Անկլավների հարց, այո՛, կա՛. Նիկոլ Փաշինյանը պատասխանել է քաղաքացիների հարցերին

«Ես, որ 2011 թ. ՔԿՀ–ից դուրս եմ եկել համաներմամբ, ուզում եմ ասել, որ համաներումն արդյունավետ ինստիտուտ չեմ համարում, քանի որ դա ես տեսել եմ ներսից։ Շատ դեպքերում համաներմամբ դուրս եկած մարդիկ մի քանի ամսվա ընթացքում վերադառնում են նոր հանցանքներ կատարելու պատճառով»,– հայտարարեց ՀՀ վարչապետ Նիկոլ Փաշինյանը պատասխանելով հարցին` ինչո՞ւ 5 տարի է` ՀՀ իշխանությունները համաներում չեն հայտարարում։

«Արդյոք ՀՀ–ն չի՞ պատրաստվում ճանաչել Ռուսաստանի կողմից Աբխազիայի և Հարավային Օսիայի օկուպացիան» հարցին ՀՀ վարչապետ Նիկոլ Փաշինյանը պատասխանեց, որ ՀՀ–ն լիովին ընդունում է Վրաստանի միասնությունը, տարածքային ամբողջականությունը և անկախությունը։

Կառավարությունը մտադրություն ունի «Զինծառայողների ապահովագրության հիմնադրամի» շահառուների ցանկն ընդլայնել՝ ընդգրկելով նաև 90-ականներին Արցախյան ազատամարտում զոհվածների ընտանիքներին։ Նշեց ՀՀ վարչապետ Նիկոլ Փաշինյանը՝ արձագանքելով Արցախյան առաջին պատերազմում զոհված Աշոտ Չախոյանի մոր՝ Գոհար Մարտիկյանի հարցին։

«Ես այսպիսի մի թեզ եմ լսել, որ 44–օրյա պատերազմով Ռուսաստանի Դաշնությունը պատժեց Հայաստանի իշխանություններին` մեր կատարած ինչ–որ քայլերի համար։ Ենթադրենք այդ թեզը ճիշտ է, այդ դեպքում 2016 թվականի քառօրյա պատերազմի ժամանակ, երբ իշխանություն էր Սերժ Սարգսյանը, ով ում ինչի համար պատժեց»,–ասաց Փաշինյանը։

«Աջակցության ծրագրից օգտվելու համար պետք է մարդը Լեռնային Ղարաբաղից բռնի տեղահանված լինի, այդպիսին մենք համարում ենք նրանց, որ չունեն Հայաստանի Հանրապետության քաղաքացիություն։ Եթե դիտարկենք նրանց նաև, որ ունեն ՀՀ քաղաքացիություն, համակարգը կդեֆորմացվի։ Այս դեպքը կքննարկվի, բայց ես չեմ խոստանում, որ այն կլուծվի»,-ասել է նա։

«Խաղաղ գործընթացի առանցքային դրույթներից մեկը պետք է լինի Հայաստանի և Ադրբեջանի տարածքային պահանջների բացակայությունը միմյանց նկատմամբ, իսկ ապագայում դե յուրե պարտավորություններ ստանձնելու պատրաստակամությունը»,– պատասխանելով քաղաքացիներից մեկի հարցին` ասաց նա։

Նա նաև նշեց, որ հաճույքով է դիտում YouTube–ում առկա դասախոսությունները կենսաբանություն, քիմիա, ֆիզիկա, տիեզերագնացություն ու այլ թեմաներով։

«Մի քանի այդպիսի նյութ նայել եմ ու հանձնարարական տվել համապատասխան կառույցներին` անհրաժեշտ է գիտական մակարդակով հետազոտել այդ մարդկանց տպավորությունները։ Մենք մեզ ամբողջությամբ ու լավ չենք ճանաչում, նրանց լսում էի ու հասկանում, որ իրենք տեսնում են այն, ինչը մեզ համար առօրյա հարց է»։ Եթե ուրիշի հայացքով մեզ նայենք, կսկսենք ավելի լավ ճանաչել,– նշեց Փաշինյանը։

«Մենք հույս ունենք և ամեն ինչ կանենք, որպեսզի ՌԴ–ի հետ հարաբերությունները կառուցվեն փոխադարձ հարգանքի և միմյանց շահերը` ինքնիշխանությունը, անկախությունը նկատի առնելու տրամաբանությամբ»,– ասաց Փաշինյանը։

Նա խնդրեց` իսկ պետական համակարգում, եթե կա 5–րդ շարասյան մասին կոնկրետ շրջանակ, տեղեկությունները փոխանցել իրեն։

Նա ընդգծեց, որ ՀՀ կառավարությունը հիմնականում կենտրոնացած է սեպտեմբերի 19–ից հետո ԼՂ–ից հեռացած մեր հայրենակիցների խնդիրների վրա։

«Եթե մեկն ուզում է խոշոր ներդրում անել, խոշոր հողակտոր չկա։ Հիմա հողերի խոշորացման պիլոտային ծրագիր ենք իրականացնում, որ գյուղացիները համաձայնեն, հարևանությամբ գտնվող փոքր հողակտորները ամբողջական վարձակալության հանձնեն մասնավորին կամ վաճառեն պետությանը»,– ասաց նա։

«Ամեն շենք չէ, որի ցուցանակի վրա գրված է համալսարան, և այն իրոք համալսարան է։ Այսօր այս համակարգում կան խորը խնդիրներ։ Այսօր բարձրագույն կրթությամբ դիպլոմավոր մարդիկ ունենք, որոնք չեն կարողանում աշխատանք գտնել այդ դիպլոմի դե ֆակտո և դե յուրե նշանակությունների մեջ եղած տարբերությունների պատճառով»,– ընդգծեց նա։

Նա հիշեցրեց, որ նախկինում էլ շների ուղղությամբ գիշերը կրակում էին, սպանում, ինչից նույնպես քաղաքացիները բողոքում էին։

Կա քաղաքական կամք` ըստ անհրաժեշտության, ՀՀ–իշահերից բխող որևէ որոշում կայացնելու, և առաջնորդվելու ենքմեր պետական շահերից, այդ թվում` ՀԱՊԿ–ից դուրս գալու կամ չգալու հետ կապված, ուղիղ եթերում հայտարարեց ՀՀ վարչապետ Նիկոլ Փաշինյանը հավելելով, որ այսպահին ՀԱՊԿ գործողությունները համապատասխան չեն ՀՀ շահերին։

ՀՀ–ում, օրինակ` 6 երեխա ունենալը պետք է նորմալ լինի ու պետական հատուկ պարգևի չպետք է արժանանա։ Այս կարծիքին է ՀՀ վարչապետ Նիկոլ Փաշինյանը` նշելով, որ իր հայրը յոթ հոգանոց ընտանիքից է եղել։

«Երբ ասում ենք Հայաստանի 29.800 ք/կմ տարածք, դրա մեջ չեն մտնում այն էքսկլավներ/անկլավները, որոնք Խորհրդային Միության ժամանակ պատկանել են Ադրբեջանին։ ՀՀ 29.800 ք/կմ–ի մեջ մտնում է Արծվաշենը, որը էքսկլավ է` շրջափակված խորհրդային Ադրբեջանի տարածքով»,– ասաց Փաշինյանը։

ՀՀ ֆինանսների նախարարությունը միանվագ դրամագլուխ կհատկացնի, որ մոտ 300 սպայի ընտանիք բնակարանների հարցը լուծվի, ուղիղ եթերում հայտարարեց ՀՀ վարչապետ Նիկոլ Փաշինյանը։