https://arm.sputniknews.ru/20231123/araratjan-dashtum-artezjan-jreri-vitshakn-aghetali-e-nakharar-68999543.html
Արարատյան դաշտում արտեզյան ջրերի վիճակն աղետալի է. նախարար
Արարատյան դաշտում արտեզյան ջրերի վիճակն աղետալի է. նախարար
Sputnik Արմենիա
Ձկնաբուծական տնտեսությունների ներկայացուցիչները պահանջում են նախարարությունից արդյունավետ կառավարել ջրային ռեսուրսները։ 23.11.2023, Sputnik Արմենիա
2023-11-23T10:54+0400
2023-11-23T10:54+0400
2023-11-23T10:58+0400
արարատյան դաշտ
հակոբ սիմիդյան
ձկնաբուծարան
https://cdn.am.sputniknews.ru/img/07e7/0b/02/68138067_0:83:1600:983_1920x0_80_0_0_e679e09884fee58c963fcba7aa38dec2.jpg
ԵՐԵՎԱՆ, 23 նոյեմբերի – Sputnik. Արարատյան դաշտում արտեզյան ջրերի վիճակը աղետալի է, ուստի անհրաժեշտ է պահպանել ջրային ռեսուրսները։ Այս մասին ձկնաբուծական տնտեսությունների ներկայացուցիչների հետ հանդիպման ժամանակ հայտարարեց շրջակա միջավայրի նախարար Հակոբ Սիմիդյանը։Ձկնաբուծարանների ներկայացուցիչներն ավելի վաղ նախարարության մոտ բողոքի ակցիա էին կազմակերպել, քանի որ դժգոհ են ջրային օրենսգրքի փոփոխություններից։ Դրանից հետո ՇՄ նախարարը ընդունեց նրանց։Սիմիդյանը նշեց, որ նախարարությունը ուսումնասիրություն է իրականացրել արտեզյան ջրերի մոնիթորինգի 55 կայանում և արձանագրել է ջրի մակարդակի իջեցում: Դրանից ելնելով՝ նա պարտադիր է համարում բոլոր հնարավոր ուղղություններով ջրային ռեսուրսների կորուստը կրճատելը։Ի պատասխան՝ ձկնաբուծական տնտեսությունների ներկայացուցիչները նշեցին, որ տիրապետում են ջրի ապօրինի օգտագործման, ջրային ռեսուրսների ոչ արդյունավետ կառավարման մասին տեղեկատվությանը և բարձրաձայնում են այդ հարցերը, սակայն նախարարությունն անտեսում է այդ ամենը։Հիշեցնենք՝ խորհրդարանում նոյեմբերի 22-ին երկրորդ և վերջնական ընթերցմամբ ընդունվել է ջրային օրենսգրքում փոփոխությունների նախագիծը, ըստ որի՝ Հայաստանի ձկնաբուծական տնտեսությունները, որոնք ջուր են ստանում ստորգետնյա հորատանցքերից, պետք է օգտագործեն միայն ջրի շրջանառության խնայող համակարգեր։Ինչպես օրինագիծը ներկայացնելիս հայտարարել է շրջակա միջավայրի նախարար Հակոբ Սիմիդյանը՝ նման համակարգերը պետք է թույլ տան վերաօգտագործել ջրի առնվազն 40 տոկոսը: Արարատյան դաշտի խորքային հորերի ապօրինի ջրօգտագործումը կքրեականացվի. նախարարԽորհրդարանում քննարկման ժամանակ ընդդիմությունը քննադատել էր օրինագիծը՝ հայտարարելով, որ գործարարներին պետք էր նախապես նախազգուշացնել նման համակարգեր տեղադրելու մասին, որոնք քիչ ծախսեր չեն պահանջում:Նշենք, որ ձկնաբուծական ֆերմաները մասսայական են դարձել Արարատյան դաշտում 2000-ականների սկզբից։ Այդ ջրերի պաշարների անվերահսկելի շահագործումը հանգեցրել է դրանց սպառման, ինչն ազդել է գյուղատնտեսության վրա։ Չնայած դրան, պետությունը երկար տարիներ ջուր խնայելու որևէ պահանջ չի ներկայացրել։
