https://arm.sputniknews.ru/20231117/hajerin-durs-en-mghum-bajc-nranq-chen-nahanjum-inch-e-katarvum-erusaghemum-68762172.html
Հայերին դուրս են մղում, բայց նրանք չեն նահանջում. ի՞նչ է կատարվում Երուսաղեմում
Հայերին դուրս են մղում, բայց նրանք չեն նահանջում. ի՞նչ է կատարվում Երուսաղեմում
Sputnik Արմենիա
Երուսաղեմի հայկական թաղամասում «Կովերի պարտեզի» շուրջ կրքերը թեժանում են։ Ավելի վաղ հայտնել էին, որ այդ հատվածում հյուրանոց է կառուցվելու, սակայն այժմ գործարքն... 17.11.2023, Sputnik Արմենիա
2023-11-17T21:00+0400
2023-11-17T21:00+0400
2023-11-18T17:31+0400
երուսաղեմ
«կովերի պարտեզ» կալվածք
https://cdn.am.sputniknews.ru/img/07e7/0b/01/68059807_0:93:1600:993_1920x0_80_0_0_f8aaca6cf46dd1ef97efe819f69c6a1a.jpg
ԵՐԵՎԱՆ, 17 նոյեմբերի – Sputnik, Լիլիթ Հարությունյան. Երուսաղեմի հայ բնակչության վրա, որը ամեն կերպ փորձում է պաշտպանել իր իրավունքը «Կովերի պարտեզ» հողատարածքը պահպանելու համար, ճնշում են գործադրում ոչ միայն Xana Gardens Ltd ընկերության ներկայացուցիչները, այլև տեղի ոստիկանությունը։Ինչպես պատմեց Երուսաղեմից ակտիվիստ Սեդրակ Բալիանը, ոստիկանությունը խտրականություն է դրսևորում, և դատելով ամենից, պայմանավորվածություն ունի Xana Gardens Ltd ներկայացուցիչների հետ։ Երուսաղեմի «Կովերի պարտեզում» իրավիճակը թեժացել է. կողմերին հաջողվել է համաձայնության գալՀիշեցնենք, որ այն բանից հետո, երբ Հայ առաքելական եկեղեցու Երուսաղեմի պատրիարքությունը նամակ հղեց ընկերությանը 2021 թվականի հուլիսի 8-ի համաձայնագիրը չեղարկելու մասին, որի համաձայն Հին քաղաքի հայկական թաղամասի հարավ–արևմուտքում գտնվող «Կովերի պարտեզ» հողատարածքը 99 տարի ժամկետով վարձակալությամբ փոխանցվում է գործարար Դենիել Ռուբինշտեյնին, ընկերության ներկայացուցիչները, որոնց թվում էր նաև գործարարը զինված խմբի հետ, փորձեցին դուրս մղել հայերին և այնտեղ ապօրինի շինարարություն իրականացնել (տարածքը 24 ժամ վերահսկում են հայ համայնքի ներկայացուցիչները` ամեն կերպ խոչընդոտելով նման գործողությունները)։Ակտիվիստի խոսքով` օրեր առաջ ոստիկանությունը նույնիսկ բերման էր ենթարկել հայ համայնքի երեք ներկայացուցչի, որից մեկն անչափահաս է։«Նրանք որևէ անօրինական գործողություններ չեն կատարել, պարզապես տարածքի պաշտպանություն էին իրականացնում։ Այնուամենայնիվ, նրանց բերման են ենթարկել մի քանի ժամով, այնուհետև 15 օր արգելել են հայտնվել «Կովերի պարտեզում», – ասում է Սեդրակը։Իրականում ինչպե՞ս է օգտագործվելու հայկական թաղամասի այդ հողատարածքըՍեդրակ Բալիանը նշում է, որ իսկզբանե, ինչպես թվում էր զուտ կոմերցիոն բնույթ կրող գործարքի ետևում, իրականում կանգնած են արմատականները, որոնք մտադիր են տարածքն օգտագործել իրենց նպատակների համար։ Ավելի վաղ հայտնել էին, որ ավստրալիացի գործարար Դենիել Ռուբինշտեյնը մտադիր է այստեղ հյուրանոց կառուցել, սակայն