https://arm.sputniknews.ru/20231202/69495306.html
Լուրեր
Լուրեր
Sputnik Արմենիա
Այս ժամի լրահոսից տեղեկանում ենք՝ 02.12.2023, Sputnik Արմենիա
2023-12-02T09:00+0400
2023-12-02T09:00+0400
2023-12-02T09:17+0400
sputnik արմենիա ռադիոկայան
https://cdn.am.sputniknews.ru/img/07e7/0c/02/69495423_0:0:962:541_1920x0_80_0_0_d7b506cb70ad9bbb26ad2f9fe5d4fd07.jpg
Լուրեր
Sputnik Արմենիա
Լուրեր
▪️ Հայկական արտադրության «Հայասաթ-1» արբանյակը տիեզերքում է։ Այն Երկրի ուղեծիր է ուղարկվել SpaceX ընկերության Falcon-9 հրթիռով։ «Հայասաթ-1»–ը ստեղծել են «Բազումք» տիեզերական հետազոտությունների լաբորատորիան և Գիտական նորարարության և կրթության կենտրոնը: ▪️ Սկոպյեյում կայացել է ՀՀ ԱԳ նախարարի և ԵԱՀԿ Գլխավոր քարտուղարի հանդիպումը։ Անդրադառնալով Հարավային Կովկասում անվտանգային հարցերին՝ Արարատ Միրզոյանը Հելգա Շմիդին ասել է, որ Ադրբեջանը, խախտելով ԵԱՀԿ Հելսինկյան եզրափակիչ ակտի հիմնարար սկզբունքները, ոչ միայն Լեռնային Ղարաբաղը ենթարկեց ամբողջական էթնիկ զտման, այլև շարունակում է հարվածի տակ դնել տարածաշրջանում կայունության հաստատմանն ուղղված միջազգային միջնորդների ջանքերը։ ▪️ Հայաստանի ներկայացուցիչը ելույթ է ունեցել Հաագայում Քիմիական զենքի արգելման կազմակերպության մասնակից երկրների խորհրդաժողովում: Հայաստանը հաստատել է իր հավատարմությունը քիմիական զենքի չտարածման ծրագրին։ Քիմիական զենքի արգելման մասին կոնվենցիան ուժի մեջ է մտել 1997 թվականի ապրիլի 29-ին։ ▪️ Արա Ֆիդանյանը նշանակվել է Ներքին Գործերի Նախարարության գլխավոր քարտուղար։ Ֆիդանյանին փոխոստիկանապետ էր նշանակվել 2020 թվականի սեպտեմբերի 2-ին։ ▪️ Նախագահ Պուտինը հրամանագիր է ստորագրել Ռուսաստանի Դաշնության զինված ուժերի հաստիքային թվաքանակը սահմանել 2 միլիոն 209 հազար 130 միավոր, որից 1 միլիոն 320 հազարը զինծառայողներ են: Նա կարգադրել է նաև Ռուսաստանի կառավարությանը դաշնային բյուջեից միջոցներ հատկացնել պաշտպանության նախարարությանը: ▪️ Հայաստանում առաջին անգամ հայտնաբերվել է կորոնավիրուսի «օմիկրոն» շտամի Պիրոլա տարբերակն ու նրա ճյուղը: Այժմ ուսումնասիրում են դրա հնարավոր ազդեցությունը հանրային առողջության վրա: Առայժմ հայտնի է, որ Պիրոլայի հետևանքով հոսպիտալացումները չեն ավելացել: Անցնող շաբաթվա ընթացքում Հայաստանում արձանագրվել է կորոնավիրուսի 71 դեպք, ինչը 38-ով պակաս է անցած տարվա նույն ժամանակահատվածի ցուցանիշից: ▪️ Հայ Առաքելական եկեղեցին այսօր նշում է հայոց առաջին լուսավորիչներ Սուրբ Թադեոս և Բարդուղիմեոս առաքյալների հիշատակության տոնը: Այդ առիթով Էջմիածնի գանձատնից դուրս կբերվի Սուրբ Գեղարդը։ Այն ժամանակավորապես կդրվի Մայր Աթոռի Սուրբ Հովհաննես Մկրտիչ և Սուրբ Վարդան մատուռ - մկրտարանում: Մինչև երեկոյան ժամերգությունը հավատացյալները հնարավորություն կունենան մոտենալու սուրբ մասունիքն և ստանալու հրաշագործ Գեղարդից բաշխվող օրհնությունը։ ▪️ Բռնցքամարտի պատանիների ավագ տարիքի աշխարհի առաջնության կիսաեզրափակիչ մենամարտերում Հայաստանի հավաքականը պատմական արդյունքի է հասել․ 10 բռնցքամարտիկներից ինը անցել են եզրափակիչ փուլ։ Առաջնությունը կավարտվի դեկտեմբերի 4-ին։ ▪️ Շախմատի համաշխարհային ֆեդերացիայի կայքում հրապարակված ՖԻԴԵ-ի թարմացված վարկանիշի առաջին հարյուրյակում ընդգրկված են չորս հայ շախմատիստներ։ Հայաստանի ներկայացուցիչներից լավագույն արդյունքն ունի Հայկ Մարտիրոսյանը․ նա 54-րդն է: Գաբրիել Սարգսյանը 61-րդն է, Սամվել Տեր-Սահակյանը՝ 97-րդը, 100-յակը եզրափակում է Հրանտ Մելքումյանը: ՖԻԴԵ-ի կանանց աղյուսակում լավագույն արդյունքն ունի Էլինա Դանիելյանը․ նա 56-րդն է: Լիլիթ Մկրտչյանը 75-րդն է, Աննա Սարգսյանը՝ 85-րդը։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
