https://arm.sputniknews.ru/20231120/inchu-en-nakhagahnery-dzgtum-nakhagah-mnal-jvo-bajdenn-ajsor-dardzav-81-tarekan-68875392.html
Ինչու են նախագահները ձգտում նախագահ մնալ. Ջո Բայդենն այսօր դարձավ 81 տարեկան
Ինչու են նախագահները ձգտում նախագահ մնալ. Ջո Բայդենն այսօր դարձավ 81 տարեկան
Sputnik Արմենիա
Մի ժամանակ բոլորը թաքուն հեգնում էին Սովետի ծեր ու հիվանդ առաջնորդներին։ Ի պատասխան հնչում էր՝ բա Ճապոնիայի տարեց ղեկավարների մասին ինչո՞ւ եք լռում։ 20.11.2023, Sputnik Արմենիա
2023-11-20T23:13+0400
2023-11-20T23:13+0400
2023-11-20T23:13+0400
ամն
ջո բայդեն
հայաստան
նախագահ
ընտրություններ
5 րոպե դուլյանի հետ
https://cdn.am.sputniknews.ru/img/07e7/0b/10/68667231_0:84:1600:984_1920x0_80_0_0_45b6cd8a29186bb216d1cf2e7a251f73.jpg
Ինչու են նախագահները ձգտում նախագահ մնալ. Ջո Բայդենն այսօր դարձավ 81 տարեկան
Sputnik Արմենիա
Ինչու են նախագահները ձգտում նախագահ մնալ. Ջո Բայդենն այսօր դարձավ 81 տարեկան
Այժմ թիրախը Ամերիկայի նախագահն է, որն այսօր դարձավ 81 տարեկան ու չի էլ ուզում լքել Սպիտակ տունը՝ հույս ունենալով հաղթել ուղիղ մեկ տարի անց կայանալիք ընտրություններում և պաշտոնավարել մինչև 2028 թվականը, երբ կլինի 86 տարեկան։ Նույնիսկ նրա Դեմոկրատական կուսակցության որոշ անդամներ սարսափով են վերաբերվում այս հեռանկարին։ Բայց հառնում է նույն հայաստանյան հարցը՝ բա ուրիշ ո՞ւմ աջակցենք։Տարբերությունն այն է, որ տարիքի հետ կապված մտահոգությունները երկու երկրներում տրամագծորեն հակառակն են։ Հայաստանում ոմանք համոզված են, որ վերջին տարիների աննախադեպ ձախողումները՝ Արցախի կորուստ, բուն Հայաստանի տարածքի մի մասի ադրբեջանական օկուպացիա և այլն, հետևանք են հենց այն իրողության, որ հինգ տարի առաջ իշխանության եկան բոլորովին անփորձ, հավակնոտ, պետության հետ կապված գործունեության հիմնական բնագավառների մասին խիստ մակերեսային պատկերացումներ ունեցող ջահելները, որոնց պաշտոնական կենսագրությունից երբեմն շատ դժվար է հասկանալ, թե ինչով են ընդհանրապես զբաղվել այդ մարդիկ դպրոցն ավարտելուց հետո։Ամերիկացիներն իրենց առաջնորդներին բոլորովին այլ պահանջներ են ներկայացնում։ Ասում են՝ շատ լավ է, որ ավարտել եք Բերքլին, Սթենֆորդը կամ ԷմԱյԹին, գնահատում ենք, որ համառորեն բարձրացել եք կարիերայի աստիճաններով, տասնամյակներ շարունակ քաղաքականությամբ եք զբաղվել, բայց, կներե՛ք, բիձա եք դարձել, թոշակի՛ անցեք, հուշե՛ր գրեք ու թողե՛ք, որ ուրիշներն էլ ցույց տան իրենց ձիրքն ու գիտելիքները։ Այս հորդորն առաջին հերթին հենց Ջո Բայդենին է հասցեագրված։Հայտնի է, որ այդ մարդն Ամերիկայի պատմության ամբողջ ընթացքում ամենատարեց նախագահն է։ Իսկ գիտե՞ք արդյոք, որ նա եղել