https://arm.sputniknews.ru/20231117/ajd-pahin-lutsarvats-ynkerutjun-chi-eghel-nakharary-tt-volvorti-aghmkaharujc-depqi-masin-68726331.html
Այդ պահին լուծարված ընկերություն չի եղել. նախարարը` ՏՏ ոլորտի աղմկահարույց դեպքի մասին
Այդ պահին լուծարված ընկերություն չի եղել. նախարարը` ՏՏ ոլորտի աղմկահարույց դեպքի մասին
Sputnik Արմենիա
Ռոբերտ Խաչատրյանի խոսքով` երբ նախարարությունը ՏՏ ընկերություններից դիմումները ստացել է, 4–6 ամիս անց է գումարը փոխանցել։ Իսկ այդ ընթացքում ընկերությունը գնացել... 17.11.2023, Sputnik Արմենիա
2023-11-17T13:02+0400
2023-11-17T13:02+0400
2023-11-17T13:12+0400
հայաստան
տտ
ռոբերտ խաչատրյան
լուծարում
դիմում
https://cdn.am.sputniknews.ru/img/07e6/0b/12/51477436_0:36:1600:936_1920x0_80_0_0_8ebd6d0be1cc0994ee762d52c8d7e5ce.jpg
ԵՐԵՎԱՆ, 17 նոյեմբերի — Sputnik. Դիմումների ներկայացման պահին լուծարված ընկերություն չի եղել։ ՀՀ կառավարության նիստից հետո լրագրողների հետ զրույցում այս հայտարարությունն արեց ՀՀ բարձր տեխնոլոգիական արդյունաբերության նախարար Ռոբերտ Խաչատրյանը` անդրադառնալով ՏՏ ոլորտի հետ կապված աղմկահարույց պատմությանը։Ավելի վաղ հայտնել էինք, որ 2022 թ. դեկտեմբերի 1–ի որոշմամբ ՀՀ կառավարությունը տեղեկատվական տեխնոլոգիաների ոլորտի ընկերություններին տրամադրել է 10 մլրդ դրամի պետական աջակցություն։ «Հետքն» ուսումնասիրել է դրամաշնորհի արդյունավետությունն ու պարզել, որ պետական աջակցություն ստացած 18 ընկերություններից 14–ի գործունեությունը ժամանակավորապես դադարեցվել է, 4–ը լուծարման գործընթացում են։Խաչատրյանը բնական գործընթաց համարեց այն, որ ՏՏ ընկերությունը ինչ–որ մի պահի կարող է լուծարվել կամ ժամանակավորապես դադարեցվել։«Դա տվյալ ընկերության որոշումն է։ Ժամանակավոր դադարեցված ընկերությունները, որոնք պետությունից արդեն իսկ գումարը վերցրել են, համարվում են գործող ընկերություններ։ Ժամանակավոր դադարեցում չի նշանակում, որ ընկերությունը լուծարվելու է կամ լուծարման գործընթացի մեջ է գտնվում. բազմաթիվ ընկերություններ կան, որոնք գործունեության բնույթից ելնելով` ժամանակ առ ժամանակ դադարեցնում են գործունեությունը, հետո` վերսկսում»,– պարզաբանեց նախարարը։Ըստ նրա` երբ նախարարությունը ՏՏ ընկերություններից դիմումները ստացել է, 4–6 ամիս անց է գումարը փոխանցել։ Իսկ այդ ընթացքում ընկերությունը գնացել է առողջացման, թե ոչ, ՀՀ բարձր տեխնոլոգիական արդյունաբերության նախարարությունը չի վերահսկում։Հիշեցնենք, որ ըստ «Հետքի»` ՏՏ ընկերություններից որոշները մինչ ՀՀ բարձր տեխնոլոգիական արդյունաբերության նախարարության հետ դրամաշնորհի պայմանագիր կնքելն արդեն դադարեցրած են եղել իրենց գործունեությունը։Հավելենք, որ Sputnik Արմենիայի տեղեկություններով` ՀՀ գլխավոր դատախազությունը դեռ չի զբաղվում դրամաշնորհ ստացած ու լուծարված ընկերությունների հարցով, բայց տեղեկությունն ուսումնասիրվում է։Հիշեցնենք նաև, որ 2022թ–ի ընթացքում արտարժույթի արժեզրկման պատճառով ՀՀ–ում աշխատող ՏՏ ոլորտի ընկերությունները եկամուտների լուրջ կորուստներ էին ունենում։ Ժամանակավոր բարդությունները հարթելու համար դեկտեմբերի 1-ին կառավարության որոշմամբ հաստատվել էր ՏՏ ոլորտում աշխատող ընկերությունների աջակցության ծրագիրը։Ծրագրի մեկնարկից օրեր անց` 2022–ի դեկտեմբերի 16-ին, Sputnik Արմենիայի հետ զրույցում ՀՀ բարձր տեխնոլոգիական արդյունաբերության նախարար Ռոբերտ Խաչատրյանը հայտնել էր, որ նախարարությունն արդեն ավելի քան 90 հայտ է ստացել ոլորտի ընկերություններից, որոնք ցանկություն են հայտնել օգտվելու պետության աջակցությունից։Իրական շահառուների թիվը նախարարությունից չհաջողվեց ճշտել։ «Հետքի» հարցմանը ևս գերատեսչությունում չեն պատասխանել։ Լրատվամիջոցը սեփական հետաքննությամբ պարզել էր դրանցից 111–ի տվյալները։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, տտ, ռոբերտ խաչատրյան, լուծարում, դիմում