аудио, sputnik արմենիա ռադիոկայան
аудио, sputnik արմենիա ռադիոկայան
Լուրեր
09:00 02.12.2023 (Թարմացված է: 09:17 02.12.2023) Այս ժամի լրահոսից տեղեկանում ենք՝
▪️ Հայկական արտադրության «Հայասաթ-1» արբանյակը տիեզերքում է։ Այն Երկրի ուղեծիր է ուղարկվել SpaceX ընկերության Falcon-9 հրթիռով։ «Հայասաթ-1»–ը ստեղծել են «Բազումք» տիեզերական հետազոտությունների լաբորատորիան և Գիտական նորարարության և կրթության կենտրոնը:
▪️ Սկոպյեյում կայացել է ՀՀ ԱԳ նախարարի և ԵԱՀԿ Գլխավոր քարտուղարի հանդիպումը։ Անդրադառնալով Հարավային Կովկասում անվտանգային հարցերին՝ Արարատ Միրզոյանը Հելգա Շմիդին ասել է, որ Ադրբեջանը, խախտելով ԵԱՀԿ Հելսինկյան եզրափակիչ ակտի հիմնարար սկզբունքները, ոչ միայն Լեռնային Ղարաբաղը ենթարկեց ամբողջական էթնիկ զտման, այլև շարունակում է հարվածի տակ դնել տարածաշրջանում կայունության հաստատմանն ուղղված միջազգային միջնորդների ջանքերը։
▪️ Հայաստանի ներկայացուցիչը ելույթ է ունեցել Հաագայում Քիմիական զենքի արգելման կազմակերպության մասնակից երկրների խորհրդաժողովում: Հայաստանը հաստատել է իր հավատարմությունը քիմիական զենքի չտարածման ծրագրին։ Քիմիական զենքի արգելման մասին կոնվենցիան ուժի մեջ է մտել 1997 թվականի ապրիլի 29-ին։
▪️ Արա Ֆիդանյանը նշանակվել է Ներքին Գործերի Նախարարության գլխավոր քարտուղար։ Ֆիդանյանին փոխոստիկանապետ էր նշանակվել 2020 թվականի սեպտեմբերի 2-ին։
▪️ Նախագահ Պուտինը հրամանագիր է ստորագրել Ռուսաստանի Դաշնության զինված ուժերի հաստիքային թվաքանակը սահմանել 2 միլիոն 209 հազար 130 միավոր, որից 1 միլիոն 320 հազարը զինծառայողներ են: Նա կարգադրել է նաև Ռուսաստանի կառավարությանը դաշնային բյուջեից միջոցներ հատկացնել պաշտպանության նախարարությանը:
▪️ Հայաստանում առաջին անգամ հայտնաբերվել է կորոնավիրուսի «օմիկրոն» շտամի Պիրոլա տարբերակն ու նրա ճյուղը: Այժմ ուսումնասիրում են դրա հնարավոր ազդեցությունը հանրային առողջության վրա: Առայժմ հայտնի է, որ Պիրոլայի հետևանքով հոսպիտալացումները չեն ավելացել: Անցնող շաբաթվա ընթացքում Հայաստանում արձանագրվել է կորոնավիրուսի 71 դեպք, ինչը 38-ով պակաս է անցած տարվա նույն ժամանակահատվածի ցուցանիշից:
▪️ Հայ Առաքելական եկեղեցին այսօր նշում է հայոց առաջին լուսավորիչներ Սուրբ Թադեոս և Բարդուղիմեոս առաքյալների հիշատակության տոնը: Այդ առիթով Էջմիածնի գանձատնից դուրս կբերվի Սուրբ Գեղարդը։ Այն ժամանակավորապես կդրվի Մայր Աթոռի Սուրբ Հովհաննես Մկրտիչ և Սուրբ Վարդան մատուռ - մկրտարանում: Մինչև երեկոյան ժամերգությունը հավատացյալները հնարավորություն կունենան մոտենալու սուրբ մասունիքն և ստանալու հրաշագործ Գեղարդից բաշխվող օրհնությունը։
▪️ Բռնցքամարտի պատանիների ավագ տարիքի աշխարհի առաջնության կիսաեզրափակիչ մենամարտերում Հայաստանի հավաքականը պատմական արդյունքի է հասել․ 10 բռնցքամարտիկներից ինը անցել են եզրափակիչ փուլ։ Առաջնությունը կավարտվի դեկտեմբերի 4-ին։
▪️ Շախմատի համաշխարհային ֆեդերացիայի կայքում հրապարակված ՖԻԴԵ-ի թարմացված վարկանիշի առաջին հարյուրյակում ընդգրկված են չորս հայ շախմատիստներ։ Հայաստանի ներկայացուցիչներից լավագույն արդյունքն ունի Հայկ Մարտիրոսյանը․ նա 54-րդն է: Գաբրիել Սարգսյանը 61-րդն է, Սամվել Տեր-Սահակյանը՝ 97-րդը, 100-յակը եզրափակում է Հրանտ Մելքումյանը: ՖԻԴԵ-ի կանանց աղյուսակում լավագույն արդյունքն ունի Էլինա Դանիելյանը․ նա 56-րդն է: Լիլիթ Մկրտչյանը 75-րդն է, Աննա Սարգսյանը՝ 85-րդը։