է նաև Ամերիկայի ամենաերիտասարդ սենատորը։ Այո՛, ուղիղ 50 տարի առաջ՝ 1973 թվականին, 30-ամյա Բայդենը սենատոր ընտրվեց Դելավեր նահանգից։ Գրեթե ոչ ոք չէր հավատում, որ այդ երիտասարդը կհաղթի շատ ավելի հեղինակավոր և հայտնի մրցակիցներին, բայց նա դարձավ ամերիկյան Կոնգրեսի վերին պալատի անդամ և մնաց Սենատում 36 տարի շարունակ։ Բայդենի օրոք գլխավոր սպառնալիքը ոչ թե գլոբալ, այլ «միջուկային տաքացումն է». ԹրամփԺամանակն էր մտածելու Սպիտակ տան մասին։ Նախագահ դառնալու առաջին փորձը 1988 թվականին էր։ Ամեն ինչ տապալվեց, երբ Բայդենին մեղադրեցին գրագողության մեջ։ Նա փորձեց արդարանալ, թե պարզապես օգտագործել է որոշ գաղափարներ, որոնք առաջ էր քաշել բրիտանացի քաղաքական գործիչներից մեկը։ «Չար լեզուներն» անմիջապես հիշեցին, որ դեռ տարիներ առաջ, երբ Բայդենը համալսարանում էր սովորում, որոշ ուսանողներ դժգոհում էին, թե Ջոն իրենց մտքերը սեփականի տեղ է անցկացնում։ Մի խոսքով, 35 տարի առաջ նախագահ դառնալու երազանքը մնաց անկատար։ Նույնը կրկնվեց 2008 թվականին։ Եվ վերջապես 2020 թվականին Բայդենը երրորդ փորձից նախագահ դարձավ։Ինչու է այս մարդը, որն անընդհատ զավեշտական իրավիճակներում է հայտնվում՝ շփոթում է տարբեր երկրների ղեկավարների անունները, սայթաքում է աստիճաններին, դուռ է փնտրում այնտեղ, որտեղ չկա, այնուամենայնիվ ցանկանում կրկին նախագահ դառնալ և շարունակել ղեկավարել այն երկիրը, որի քաղաքացիների մի մասը պարզապես ծիծաղում է նրա վրա, մյուս մասը հարցնում՝ լավ, ինքն իր հարազատների մեղքը չի գալի՞ս, թող համոզեն, որ կյանքի մնացած մասն անցկացնի Ատլանտյան օվկիանոսի ափին գտնվող իր առանձնատանը։ Նույնիսկ նախագահական նստավայրի աշխատակազմն է ամեն ինչ անում, որ մարդիկ հնարավորինս քիչ առիթ ունենան խոսելու նախագահի տարիքի մասին։ Անցած տարվա նոյեմբերի 20-ին, օրինակ, երբ Բայդենը դարձավ 80 տարեկան, հանրության ուշադրությունն այդ տարեդարձից շեղելու համար Սպիտակ տան դիմացի մարգագետնում կազմակերպվեց նրա թոռան հարսանեկան արարողությունը։Ջո Բայդենի և Սի Ծինփինի հանդիպումը եղել է խոր և բազմակողմանի, տևել է 4 ժամ. ՉԺՀ ԱԳՆՈմանք այսպիսի ենթադրություն են անում։ Բայդենը, չգիտես ինչու, ինքն իրեն համոզել է, որ եթե չպաշտոնավարի երկու ժամկետ, պատմության մեջ կմնա որպես, այսպես ասենք, կիսատ նախագահ։ Բայց չէ՞ որ ընդամենը մեկ ժամկետ ծառայած նախագահների թվում են այնպիսի հայտնի գործիչներ, ինչպիսիք են Ջոն Ադամսը, Ջորջ Բուշ Ավագը, Ջիմի Քարթերը և նույնիսկ Ջոն Քենեդին։ Երևի, այնուամենայնիվ, ճիշտ են այն մասնագետները, որոնք պնդում են`մենք՝ հասարակ մահկանացուներս, երբեք չենք հասկանա ղեկավարների տրամաբանությունը, որովհետև հենց իշխանությունն է անվերադարձ փոխում նրանց մտածելակերպը։ Կարո՞ղ եք, օրինակ, մարդավարի բացատրել, թե ինչու Հայաստանի երրորդ նախագահը որոշեց ի վերջո նաև վարչապետ դառնալ, թեև նախօրոք խոստացել էր, որ երբեք նման բան չի անի։ Եթե գտնեք բացատրությունը, շատ եմ խնդրում, ինձ էլ ասեք։
