների հավաքման համար ուներ 60 օր՝ հունիսի 21–ից օգոստոսի 19–ը ներառյալ, բայց «ՀայաՔվեի» ստորագրահավաքն ավարտվեց օգոստոսի 5–ին, քանի որ արդեն իսկ հավաքվել էր 58 հազար ստորագրություն։«ՀայաՔվե» նախաձեռնությունը օրենքի նախագիծը հոկտեմբեր 11-ին հանձնեց ԱԺ։ Այն պետք է ընդունվի պատգամավորների ձայների մեծամասնությամբ:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, գևորգ պապոյան, «ազատ արցախ հայաքվե» նախաձեռնություն, արծվիկ մինասյան
հայաստան, գևորգ պապոյան, «ազատ արցախ հայաքվե» նախաձեռնություն, արծվիկ մինասյան
«ՀայաՔվեի» ընդունումը փակելու է Ադրբեջանի հետ խաղաղության ճանապարհը. ՔՊ–ական պատգամավոր
13:31 04.12.2023 (Թարմացված է: 13:38 04.12.2023) Գևորգ Պապոյանի խոսքով` «ՀայաՔվեի» նման նախագծեր ընդունելու, փաստաթղթավորելու դեպքում Հայաստանի համար չի կարող գալ լավ ժամանակ։
ԵՐԵՎԱՆ, 4 դեկտեմբերի – Sputnik. «ՀայաՔվե» նախագիծն ընդունելու, փաստաթղթավորելու արդյունքն ուղղակիորեն փակելու է խաղաղության ճանապարհը և Ադրբեջանին հնարավորություն է տալու միջազգային հանրության մոտ հիմնավորելու ՀՀ–ի դեմ հերթական ագրեսիան։ ՀՀ ազգային ժողովի պետական-իրավական հարցերի հանձնաժողովի նիստում այս հայտարարությունն արեց «Քաղաքացիական պայմանագիր» խմբակցության անդամ Գևորգ Պապոյանը` ներկայացնելով իշխող ուժի տեսակետը։
ՀՀ ԱԺ «Հայաստան» խմբակցության անդամ Արծվիկ Մինասյանը հանձնաժողովի նիստում մանրամասն ներկայացրեց օրենքի նախագծով առաջարկվող փոփոխությունները։ Իշխող ուժի մի շարք ներկայացուցիչների հետ բանավիճելուց հետո Մինասյանը հարց բարձրացրեց` արդյոք «Քաղաքացիական պայմանագիր» խմբակցությունն Արցախի ինքնորոշման իրավունքի պաշտպանության դիրքերո՞ւմ է, թե՞ ոչ։
Նա ընդգծեց, որ եթե ՔՊ–ն կողմ չէ «ՀայաՔվե» նախագծին, թող առաջարկի իր տարբերակը, ինչպես գրված է ՔՊ–ի նախընտրական խոստման մեջ։
Պապոյանը հարց ուղղեց Մինասյանին, թե նախաձեռնությունն ընդունելու արդյունքում ինչ տեղի կունենա. Ադրբեջանի հետ խաղաղության պայմանագիր կնքելու հավանականությունը կմեծանա՞, թե՞ Ադրբեջանի կողմից Հայաստանի հանդեպ նոր պատերազմի հավանականությունը կավելանա։
Մինասյանն արձագանքեց, որ «ՀայաՔվեն» բացարձակ կապ չունի խաղաղության կամ պատերազմի հետ։ Նախագծի հիմնական նպատակը Արցախի հարցում հայ ժողովրդի միասնականության, ներքին համախմբման մեխանիզմների ստեղծման գաղափարն է։
Նրա խոսքով` երբ գան լավ ժամանակներ, Հայաստանը հնարավորություն ունենա ազատագրելու իր հայրենիքը, այդ ժամանակ Արցախի ճանապարհը փակ չլինի։
«Դուք ասում եք` կգա լավ ժամանակ։ Այսպիսի նախագծեր ընդունելու, փաստաթղթավորելու դեպքում չի կարող գալ լավ ժամանակ, միանգամից գալու են վատ ժամանակները։ Չի կարելի այնպիսի դոկտրին ընդունել, որով դու քեզ հայտարարում ես բոլորին թշնամի, բոլորին` քո թշնամի։ Եկեք ուրիշ տեսանկյունից նայենք։ Ինչ–որ երրորդ պետություն ընդունում է օրենք, որով Հայաստանի մարզերից մեկը ճանաչում է իր անբաժանելի մասը։ Մենք երբևէ այդ պետության որոշման հետ կհաշտվե՞նք, թե՞ ոչ։ Բնականաբար, այնպես պետք է անենք, որ այդ պետությունն իր որոշումը չեղարկի հոժարակամ կամ ոչ հոժարակամ»,– ասաց Պապոյանը։
Նա հարցրեց` իրենք իրավունք ունե՞ն այնպիսի որոշումներ կայացնելու, որոնց հետևանքով երկրի գլխին հերթական փորձանքը բերեն։ Պապոյանն ընդգծեց, որ հայոց պատմության ընթացքում էմոցիոնալ որոշումները միշտ հանգեցրել են մահվան, հայրենազրկման և պետություն կորցնելու. այժմ ռացիոնալ որոշումներ կայացնելու ժամանակն է։
Հիշեցնենք` «ՀայաՔվե» նախաձեռնության օրենքի նախագիծը
խիստ պատիժ է նախատեսում Լեռնային Ղարաբաղի ինքնորոշումից հրաժարվելու և Հայոց ցեղասպանության նշանակությունը նսեմացնելու համար:
ՀՀ
կենտրոնական ընտրական հանձնաժողովը սեպտեմբերի 29-ին հաստատեց նախաձեռնության ներկայացրած ստորագրությունների վավերականությունը։ Նախաձեռնող խումբը ստորագրությունների հավաքման համար ուներ 60 օր՝ հունիսի 21–ից օգոստոսի 19–ը ներառյալ, բայց «ՀայաՔվեի» ստորագրահավաքն ավարտվեց օգոստոսի 5–ին, քանի որ արդեն իսկ հավաքվել էր 58 հազար ստորագրություն։
«ՀայաՔվե» նախաձեռնությունը
օրենքի նախագիծը հոկտեմբեր 11-ին հանձնեց ԱԺ։ Այն պետք է ընդունվի պատգամավորների ձայների մեծամասնությամբ:
