https://arm.sputniknews.ru/20231130/irani-varchapeti-khvosqeric-hetvo-israjely-het-e-kanchel-ir-despanin-69432660.html
Իսպանիայի վարչապետի խոսքերից հետո Իսրայելը հետ է կանչել իր դեսպանին
Իսպանիայի վարչապետի խոսքերից հետո Իսրայելը հետ է կանչել իր դեսպանին
Sputnik Արմենիա
Իսրայելի ԱԳՆ ղեկավարը կարծում է, որ Իսպանիայի վարչապետը Թել Ավիվի հասցեին անհիմն մեղադրանքներ է հնչեցրել։ 30.11.2023, Sputnik Արմենիա
2023-11-30T20:12+0400
2023-11-30T20:12+0400
2023-12-01T09:13+0400
իսրայել
իսպանիա
դեսպան
https://cdn.am.sputniknews.ru/img/633/15/6331519_0:30:2795:1602_1920x0_80_0_0_ecf12eb81a68854833446c2b78da8b2c.jpg
ԵՐԵՎԱՆ, 30 նոյեմբերի – Sputnik. Իսպանիայի վարչապետ Պեդրո Սանչեսի՝ Գազայի հատվածում հակամարտության մասին հայտարարություններից հետոԻսրայելը խորհրդակցությունների համար հետ է կանչել Մադրիդում իր դեսպանին։Ավելի վաղ Սանչեսը TVE հեռուստաալիքին տված հարցազրույցում ասել էր` հաշվի առնելով Գազայում զոհված քաղաքացիական անձանց թիվը, կասկածներ կան Իսրայելի կողմից միջազգային մարդասիրական իրավունքի պահպանման հարցում: Սանչեսը խոսել էր նաև Պաղեստինը որպես պետություն ճանաչելու մասին և ասել, որ եթե Իսպանիան դեռ չի արել դա, ապա միայն այն պատճառով, որ սպասում է, թե երբ այդ որոշումը կկայացվի Եվրամիության կողմից:Վարչապետ Բենիամին Նեթանյահուն ավելի վաղ հանձնարարել էր արտգործնախարարին կանչել Իսրայելում Իսպանիայի դեսպանին՝ Սանչեսի արտահայտությունների հետ կապված բացատրական զրույցի համար:Անցյալ շաբաթ Եգիպտոս կատարած այցի ժամանակ Սանչեսը հայտարարել էր, որ Գազայում ժամանակավոր հրադադարը բավարար չէ, ուստի անհրաժեշտ է մշտական հումանիտար համաձայնության գալ:Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին։Իսրայելը և Գազայի հատվածում իշխող պաղեստինյան ՀԱՄԱՍ շարժումը Կատարի միջնորդությամբ նոյեմբերի 22-ին ձեռք բերեցին հակամարտության սրացումից ի վեր առաջին մասշտաբային պայմանավորվածությունը. կողմերը համաձայնեցին չորս օրով դադարեցնել ռազմական գործողությունները` միմյանց մոտ գտնվող տասնյակ պատանդների և ձերբակալվածների փոխանակման համար: Ավելի ուշ հրադադարը երկարաձգվեց մինչև նոյեմբերի 30-ը։Բլինկենն ու Նեթանյահուն քննարկել են պատանդներին ազատելու ջանքերը
իսրայել
իսպանիա
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
իսրայել, իսպանիա, դեսպան
Իսպանիայի վարչապետի խոսքերից հետո Իսրայելը հետ է կանչել իր դեսպանին
20:12 30.11.2023 (Թարմացված է: 09:13 01.12.2023) Իսրայելի ԱԳՆ ղեկավարը կարծում է, որ Իսպանիայի վարչապետը Թել Ավիվի հասցեին անհիմն մեղադրանքներ է հնչեցրել։
ԵՐԵՎԱՆ, 30 նոյեմբերի – Sputnik. Իսպանիայի վարչապետ Պեդրո Սանչեսի՝ Գազայի հատվածում հակամարտության մասին հայտարարություններից հետոԻսրայելը խորհրդակցությունների համար հետ է կանչել Մադրիդում իր դեսպանին։
Ավելի վաղ Սանչեսը TVE հեռուստաալիքին տված հարցազրույցում ասել էր` հաշվի առնելով Գազայում զոհված քաղաքացիական անձանց թիվը, կասկածներ կան Իսրայելի կողմից միջազգային մարդասիրական իրավունքի պահպանման հարցում: Սանչեսը խոսել էր նաև Պաղեստինը որպես պետություն ճանաչելու մասին և ասել, որ եթե Իսպանիան դեռ չի արել դա, ապա միայն այն պատճառով, որ սպասում է, թե երբ այդ որոշումը կկայացվի Եվրամիության կողմից:
«Իսպանիայի վարչապետի ասածից հետո, որը կրկնում է անհիմն մեղադրանքները, որոշեցի զանգել Իսպանիայում Իսրայելի դեսպանին և խորհրդակցությունների համար հետ կանչել նրան Երուսաղեմ։ Իսրայելը գործում է և գործելու է միջազգային իրավունքին համապատասխան, և մենք կշարունակենք պատերազմը մինչև բոլոր առևանգվածների ազատ արձակումը և Գազայի հատվածում ՀԱՄԱՍ-ի վերացումը», - գրել է Իսրայելի արտգործնախարար Էլի Քոհենը X սոցիալական ցանցում:
Վարչապետ Բենիամին Նեթանյահուն ավելի վաղ հանձնարարել էր արտգործնախարարին կանչել Իսրայելում Իսպանիայի դեսպանին՝ Սանչեսի արտահայտությունների հետ կապված բացատրական զրույցի համար:
Անցյալ շաբաթ Եգիպտոս կատարած այցի ժամանակ Սանչեսը հայտարարել էր, որ Գազայում ժամանակավոր հրադադարը բավարար չէ, ուստի անհրաժեշտ է մշտական հումանիտար համաձայնության գալ:
Հիշեցնենք` հոկտեմբերի 7-ի առավոտյան
Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին։
Իսրայելը և Գազայի հատվածում իշխող պաղեստինյան ՀԱՄԱՍ շարժումը Կատարի միջնորդությամբ նոյեմբերի 22-ին ձեռք բերեցին հակամարտության սրացումից ի վեր առաջին մասշտաբային պայմանավորվածությունը. կողմերը համաձայնեցին չորս օրով դադարեցնել ռազմական գործողությունները` միմյանց մոտ գտնվող տասնյակ պատանդների և ձերբակալվածների փոխանակման համար: Ավելի ուշ հրադադարը երկարաձգվեց մինչև նոյեմբերի 30-ը։