https://arm.sputniknews.ru/20231118/bajdeni-pattsharvov-akhth-gagatnazhvoghvovi-ezrapakich-nisty-ush-e-sksvel-tesanjut-68780282.html
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2023
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
ամն, ջո բայդեն, հայաստան, նախագահ, ընտրություններ, 5 րոպե դուլյանի հետ
ամն, ջո բայդեն, հայաստան, նախագահ, ընտրություններ, 5 րոպե դուլյանի հետ
Ինչու են նախագահները ձգտում նախագահ մնալ. Ջո Բայդենն այսօր դարձավ 81 տարեկան
Մի ժամանակ բոլորը թաքուն հեգնում էին Սովետի ծեր ու հիվանդ առաջնորդներին։ Ի պատասխան հնչում էր՝ բա Ճապոնիայի տարեց ղեկավարների մասին ինչո՞ւ եք լռում։
Այժմ թիրախը Ամերիկայի նախագահն է, որն այսօր դարձավ 81 տարեկան ու չի էլ ուզում լքել Սպիտակ տունը՝ հույս ունենալով հաղթել ուղիղ մեկ տարի անց կայանալիք ընտրություններում և պաշտոնավարել մինչև 2028 թվականը, երբ կլինի 86 տարեկան։ Նույնիսկ նրա Դեմոկրատական կուսակցության որոշ անդամներ սարսափով են վերաբերվում այս հեռանկարին։ Բայց հառնում է նույն հայաստանյան հարցը՝ բա ուրիշ ո՞ւմ աջակցենք։
Տարբերությունն այն է, որ տարիքի հետ կապված մտահոգությունները երկու երկրներում տրամագծորեն հակառակն են։ Հայաստանում ոմանք համոզված են, որ վերջին տարիների աննախադեպ ձախողումները՝ Արցախի կորուստ, բուն Հայաստանի տարածքի մի մասի ադրբեջանական օկուպացիա և այլն, հետևանք են հենց այն իրողության, որ հինգ տարի առաջ իշխանության եկան բոլորովին անփորձ, հավակնոտ, պետության հետ կապված գործունեության հիմնական բնագավառների մասին խիստ մակերեսային պատկերացումներ ունեցող ջահելները, որոնց պաշտոնական կենսագրությունից երբեմն շատ դժվար է հասկանալ, թե ինչով են ընդհանրապես զբաղվել այդ մարդիկ դպրոցն ավարտելուց հետո։
Ամերիկացիներն իրենց առաջնորդներին բոլորովին այլ պահանջներ են ներկայացնում։ Ասում են՝ շատ լավ է, որ ավարտել եք Բերքլին, Սթենֆորդը կամ ԷմԱյԹին, գնահատում ենք, որ համառորեն բարձրացել եք կարիերայի աստիճաններով, տասնամյակներ շարունակ քաղաքականությամբ եք զբաղվել, բայց, կներե՛ք, բիձա եք դարձել, թոշակի՛ անցեք, հուշե՛ր գրեք ու թողե՛ք, որ ուրիշներն էլ ցույց տան իրենց ձիրքն ու գիտելիքները։ Այս հորդորն առաջին հերթին հենց Ջո Բայդենին է հասցեագրված։
