https://arm.sputniknews.ru/20231121/uelsi-havaqakani-16-erkrpaguneri-nkatmamb-qreakan-varujt-e-nakhadzernvel-ngn-68908891.html
Ուելսի հավաքականի 16 երկրպագուների նկատմամբ քրեական վարույթ է նախաձեռնվել. ՆԳՆ
Ուելսի հավաքականի 16 երկրպագուների նկատմամբ քրեական վարույթ է նախաձեռնվել. ՆԳՆ
Sputnik Արմենիա
Խուլիգանության մեջ կասկածվող անձանց տրվել են դատաբժշկական փորձաքննության անցկացման ուղեգրեր. նրանք ազատ են արձակվել։ 21.11.2023, Sputnik Արմենիա
2023-11-21T13:03+0400
2023-11-21T13:03+0400
2023-11-21T13:20+0400
ուելս
երկրպագու
քրեական գործ
հայաստան
հհ քննչական կոմիտե
ներքին գործերի նախարարություն (նգն)
https://cdn.am.sputniknews.ru/img/07e7/0b/12/68798828_0:0:1601:901_1920x0_80_0_0_433ed599c7753d2ae2721e74db7a804f.jpg
ԵՐԵՎԱՆ, 21 նոյեմբերի – Sputnik. Ուելսի ֆուտբոլի ազգային հավաքականի 16 երկրպագուների նկատմամբ նախաձեռնվել է քրեական վարույթ։ Այս մասին հայտնում է ՀՀ ՆԳՆ ոստիկանության մամուլի ծառայությունը։Նշվում է, որ Նոյեմբերի 18-ի գիշերը նրանք խուլիգանություն կատարելու հիմնավոր կասկածանքով ձերբակալվել և տեղափոխվել են ոստիկանության կենտրոնական բաժին։ Նրանցից 15–ն Ուելսի, 1-ը` Նոր Գվինեայի քաղաքացիներ են եղել։Sputnik Արմենիայի թղթակցին ՀՀ քննչական կոմիտեից հայտնեցին, որ խուլիգանության կասկածանքով ձերբակալված երկրպագուներն արդեն ազատ են արձակվել։ Նրանց հետ անցկացվել են քննչական միջոցառումներ, տրվել են դատաբժշկական փորձաքննության անցկացման ուղեգրեր։«Եվս 16 անձ ոգելից խմիչքի ազդեցության տակ հասարակական վայրում երևալու հիմքով ձերբակալվել, տարվել են բաժին, այնուհետև ազատ են արձակվել»,– ասվում է հաղորդագրությունում։ՀՀ ՆԳՆ–ից հայտնում են նաև, որ միջադեպի մասնակիցները տեղի ունեցածի մասին լրատվամիջոցներով տարածել են տեղեկություններ, որոնց զգալի մասը չի համապատասխանել իրականությանը։Հիշեցնենք` ընտրական D խմբում նոյեմբերի 18-ին մեր ընտրանին սեփական հարկի տակ ընդունեց Ուելսի հավաքականին, խաղն ավարտվեց ոչ–ոքի` 1։1 հաշվով։
ուելս
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ուելս, երկրպագու, քրեական գործ, հայաստան, հհ քննչական կոմիտե, ներքին գործերի նախարարություն (նգն)
ուելս, երկրպագու, քրեական գործ, հայաստան, հհ քննչական կոմիտե, ներքին գործերի նախարարություն (նգն)
Ուելսի հավաքականի 16 երկրպագուների նկատմամբ քրեական վարույթ է նախաձեռնվել. ՆԳՆ
13:03 21.11.2023 (Թարմացված է: 13:20 21.11.2023) Խուլիգանության մեջ կասկածվող անձանց տրվել են դատաբժշկական փորձաքննության անցկացման ուղեգրեր. նրանք ազատ են արձակվել։
ԵՐԵՎԱՆ, 21 նոյեմբերի – Sputnik. Ուելսի ֆուտբոլի ազգային հավաքականի 16 երկրպագուների նկատմամբ նախաձեռնվել է քրեական վարույթ։ Այս մասին հայտնում է ՀՀ
ՆԳՆ ոստիկանության մամուլի ծառայությունը։
Նշվում է, որ Նոյեմբերի 18-ի գիշերը նրանք խուլիգանություն կատարելու հիմնավոր կասկածանքով ձերբակալվել և տեղափոխվել են ոստիկանության կենտրոնական բաժին։ Նրանցից 15–ն Ուելսի, 1-ը` Նոր Գվինեայի քաղաքացիներ են եղել։
«Պարզվել է, որ Պուշկինի փողոցի 43 հասցեի մոտ Ուելսի ֆուտբոլի ազգային հավաքականի երկրպագուների միջև ծագել է վիճաբանություն: Նրանք, գտնվելով ալկոհոլի ազդեցության տակ, կոպիտ կերպով խախտելով հասարակական կարգը, հարվածներ են հասցրել իրար՝ պատճառելով մարմնական վնասվածքներ, այնուհետև այդ ամենը շարունակել են Մաշտոցի և Սայաթ-Նովայի պողոտաների խաչմերուկում»,– ասված է հաղորդագրությունում։
Sputnik Արմենիայի թղթակցին ՀՀ քննչական կոմիտեից հայտնեցին, որ խուլիգանության կասկածանքով ձերբակալված երկրպագուներն արդեն ազատ են արձակվել։ Նրանց հետ անցկացվել են քննչական միջոցառումներ, տրվել են դատաբժշկական փորձաքննության անցկացման ուղեգրեր։
«Եվս 16 անձ ոգելից խմիչքի ազդեցության տակ հասարակական վայրում երևալու հիմքով ձերբակալվել, տարվել են բաժին, այնուհետև ազատ են արձակվել»,– ասվում է հաղորդագրությունում։
ՀՀ ՆԳՆ–ից հայտնում են նաև, որ միջադեպի մասնակիցները տեղի ունեցածի մասին լրատվամիջոցներով տարածել են տեղեկություններ, որոնց զգալի մասը չի համապատասխանել իրականությանը։
Հիշեցնենք` ընտրական D խմբում նոյեմբերի 18-ին մեր ընտրանին սեփական հարկի տակ ընդունեց Ուելսի հավաքականին,
խաղն ավարտվեց ոչ–ոքի` 1։1 հաշվով։
