Եվրոպական փաստահավաք առաքելությունն արդեն Հայաստանում է
19:35 27.11.2023 (Թարմացված է: 19:36 27.11.2023)
© Photo : Social media of Paruyr Hovhannisyan
Բաժանորդագրվել
ՀՀ ԱԳ փոխնախարարն ակնկալում է արդյունքների վրա հիմնված քննարկումներ տարբեր ոլորտներում։
ԵՐԵՎԱՆ, 27 նոյեմբերի – Sputnik. Եվրոպական հանձնաժողովի և Արտաքին գործողությունների եվրոպական ծառայության (ԱԱԵԾ) համատեղ փաստահավաք առաքելությունը Հայաստանում է։ ՏեղեկությունըTwitter-ում հայտնում է ՀՀ արտգործնախարարի տեղակալ Պարույր Հովհաննիսյանը։
ՀՀ արտգործնախարարի տեղակալ Պարույր Հովհաննիսյանի հանդիպումը Եվրոպական հանձնաժողովի և Արտաքին գործողությունների եվրոպական ծառայության (ԱԱԵԾ) համատեղ փաստահավաք առաքելության անդամների հետ
© Photo : Social media of Paruyr Hovhannisyan
«Ուրախ եմ ողջունել Եվրոպական հանձնաժողովի և ԱԱԵԾ համատեղ փաստահավաք առաքելությունը` ուղղված Հայաստան–Եվրոպական միություն հարաբերությունների ամրապնդմանը։ Ակնկալում ենք արդյունքների վրա հիմնված և կենտրոնացած քննարկումներ գործընկերության մի շարք ոլորտներում»,– գրել է Հովհաննիսյանը։
Pleased to welcome the Joint Fact-Finding Mission of #EEAS and #EuropeanCommission on strengthening of the Armenia-EU relations. Look forward to holding result-oriented and targeted discussions on a wide range of areas of 🇦🇲🇪🇺partnership.
— Paruyr Hovhannisyan (@ParuyrPh) November 27, 2023
#CEPA#EU4Armenia pic.twitter.com/hJaL1vLb4S
Հիշեցնենք` նոյեմբերի 20–ին Երևանն ու Բրյուսելը Եվրոպական միության առաքելության կարգավիճակի վերաբերյալ համաձայնագիր են ստորագրել։ Կարգավիճակի մասին համաձայնագիրը, ըստ Հայաստանում ԵՄ պատվիրակության ղեկավար, դեսպան Վասիլիս Մարագոսի, օգնելու է ավելի իրավական որոշակիություն մտցնել, երբ խոսքը վերաբերում է երկրում առաքելության ներկայության տարբեր իրավունքների, պարտավորությունների կարգավորմանը։
Ավելի վաղ հայտնել էինք, որ Եվրոպական հանձնաժողովի և ԱԱԵԾ համատեղ փաստահավաք առաքելություն այցի ընթացքում կքննարկվեն տարբեր հարթություններում ԵՄ-Հայաստան հարաբերությունները, կազդարարվի Եվրոպական միության և Հայաստանի Հանրապետության միջև ներդրումների համակարգման հարթակի մեկնարկը։