հիմա, ակտիվիստի խոսքով, գործարքն ավելի շուտ քաղաքական բնույթ է ստանում։Ստեղծված իրավիճակը, հայերից բացի, մտահոգում է Երուսաղեմի ողջ քրիստոնյա, ինչպես նաև մուսուլման բնակչությանը։ Հայ համայնքին իր համերաշխությունն է հայտնել արդեն Երուսաղեմում Ֆրանսիայի գլխավոր հյուպատոսությունը։ Իրենք` հայերը, համախմբվել և ամեն կերպ պայքարում են, որ գործարքը խզվի, իսկ դարերով համայնքին պատկանող տարածքը համայնքին մնա։Ավելի վաղ հայտնի էր դարձել, որ Հայ առաքելական եկեղեցու Երուսաղեմի պատրիարքության առաջնորդ, արքեպիսկոպոս Նուրհան Մանուկյանը անձամբ է ստորագրել համաձայնագիրն այն մասին, որ «Կովերի պարտեզ» հողատարածքը 99 տարի ժամկետով վարձակալությամբ փոխանցվում է գործարար Դենիել Ռուբինշտեյնին հյուրանոց կառուցելու համար։ Հայ համայնքը չէր դադարում այդ գործարքի դեմ բողոքի ցույցեր կազմակերպել Երուսաղեմում։ Երուսաղեմի հայոց պատրիարքությունը որոշել է չեղարկել «Կովերի պարտեզ» կալվածքի համաձայնագիրըԲուն տարածքը, ինչպես նաև այնտեղ գտնվող գիմնազիան և սեմինարիան մեկ ամբողջություն են։ Համայնքի ներկայացուցիչները կարծում են, որ տարածքի նկատմամբ վերահսկողության կորուստը բացասաբար կանդրադառնա հայկական թաղամասի կյանքի վրա և այն խոցելի կդարձնի։
երուսաղեմ
Sputnik Արմենիա
media@sputniknews.com
+74956456601
MIA „Rossiya Segodnya“
2023
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
երուսաղեմ, «կովերի պարտեզ» կալվածք
երուսաղեմ, «կովերի պարտեզ» կալվածք
Հայերին դուրս են մղում, բայց նրանք չեն նահանջում. ի՞նչ է կատարվում Երուսաղեմում
21:00 17.11.2023 (Թարմացված է: 17:31 18.11.2023) Երուսաղեմի հայկական թաղամասում «Կովերի պարտեզի» շուրջ կրքերը թեժանում են։ Ավելի վաղ հայտնել էին, որ այդ հատվածում հյուրանոց է կառուցվելու, սակայն այժմ գործարքն ավելի շատ քաղաքական, քան կոմերցիոն բնույթ է սկսում կրել։ Ի՞նչ է ներկա պահին կատարվում «Կովերի պարտեզի» շուրջ։
ԵՐԵՎԱՆ, 17 նոյեմբերի – Sputnik, Լիլիթ Հարությունյան. Երուսաղեմի հայ բնակչության վրա, որը ամեն կերպ փորձում է պաշտպանել իր իրավունքը «Կովերի պարտեզ» հողատարածքը պահպանելու համար, ճնշում են գործադրում ոչ միայն Xana Gardens Ltd ընկերության ներկայացուցիչները, այլև տեղի ոստիկանությունը։
Ինչպես պատմեց Երուսաղեմից ակտիվիստ Սեդրակ Բալիանը, ոստիկանությունը խտրականություն է դրսևորում, և դատելով ամենից, պայմանավորվածություն ունի Xana Gardens Ltd ներկայացուցիչների հետ։
Հիշեցնենք, որ այն բանից հետո, երբ Հայ առաքելական եկեղեցու Երուսաղեմի պատրիարքությունը նամակ հղեց ընկերությանը 2021 թվականի հուլիսի 8-ի համաձայնագիրը չեղարկելու մասին, որի համաձայն Հին քաղաքի հայկական թաղամասի հարավ–արևմուտքում գտնվող «Կովերի պարտեզ» հողատարածքը 99 տարի ժամկետով վարձակալությամբ փոխանցվում է գործարար Դենիել Ռուբինշտեյնին, ընկերության ներկայացուցիչները, որոնց թվում էր նաև գործարարը զինված խմբի հետ, փորձեցին դուրս մղել հայերին և այնտեղ ապօրինի շինարարություն իրականացնել (տարածքը 24 ժամ վերահսկում են հայ համայնքի ներկայացուցիչները` ամեն կերպ խոչընդոտելով նման գործողությունները)։
