Նիկոլ Փաշինյանը հույս ունի, որ Հայաստան–Իրաք տնտեսական կապերը կխորանան
17:55 22.11.2023 (Թարմացված է: 17:59 22.11.2023)
© Photo : official site of the Prime Minister of RAՆիկոլ Փաշինյանն ու Իրաքի նախագահ Աբդուլ Լատիֆ Ռաշիդը
![Նիկոլ Փաշինյանն ու Իրաքի նախագահ Աբդուլ Լատիֆ Ռաշիդը Նիկոլ Փաշինյանն ու Իրաքի նախագահ Աբդուլ Լատիֆ Ռաշիդը - Sputnik Արմենիա, 1920, 22.11.2023](https://cdn.am.sputniknews.ru/img/07e7/0b/16/68971911_0:2:1670:941_1920x0_80_0_0_0494ad46204b2487b4a9b3127e529a01.jpg)
Բաժանորդագրվել
ՀՀ վարչապետն ու Իրաքի նախագահն անդրադարձել են տնտեսության, առևտրաշրջանառության, բարձր տեխնոլոգիաների, էներգետիկայի, ջրային պաշարների, զբոսաշրջության ոլորտներում համագործակցությանը վերաբերող հարցերի։
ԵՐԵՎԱՆ, 22 նոյեմբերի – Sputnik. ՀՀ վարչապետ Նիկոլ Փաշինյանը հույս ունի, որ Իրաքի նախագահի Հայաստան այցից հետո այդ երկրի հետ տնտեսական համագործակցությունն ավելի կխորանա: Այս մասին նա ասել է պաշտոնական այցով Հայաստանում գտնվող Իրաքի նախագահ Աբդուլ Լատիֆ Ռաշիդի գլխավորած պատվիրակության հետ հանդիպման ժամանակ, հայտնում է ՀՀ վարչապետի մամուլի ծառայությունը։
© Photo : official site of the Prime Minister of RAՆիկոլ Փաշինյանն ու Իրաքի նախագահ Աբդուլ Լատիֆ Ռաշիդը
![Премьер-министр Никол Пашинян принял президента Иракской Республики Абд аль-Латифа Джамаля Рашида, прибывшего в Армению с официальным визитом (22 ноября 2023). Еревaн Премьер-министр Никол Пашинян принял президента Иракской Республики Абд аль-Латифа Джамаля Рашида, прибывшего в Армению с официальным визитом (22 ноября 2023). Еревaн - Sputnik Արմենիա, 1920, 22.11.2023](https://cdn.am.sputniknews.ru/img/07e7/0b/16/68971955_0:0:1670:1113_1920x0_80_0_0_13e05e0eedd07e8db3664484a0f0907b.jpg)
Նիկոլ Փաշինյանն ու Իրաքի նախագահ Աբդուլ Լատիֆ Ռաշիդը
Նիկոլ Փաշինյանը հույս է հայտնել, որ այս այցի արդյունքներով ՀՀ–ի և Իրաքի բարձրաստիճան պաշտոնյաների միջև փոխադարձ այցերն ավելի հաճախակի կդառնան։
Իրաքի Հանրապետության նախագահն էլ իր խոսքում կարևորել է Իրաքի հայ համայնքի դերը։ Նա նշել է, որ համայնքը հնագույն պատմություն ունի։
«Խոսքը գնում է մոտ 10 հազար տարվա մասին: Իրաքի ժողովուրդը մեծ օգուտներ է քաղել հայ բնակչությունից, որոնց թվում են բժիշկներ, գիտնականներ, տարբեր ոլորտների մասնագետներ»,– ասել է նա։
ՀՀ վարչապետը և Իրաքի նախագահը քննարկել են տնտեսության, առևտրաշրջանառության, բարձր տեխնոլոգիաների, էներգետիկայի, ջրային պաշարների, զբոսաշրջության ոլորտներում համագործակցությանը վերաբերող հարցեր:
© Photo : official site of the Prime Minister of RAՆիկոլ Փաշինյանն ու Իրաքի նախագահ Աբդուլ Լատիֆ Ռաշիդը
![Премьер-министр Никол Пашинян принял президента Иракской Республики Абд аль-Латифа Джамаля Рашида, прибывшего в Армению с официальным визитом (22 ноября 2023). Еревaн Премьер-министр Никол Пашинян принял президента Иракской Республики Абд аль-Латифа Джамаля Рашида, прибывшего в Армению с официальным визитом (22 ноября 2023). Еревaн - Sputnik Արմենիա, 1920, 22.11.2023](https://cdn.am.sputniknews.ru/img/07e7/0b/16/68971933_0:0:1670:1113_1920x0_80_0_0_d2f991fe5166162152604887febf8495.jpg)
Նիկոլ Փաշինյանն ու Իրաքի նախագահ Աբդուլ Լատիֆ Ռաշիդը
Անդրադարձ է կատարվել տարածաշրջանային անվտանգությանը և կայունությանը, Հայաստան-Ադրբեջան հարաբերությունների կարգավորման գործընթացին վերաբերող հարցերի:
Վարչապետ Փաշինյանը ներկայացրել է Լեռնային Ղարաբաղում Ադրբեջանի կողմից էթնիկ զտման քաղաքականության հետևանքով 100 հազարից ավելի բռնի տեղահանված անձանց հումանիտար խնդիրներն ու դրանց հաղթահարման ուղղությամբ Հայաստանի կառավարության կողմից իրականացվող քայլերը:
Նշենք, որ Իրաքի նախագահ Աբդուլ Լատիֆ Ռաշիդի այցը պատմական է, քանի որ նա Իրաքի առաջին նախագահն է, որ այցելում է Հայաստանի Հանրապետություն:
Հիշեցնենք, որ Իրաքի նախագահը Հայաստան է ժամանել նոյեմբերի 21-ին։ Նա արդեն հանդիպել է ՀՀ նախագահ Վահագն Խաչատուրյանի հետ ու այցելել Ծիծեռնակաբերդի հուշահամալիր։