հայաստան, տտ, ռոբերտ խաչատրյան, լուծարում, դիմում
Այդ պահին լուծարված ընկերություն չի եղել. նախարարը` ՏՏ ոլորտի աղմկահարույց դեպքի մասին
13:02 17.11.2023 (Թարմացված է: 13:12 17.11.2023) Ռոբերտ Խաչատրյանի խոսքով` երբ նախարարությունը ՏՏ ընկերություններից դիմումները ստացել է, 4–6 ամիս անց է գումարը փոխանցել։ Իսկ այդ ընթացքում ընկերությունը գնացել է առողջացման, թե ոչ, ՀՀ բարձր տեխնոլոգիական արդյունաբերության նախարարությունը չի վերահսկում։
ԵՐԵՎԱՆ, 17 նոյեմբերի — Sputnik. Դիմումների ներկայացման պահին լուծարված ընկերություն չի եղել։ ՀՀ կառավարության նիստից հետո լրագրողների հետ զրույցում այս հայտարարությունն արեց ՀՀ բարձր տեխնոլոգիական արդյունաբերության նախարար Ռոբերտ Խաչատրյանը` անդրադառնալով ՏՏ ոլորտի հետ կապված աղմկահարույց պատմությանը։
Ավելի վաղ
հայտնել էինք, որ 2022 թ. դեկտեմբերի 1–ի որոշմամբ ՀՀ կառավարությունը տեղեկատվական տեխնոլոգիաների ոլորտի ընկերություններին տրամադրել է 10 մլրդ դրամի պետական աջակցություն։ «Հետքն» ուսումնասիրել է դրամաշնորհի արդյունավետությունն ու պարզել, որ պետական աջակցություն ստացած 18 ընկերություններից 14–ի գործունեությունը ժամանակավորապես դադարեցվել է, 4–ը լուծարման գործընթացում են։
«Պատճառն այդ ընկերությունների խնդիրների մեղմումն էր, որ իրենք ունեցել են ժամանակին։ Պետական աջակցության չափանիշերը եղել է այդ ընկերությունների` հունիս–հոկտեմբեր գործունեության ընթացքում կրած դժվարությունների մեղմումը։ Աջակցության տրամադրման առաջին իսկ օրվանից բոլոր ընկերությունների ցանկն ու ընտրության չափորոշիչները նշված են եղել»,– վստահեցրեց նախարարը։
Խաչատրյանը բնական գործընթաց համարեց այն, որ ՏՏ ընկերությունը ինչ–որ մի պահի կարող է լուծարվել կամ ժամանակավորապես դադարեցվել։
«Դա տվյալ ընկերության որոշումն է։ Ժամանակավոր դադարեցված ընկերությունները, որոնք պետությունից արդեն իսկ գումարը վերցրել են, համարվում են գործող ընկերություններ։ Ժամանակավոր դադարեցում չի նշանակում, որ ընկերությունը լուծարվելու է կամ լուծարման գործընթացի մեջ է գտնվում. բազմաթիվ ընկերություններ կան, որոնք գործունեության բնույթից ելնելով` ժամանակ առ ժամանակ դադարեցնում են գործունեությունը, հետո` վերսկսում»,– պարզաբանեց նախարարը։
Ըստ նրա` երբ նախարարությունը ՏՏ ընկերություններից դիմումները ստացել է, 4–6 ամիս անց է գումարը փոխանցել։ Իսկ այդ ընթացքում ընկերությունը գնացել է առողջացման, թե ոչ, ՀՀ բարձր տեխնոլոգիական արդյունաբերության նախարարությունը չի վերահսկում։
Հիշեցնենք, որ ըստ «Հետքի»` ՏՏ ընկերություններից որոշները մինչ ՀՀ բարձր տեխնոլոգիական արդյունաբերության նախարարության հետ դրամաշնորհի պայմանագիր կնքելն արդեն դադարեցրած են եղել իրենց գործունեությունը։
Հավելենք, որ
Sputnik Արմենիայի տեղեկություններով` ՀՀ գլխավոր դատախազությունը դեռ չի զբաղվում դրամաշնորհ ստացած ու լուծարված ընկերությունների հարցով, բայց տեղեկությունն ուսումնասիրվում է։
Հիշեցնենք նաև, որ 2022թ–ի ընթացքում արտարժույթի արժեզրկման պատճառով ՀՀ–ում աշխատող ՏՏ ոլորտի ընկերությունները եկամուտների լուրջ կորուստներ էին ունենում։ Ժամանակավոր բարդությունները հարթելու համար դեկտեմբերի 1-ին կառավարության որոշմամբ հաստատվել էր ՏՏ ոլորտում աշխատող ընկերությունների աջակցության ծրագիրը։
Ծրագրի մեկնարկից օրեր անց` 2022–ի դեկտեմբերի 16-ին, Sputnik Արմենիայի հետ զրույցում ՀՀ բարձր տեխնոլոգիական արդյունաբերության նախարար Ռոբերտ Խաչատրյանը հայտնել էր, որ նախարարությունն արդեն ավելի քան 90 հայտ է ստացել ոլորտի ընկերություններից, որոնք ցանկություն են հայտնել օգտվելու պետության աջակցությունից։
Իրական շահառուների թիվը նախարարությունից չհաջողվեց ճշտել։ «Հետքի» հարցմանը ևս գերատեսչությունում չեն պատասխանել։ Լրատվամիջոցը սեփական հետաքննությամբ պարզել էր դրանցից 111–ի տվյալները։
