Միրզոյանը Քեմերոնի հետ քննարկել Է հայ-բրիտանական ռազմավարական երկխոսությունը
© Photo : official site of MFA of RA Արարատ Միրզոյան
![Արարատ Միրզոյան Արարատ Միրզոյան - Sputnik Արմենիա, 1920, 30.11.2023](https://cdn.am.sputniknews.ru/img/07e7/0b/16/68985776_0:0:2500:1407_1920x0_80_0_0_51a160ec4743a6987cb7e895743fe2ba.jpg)
Արարատ Միրզոյան. Արխիվային լուսանկար
© Photo : official site of MFA of RA
Բաժանորդագրվել
Հանդիպումը կայացել է Սկոպյեում (Հյուսիսային Մակեդոնիա) ԵԱՀԿ ԱԳՆԽ 30-րդ նստաշրջանի շրջանակներում:
ԵՐԵՎԱՆ, 30 նոյեմբերի - Sputnik. ՀՀ ԱԳ նախարար Արարատ Միրզոյանը Մեծ Բրիտանիայի իր գործընկեր Դևվիդ Քեմերոնի հետ քննարկել է վերջերս մեկնարկած հայ-բրիտանական ռազմավարական երկխոսությունը։ Այդ մասին Միրզոյանը հայտնել է X-ում։
On the sidelines of @OSCE 30th Ministerial Council exchanged w/@FCDOGovUK @David_Cameron on our bilateral relations; we have just recently launched 🇦🇲🇬🇧Strategic dialogue. Touched upon regional topics, developments in #SouthCaucasus. pic.twitter.com/WrtyM4HnaP
— Ararat Mirzoyan (@AraratMirzoyan) November 30, 2023
Հանդիպումը կայացել է Սկոպյեում (Հյուսիսային Մակեդոնիա) ԵԱՀԿ ԱԳՆԽ 30-րդ նստաշրջանի շրջանակներում:
«Մեծ Բրիտանիայի ԱԳ նախարար Դևիդ Քեմերոնի հետ մտքեր փոխանակեցինք մեր երկկողմ հարաբերությունների վերաբերյալ, քննարկեցինք վերջերս սկսված ռազմավարական երկխոսությունը։ Անդրադարձ է կատարվել տարածաշրջանային թեմաներին, Հարավային Կովկասում տեղի ունեցող իրադարձություններին», - ասված է հաղորդագրության մեջ:
Հիշեցնենք, որ նոյեմբերի 13-ին ՀՀ ԱԳ նախարար Արարատ Միրզոյանը և Մեծ Բրիտանիայի Եվրոպայի հարցերով նախարար Լեո Դոքերթին հայտարարել են երկու երկրների միջև ռազմավարական երկխոսության մեկնարկի մասին: Լոնդոն կատարած այցի ընթացքում հայ նախարարը ստորագրել է մի փաստաթուղթ, որը ներառում է փոխգործակցություն այնպիսի ոլորտներում, ինչպիսիք են ժողովրդավարական բարեփոխումները, պաշտպանությունը և անվտանգությունը, միգրացիան և սահմանների վերահսկողությունը, առևտուրը:
Նշենք, որ Սկոպյե այցի շրջանակներում ՀՀ ԱԳ նախարար Արարատ Միրզոյանը կմասնակցի ԵԱՀԿ ԱԳՆԽ նստաշրջանին, ինչպես նաև մի շարք երկկողմ հանդիպումներ կունենա։