Հայտնի է, որ այդ մարդն Ամերիկայի պատմության ամբողջ ընթացքում ամենատարեց նախագահն է։ Իսկ գիտե՞ք արդյոք, որ նա եղել է նաև Ամերիկայի ամենաերիտասարդ սենատորը։ Այո՛, ուղիղ 50 տարի առաջ՝ 1973 թվականին, 30-ամյա Բայդենը սենատոր ընտրվեց Դելավեր նահանգից։ Գրեթե ոչ ոք չէր հավատում, որ այդ երիտասարդը կհաղթի շատ ավելի հեղինակավոր և հայտնի մրցակիցներին, բայց նա դարձավ ամերիկյան Կոնգրեսի վերին պալատի անդամ և մնաց Սենատում 36 տարի շարունակ։
Ժամանակն էր մտածելու Սպիտակ տան մասին։ Նախագահ դառնալու առաջին փորձը 1988 թվականին էր։ Ամեն ինչ տապալվեց, երբ Բայդենին մեղադրեցին գրագողության մեջ։ Նա փորձեց արդարանալ, թե պարզապես օգտագործել է որոշ գաղափարներ, որոնք առաջ էր քաշել բրիտանացի քաղաքական գործիչներից մեկը։ «Չար լեզուներն» անմիջապես հիշեցին, որ դեռ տարիներ առաջ, երբ Բայդենը համալսարանում էր սովորում, որոշ ուսանողներ դժգոհում էին, թե Ջոն իրենց մտքերը սեփականի տեղ է անցկացնում։ Մի խոսքով, 35 տարի առաջ նախագահ դառնալու երազանքը մնաց անկատար։ Նույնը կրկնվեց 2008 թվականին։ Եվ վերջապես 2020 թվականին Բայդենը երրորդ փորձից նախագահ դարձավ։
Ինչու է այս մարդը, որն անընդհատ զավեշտական իրավիճակներում է հայտնվում՝ շփոթում է տարբեր երկրների ղեկավարների անունները, սայթաքում է աստիճաններին, դուռ է փնտրում այնտեղ, որտեղ չկա, այնուամենայնիվ ցանկանում կրկին նախագահ դառնալ և շարունակել ղեկավարել այն երկիրը, որի քաղաքացիների մի մասը պարզապես ծիծաղում է նրա վրա, մյուս մասը հարցնում՝ լավ, ինքն իր հարազատների մեղքը չի գալի՞ս, թող համոզեն, որ կյանքի մնացած մասն անցկացնի Ատլանտյան օվկիանոսի ափին գտնվող իր առանձնատանը։
Նույնիսկ նախագահական նստավայրի աշխատակազմն է ամեն ինչ անում, որ մարդիկ հնարավորինս քիչ առիթ ունենան խոսելու նախագահի տարիքի մասին։ Անցած տարվա նոյեմբերի 20-ին, օրինակ, երբ Բայդենը դարձավ 80 տարեկան, հանրության ուշադրությունն այդ տարեդարձից շեղելու համար Սպիտակ տան դիմացի մարգագետնում կազմակերպվեց նրա թոռան հարսանեկան արարողությունը։
Ոմանք այսպիսի ենթադրություն են անում։ Բայդենը, չգիտես ինչու, ինքն իրեն համոզել է, որ եթե չպաշտոնավարի երկու ժամկետ, պատմության մեջ կմնա որպես, այսպես ասենք, կիսատ նախագահ։ Բայց չէ՞ որ ընդամենը մեկ ժամկետ ծառայած նախագահների թվում են այնպիսի հայտնի գործիչներ, ինչպիսիք են Ջոն Ադամսը, Ջորջ Բուշ Ավագը, Ջիմի Քարթերը և նույնիսկ Ջոն Քենեդին։ Երևի, այնուամենայնիվ, ճիշտ են այն մասնագետները, որոնք պնդում են`մենք՝ հասարակ մահկանացուներս, երբեք չենք հասկանա ղեկավարների տրամաբանությունը, որովհետև հենց իշխանությունն է անվերադարձ փոխում նրանց մտածելակերպը։ Կարո՞ղ եք, օրինակ, մարդավարի բացատրել, թե ինչու
Հայաստանի երրորդ նախագահը որոշեց ի վերջո նաև վարչապետ դառնալ, թեև նախօրոք խոստացել էր, որ երբեք նման բան չի անի։ Եթե գտնեք բացատրությունը, շատ եմ խնդրում, ինձ էլ ասեք։
