https://arm.sputniknews.ru/20231130/harcy-bac-e-petq-che-verjaket-dnel-hvovhannisjany-bnutjan-mej-nvor-tarreri-vorvonman-masin-69421624.html
Հարցը բաց է, պետք չէ վերջակետ դնել. Հովհաննիսյանը՝ բնության մեջ նոր տարրերի որոնման մասին
Հարցը բաց է, պետք չէ վերջակետ դնել. Հովհաննիսյանը՝ բնության մեջ նոր տարրերի որոնման մասին
Sputnik Արմենիա
Յուրի Հովհաննիսյանը համաշխարհային ճանաչում է ձեռք բերել Մենդելեևի աղյուսակի նոր տարրերի սինթեզի և հատկությունների ուսումնասիրության շնորհիվ: 30.11.2023, Sputnik Արմենիա
2023-11-30T16:38+0400
2023-11-30T16:38+0400
2023-11-30T16:38+0400
գիտնական
դմիտրի մենդելեև
մենդելեևի պարբերական աղյուսակ
յուրի հովհաննիսյան
https://cdn.am.sputniknews.ru/img/1916/89/19168976_0:134:1601:1034_1920x0_80_0_0_ab808a18a206d471c327791ddc3ce70f.jpg
ԵՐԵՎԱՆ, 30 նոյեմբերի – Sputnik. Ռուս գիտնականները շարունակում են նոր տարրերի որոնումները, որոնք կարող են համալրել Մենդելեևի պարբերական աղյուսակը։ Այս մասին հայտարարել է ռուսաստանցի անվանի ֆիզիկոս, Միջուկային հետազոտությունների միացյալ ինստիտուտի (ՄՀՄԻ) Գ․Ն․ Ֆլյորովի անվան միջուկային ռեակցիաների լաբորատորիայի գիտական ղեկավար Յուրի Հովհաննիսյանը երիտասարդ գիտնականների 3-րդ կոնգրեսի «Բաց խոսափողի» նստաշրջանում:Երիտասարդ գիտնականների կոնգրեսն անցկացվում է նոյեմբերի 24-30-ը «Սիրիուս» դաշնային տարածքում (Կրասնոդարի երկրամաս):Սա, նրա խոսքով, վկայում է գիտնականների օգտագործած մեթոդների անբավարար արդյունավետության մասին։ Ներկայում գիտնականները հասել են զգայունության ստորին շեմին՝ ուրանի զանգվածից 23 կարգ պակաս։ Արդյունքներ դեռ չկան, բայց փորձերը շարունակվում են։Համագումարի մասնակիցների հարցերից մի քանիսը վերաբերում էին ոչ միայն գիտական աշխատանքին, այլև գիտնականի անձին, հասարակության մեջ և ժամանակակից աշխարհում նրա տեղին:Ակադեմիկոս Յուրի Հովհաննիսյանը Սբերբանկի գիտական մրցանակին է արժանացել«Յուրաքանչյուր մարդ գիտնական առաջին հերթին հասարակության անդամ է։ Գիտնականը համապատասխանում է այն հասարակությանը, որում նա ապրում է: Ե՛վ մտքով, և՛ հոգով, և՛ գործով: Եվ այն խնդիրները, որոնց նա բախվում է այս հասարակության ներսում, ոչնչով չեն տարբերվում այն խնդիրներից, որոնք ստիպված են լուծել գիտական գործունեությունից հեռու քաղաքացիները: Ինձ թվում է` գիտնականը միշտ կարծում է, որ ինքը քիչ միջոցներ ունի և ավելի շատ է պետք: Գուցե և դա լավ է: Այսինքն՝ նա ավելի լայն է մտածում»,-նկատել է անվանի ֆիզիկոսը։Հովհաննիսյանը համաշխարհային ճանաչում է ձեռք բերել Մենդելեևի աղյուսակի նոր տարրերի սինթեզի և դրանց հատկությունների ուսումնասիրության շնորհիվ։Նրա ղեկավարությամբ առաջին անգամ սինթեզվել են 113-ից 118 ատոմային համարներով քիմիական տարրերը։ Նա ներկայում միակ ողջ մարդն է աշխարհում, որի անունով Մենդելեևի աղյուսակի տարր է կոչվել՝ Og 118 (Օգանեսոն) տարրը։ Գիտնականը դարձել է Մենդելեևի անվան ՅՈւՆԵՍԿՕ-Ռուսաստան միջազգային մրցանակի առաջին դափնեկիրը: Նա նաև հիմնել է Oganesson մրցանակը ՝ ի աջակցություն գիտնականների և գիտությունը մասսայականացնողների։Ուրախ եմ, որ ամուր կապ եք պահպանում Հայաստանի հետ. վարչապետը` Յուրի ՀովհաննիսյանինԵրիտասարդ գիտնականների կոնգրեսը Գիտության և տեխնոլոգիաների տասնամյակի առանցքային իրադարձություն է։ Տասնամյակը հայտարարվել է Ռուսաստանի Դաշնության նախագահի հրամանագրով՝ հասարակության և երկրի զարգացման կարևորագույն խնդիրների լուծման գործում գիտության և տեխնոլոգիաների դերի ամրապնդման համար: Կոնգրեսը հանդես է գալիս որպես առաջատար և հիմնային գիտության, պետական իշխանության և տնտեսության իրական հատվածի երկխոսության ամենամեծ հարթակ և սահմանում է Ռուսաստանի գիտական և տեխնոլոգիական զարգացման հիմնական վեկտորները:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գիտնական, դմիտրի մենդելեև, մենդելեևի պարբերական աղյուսակ, յուրի հովհաննիսյան