«Xana Gardens–ի ներկայացուցիչների հետ մեկտեղ մեզ վրա ճնշում է գործադրում ոստիկանությունը, իր գործողություններն արդարացնելով նրանով, որ ընկերությունն իբր շինարարության թույլտվություն ունի։ Սակայն նման թույլտվություն իրականում չկա, և ոստիկանությունը քաջատեղյակ է այդ մասին», – ասում է Բալիանը։
Ակտիվիստի խոսքով` օրեր առաջ ոստիկանությունը նույնիսկ բերման էր ենթարկել հայ համայնքի երեք ներկայացուցչի, որից մեկն անչափահաս է։
«Նրանք որևէ անօրինական գործողություններ չեն կատարել, պարզապես տարածքի պաշտպանություն էին իրականացնում։ Այնուամենայնիվ, նրանց բերման են ենթարկել մի քանի ժամով, այնուհետև 15 օր արգելել են հայտնվել «Կովերի պարտեզում», – ասում է Սեդրակը։
Իրականում ինչպե՞ս է օգտագործվելու հայկական թաղամասի այդ հողատարածքը
Սեդրակ Բալիանը նշում է, որ իսկզբանե, ինչպես թվում էր զուտ կոմերցիոն բնույթ կրող գործարքի ետևում, իրականում կանգնած են արմատականները, որոնք մտադիր են տարածքն օգտագործել իրենց նպատակների համար։ Ավելի վաղ հայտնել էին, որ ավստրալիացի գործարար Դենիել Ռուբինշտեյնը մտադիր է այստեղ հյուրանոց կառուցել, սակայն հիմա, ակտիվիստի խոսքով, գործարքն ավելի շուտ քաղաքական բնույթ է ստանում։
«Կարևոր չէ, թե կոնկրետ ինչ կկառուցվի այստեղ, դա կարող է լինել բնակելի տուն, կրոնական օբյեկտ կամ նույնիսկ հյուրանոց, պարզ է միայն, որ տարածքը կենտրոն է ծառայելու արմատականների համար։ Հավանաբար հենց նրանց էլ կբնակեցնեն այստեղ, որպեսզի աստիճանաբար իրենց ազդեցությունը տարածեն այս հողերի վրա», – ասում է նա։
Ստեղծված իրավիճակը, հայերից բացի, մտահոգում է Երուսաղեմի ողջ քրիստոնյա, ինչպես նաև մուսուլման բնակչությանը։ Հայ համայնքին իր համերաշխությունն է հայտնել արդեն Երուսաղեմում Ֆրանսիայի գլխավոր հյուպատոսությունը։ Իրենք` հայերը, համախմբվել և ամեն կերպ պայքարում են, որ գործարքը խզվի, իսկ դարերով համայնքին պատկանող տարածքը համայնքին մնա։
Ավելի վաղ հայտնի էր դարձել, որ Հայ առաքելական եկեղեցու Երուսաղեմի պատրիարքության առաջնորդ, արքեպիսկոպոս Նուրհան Մանուկյանը անձամբ է ստորագրել համաձայնագիրն այն մասին, որ «Կովերի պարտեզ» հողատարածքը 99 տարի ժամկետով վարձակալությամբ փոխանցվում է գործարար Դենիել Ռուբինշտեյնին հյուրանոց կառուցելու համար։ Հայ համայնքը չէր դադարում այդ գործարքի դեմ բողոքի ցույցեր կազմակերպել Երուսաղեմում։
Բուն տարածքը, ինչպես նաև այնտեղ գտնվող գիմնազիան և սեմինարիան մեկ ամբողջություն են։ Համայնքի ներկայացուցիչները կարծում են, որ տարածքի նկատմամբ վերահսկողության կորուստը բացասաբար կանդրադառնա հայկական թաղամասի կյանքի վրա և այն խոցելի կդարձնի։