արարատյան դաշտ
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արարատյան դաշտ, հակոբ սիմիդյան, ձկնաբուծարան
արարատյան դաշտ, հակոբ սիմիդյան, ձկնաբուծարան
Արարատյան դաշտում արտեզյան ջրերի վիճակն աղետալի է. նախարար
10:54 23.11.2023 (Թարմացված է: 10:58 23.11.2023) Ձկնաբուծական տնտեսությունների ներկայացուցիչները պահանջում են նախարարությունից արդյունավետ կառավարել ջրային ռեսուրսները։
ԵՐԵՎԱՆ, 23 նոյեմբերի – Sputnik. Արարատյան դաշտում արտեզյան ջրերի վիճակը աղետալի է, ուստի անհրաժեշտ է պահպանել ջրային ռեսուրսները։ Այս մասին ձկնաբուծական տնտեսությունների ներկայացուցիչների հետ հանդիպման ժամանակ հայտարարեց շրջակա միջավայրի նախարար Հակոբ Սիմիդյանը։
Ձկնաբուծարանների ներկայացուցիչներն ավելի վաղ նախարարության մոտ
բողոքի ակցիա էին կազմակերպել, քանի որ դժգոհ են ջրային օրենսգրքի փոփոխություններից։ Դրանից հետո ՇՄ նախարարը ընդունեց նրանց։
Սիմիդյանը նշեց, որ նախարարությունը ուսումնասիրություն է իրականացրել արտեզյան ջրերի մոնիթորինգի 55 կայանում և արձանագրել է ջրի մակարդակի իջեցում: Դրանից ելնելով՝ նա պարտադիր է համարում բոլոր հնարավոր ուղղություններով ջրային ռեսուրսների կորուստը կրճատելը։
Ի պատասխան՝ ձկնաբուծական տնտեսությունների ներկայացուցիչները նշեցին, որ տիրապետում են ջրի ապօրինի օգտագործման, ջրային ռեսուրսների ոչ արդյունավետ կառավարման մասին տեղեկատվությանը և բարձրաձայնում են այդ հարցերը, սակայն նախարարությունն անտեսում է այդ ամենը։
«Մենք կարող ենք ցույց տալ բոլոր անօրինական օգտագործվող հորերը, որոնց վրա հաշվիչներ չկան։ Կարո՞ղ եք հիմա սկսել աշխատել»,- ասաց հանդիպման մասնակիցներից մեկը:
Հիշեցնենք՝ խորհրդարանում նոյեմբերի 22-ին երկրորդ և վերջնական ընթերցմամբ ընդունվել է ջրային օրենսգրքում փոփոխությունների նախագիծը, ըստ որի՝ Հայաստանի ձկնաբուծական տնտեսությունները, որոնք ջուր են ստանում ստորգետնյա հորատանցքերից, պետք է օգտագործեն միայն ջրի շրջանառության խնայող համակարգեր։
Ինչպես օրինագիծը ներկայացնելիս հայտարարել է շրջակա միջավայրի նախարար Հակոբ Սիմիդյանը՝ նման համակարգերը պետք է թույլ տան վերաօգտագործել ջրի առնվազն 40 տոկոսը:
Խորհրդարանում քննարկման ժամանակ ընդդիմությունը քննադատել էր օրինագիծը՝ հայտարարելով, որ գործարարներին պետք էր նախապես նախազգուշացնել նման համակարգեր տեղադրելու մասին, որոնք քիչ ծախսեր չեն պահանջում:
Նշենք, որ ձկնաբուծական ֆերմաները մասսայական են դարձել Արարատյան դաշտում 2000-ականների սկզբից։ Այդ ջրերի պաշարների անվերահսկելի շահագործումը հանգեցրել է դրանց սպառման, ինչն ազդել է գյուղատնտեսության վրա։ Չնայած դրան, պետությունը երկար տարիներ ջուր խնայելու որևէ պահանջ չի ներկայացրել։