գիտնական, դմիտրի մենդելեև, մենդելեևի պարբերական աղյուսակ, յուրի հովհաննիսյան
Հարցը բաց է, պետք չէ վերջակետ դնել. Հովհաննիսյանը՝ բնության մեջ նոր տարրերի որոնման մասին
Յուրի Հովհաննիսյանը համաշխարհային ճանաչում է ձեռք բերել Մենդելեևի աղյուսակի նոր տարրերի սինթեզի և հատկությունների ուսումնասիրության շնորհիվ:
ԵՐԵՎԱՆ, 30 նոյեմբերի – Sputnik. Ռուս գիտնականները շարունակում են նոր տարրերի որոնումները, որոնք կարող են համալրել Մենդելեևի պարբերական աղյուսակը։ Այս մասին հայտարարել է ռուսաստանցի անվանի ֆիզիկոս, Միջուկային հետազոտությունների միացյալ ինստիտուտի (ՄՀՄԻ) Գ․Ն․ Ֆլյորովի անվան միջուկային ռեակցիաների լաբորատորիայի գիտական ղեկավար Յուրի Հովհաննիսյանը երիտասարդ գիտնականների 3-րդ կոնգրեսի «Բաց խոսափողի» նստաշրջանում:
Երիտասարդ գիտնականների կոնգրեսն անցկացվում է նոյեմբերի 24-30-ը «Սիրիուս» դաշնային տարածքում (Կրասնոդարի երկրամաս):
«Կոնգրեսի նստաշրջանին առցանց միանալուց անմիջապես առաջ ես մասնակցում էի գիտական խորհրդի աշխատանքներին, որի ժամանակ հարց բարձրացվեց, թե ինչպես ենք մենք հետագայում բնության մեջ փնտրելու ծանր տարրերը: Այնպես որ, հարցը բաց է, պետք չէ վերջակետ դնել։ Սպասեք: Այն, որ բնության մեջ նոր տարրեր չենք կարողանում գտնել, խոսում է այն մասին, որ վատ ենք փնտրել»,-ընդգծել է գիտնականը՝ առցանց ռեժիմով պատասխանելով կոնգրեսի մասնակիցների հարցերին:
Սա, նրա խոսքով, վկայում է գիտնականների օգտագործած մեթոդների անբավարար արդյունավետության մասին։ Ներկայում գիտնականները հասել են զգայունության ստորին շեմին՝ ուրանի զանգվածից 23 կարգ պակաս։ Արդյունքներ դեռ չկան, բայց փորձերը շարունակվում են։
Համագումարի մասնակիցների հարցերից մի քանիսը վերաբերում էին ոչ միայն գիտական աշխատանքին, այլև գիտնականի անձին, հասարակության մեջ և ժամանակակից աշխարհում նրա տեղին:
«Յուրաքանչյուր մարդ գիտնական առաջին հերթին հասարակության անդամ է։ Գիտնականը համապատասխանում է այն հասարակությանը, որում նա ապրում է: Ե՛վ մտքով, և՛ հոգով, և՛ գործով: Եվ այն խնդիրները, որոնց նա բախվում է այս հասարակության ներսում, ոչնչով չեն տարբերվում այն խնդիրներից, որոնք ստիպված են լուծել գիտական գործունեությունից հեռու քաղաքացիները: Ինձ թվում է` գիտնականը միշտ կարծում է, որ ինքը քիչ միջոցներ ունի և ավելի շատ է պետք: Գուցե և դա լավ է: Այսինքն՝ նա ավելի լայն է մտածում»,-նկատել է անվանի ֆիզիկոսը։
Հովհաննիսյանը համաշխարհային ճանաչում է ձեռք բերել Մենդելեևի աղյուսակի նոր տարրերի սինթեզի և դրանց հատկությունների ուսումնասիրության շնորհիվ։
Նրա ղեկավարությամբ առաջին անգամ սինթեզվել են 113-ից 118 ատոմային համարներով քիմիական տարրերը։ Նա ներկայում միակ ողջ մարդն է աշխարհում, որի անունով Մենդելեևի աղյուսակի տարր է կոչվել՝ Og 118 (Օգանեսոն) տարրը։ Գիտնականը դարձել է Մենդելեևի անվան ՅՈւՆԵՍԿՕ-Ռուսաստան միջազգային մրցանակի առաջին դափնեկիրը: Նա նաև հիմնել է Oganesson մրցանակը ՝ ի աջակցություն գիտնականների և գիտությունը մասսայականացնողների։
Երիտասարդ գիտնականների կոնգրեսը Գիտության և տեխնոլոգիաների տասնամյակի առանցքային իրադարձություն է։ Տասնամյակը հայտարարվել է Ռուսաստանի Դաշնության նախագահի հրամանագրով՝ հասարակության և երկրի զարգացման կարևորագույն խնդիրների լուծման գործում գիտության և տեխնոլոգիաների դերի ամրապնդման համար: Կոնգրեսը հանդես է գալիս որպես առաջատար և հիմնային գիտության, պետական իշխանության և տնտեսության իրական հատվածի երկխոսության ամենամեծ հարթակ և սահմանում է Ռուսաստանի գիտական և տեխնոլոգիական զարգացման հիմնական վեկտորները:
