Մնացական Սաֆարյանը Հնդկաստանում ներկայացրել է «Խաղաղության խաչմերուկ» նախագիծը
14:15 19.11.2023 (Թարմացված է: 14:16 19.11.2023)
© Photo : official site of MFA of RA Մնացական Սաֆարյանը Հնդկաստանում ներկայացրել է «Խաղաղության խաչմերուկ» նախագիծը
![Մնացական Սաֆարյանը Հնդկաստանում ներկայացրել է «Խաղաղության խաչմերուկ» նախագիծը Մնացական Սաֆարյանը Հնդկաստանում ներկայացրել է «Խաղաղության խաչմերուկ» նախագիծը - Sputnik Արմենիա, 1920, 19.11.2023](https://cdn.am.sputniknews.ru/img/07e7/0b/13/68827949_0:95:1600:995_1920x0_80_0_0_a373c405fd0c76be05a3cbc22a2b4ec6.jpg)
Մնացական Սաֆարյանը Հնդկաստանում ներկայացրել է «Խաղաղության խաչմերուկ» նախագիծը
© Photo : official site of MFA of RA
Բաժանորդագրվել
Անդրադարձ է կատարվել Հայաստանի և Ադրբեջանի միջև հարաբերությունների կարգավորման ուղղությամբ միջազգային ջանքերին։
ԵՐԵՎԱՆ, 19 նոյեմբերի – Sputnik. Նյու Դելիում կայացել են Հայաստանի և Հնդկաստանի արտաքին գործերի նախարարությունների միջև քաղաքական 10-րդ հերթական խորհրդակցությունները՝ Հայաստանի Հանրապետության ԱԳ նախարարի տեղակալ Մնացական Սաֆարյանի և Հնդկաստանի Հանրապետության ԱԳ նախարարի Արևմտյան ուղղության հարցերով քարտուղար-տեղակալ Սանջայ Վերմայի գլխավորությամբ:
Տեղեկությունը հայտնում են ՀՀ արտգործնախարարությունից։
«ՀՀ ԱԳ նախարարի տեղակալը ներկայացրել է «Խաղաղության խաչմերուկ» նախագիծը՝ ընդգծելով դրա առավելությունները՝ և՛ տնտեսական և՛ տարածաշրջանի երկրների համար խաղաղության երաշխիք հանդիսանալու համատեքստում: Անդրադարձ է կատարվել Հայաստանի և Ադրբեջանի միջև հարաբերությունների կարգավորման ուղղությամբ միջազգային ջանքերին»,-նշված է հաղորդագրության մեջ:
Մնացական Սաֆարյանը գործընկերոջը ներկայացրել է նաև Ադրբեջանի կողմից էթնիկ զտումների քաղաքականության հետևանքով Լեռնային Ղարաբաղից բռնի տեղահանված 100 հազարից ավել հայ փախստականներին Հայաստանում պատշաճ ընդունելու ուղղությամբ ՀՀ կառավարության ձեռնարկած միջոցառումները՝ կարևորելով նաև միջազգային գործընկերների աջակցությունը:
Երկկողմ կրթամշակութային նախանշված ծրագրերի իրականացման և հնարավոր այլ ոլորտներում փոխշահավետ գործակցության շուրջ մտքեր են փոխանակվել նաև Հնդկաստանի Հանրապետության ԱԳ և մշակույթի պետնախարար Մինակշի Լեկհիի հետ: Ընդգծվել է Հարավային Կովկասում հայկական պատմամշակութային ժառանգության պաշտպանության կարևորությունը:
© Photo : official site of MFA of RA Մնացական Սաֆարյանը Հնդկաստանում ներկայացրել է «Խաղաղության խաչմերուկ» նախագիծը
![Политические консультации между министерствами иностранных дел Армении и Индии во главе с заместителями министров Мнацаканом Сафаряном и Санджаем Вермой (18 ноября 2023). Нью-Дели Политические консультации между министерствами иностранных дел Армении и Индии во главе с заместителями министров Мнацаканом Сафаряном и Санджаем Вермой (18 ноября 2023). Нью-Дели - Sputnik Արմենիա, 1920, 19.11.2023](https://cdn.am.sputniknews.ru/img/07e7/0b/13/68827927_0:0:1600:1068_1920x0_80_0_0_eac8e00a28923891cc60baa7acfb0b99.jpg)
Մնացական Սաֆարյանը Հնդկաստանում ներկայացրել է «Խաղաղության խաչմերուկ» նախագիծը
© Photo : official site of MFA of RA