https://arm.sputniknews.ru/20231113/53000-ruseren-dasagirq-hh-dprvocnerin-rusakan-mardasirakan-araqelutjuny-akcia-e-anum-68544652.html

53.000 ռուսերեն դասագիրք ՀՀ դպրոցներին. Ռուսական մարդասիրական առաքելությունը ակցիա է անում

53.000 ռուսերեն դասագիրք ՀՀ դպրոցներին. Ռուսական մարդասիրական առաքելությունը ակցիա է անում

Sputnik Արմենիա

Մարդասիրական ակցիայի շրջանակում Ռոսսոտրուդնիչեստվոն մի շարք դպրոցներում արդեն իսկ դասագրքեր է տրամադրել Երևանի, ինչպես նաև Աբովյանի տարբեր դպրոցների, դեռ մի... 13.11.2023, Sputnik Արմենիա

2023-11-13T16:21+0400

2023-11-13T16:21+0400

2023-11-13T16:53+0400

տեսանյութեր

դասագիրք

գիրք

հայաստան

https://cdn.am.sputniknews.ru/img/07e7/0b/0d/68540371_0:0:1281:720_1920x0_80_0_0_6aadb76a35b7d2ac321a140329b08601.jpg

Հայաստանում «Ռուսական մարդասիրական առաքելության» և «Ռոսսոտրուդնիչեստվոյի» թիմը Հայաստանի մի շարք դպրոցներին ռուսերենով տարբեր առարկաների դասագրքեր է տրամադրել։Ընդհանուր առմամբ հայաստանյան դպրոցների համար 53.000 գիրք է բերվել «Աշխարհագրություն», «Ֆիզիկա», «Քիմիա», «Երկրաչափություն», «Հանրահաշիվ», «Նորագույն պատմություն» և այլ առարկաների համար։Այդ գրքերից 800-ն այսօր հանձնվել է Հայ–ռուսական սլավոնական համալսարանին կից «Ուսմունք» դպրոցին։ Մնացածը բաշխվելու է Երևանի 27 դպրոցում և մարզերում` Արարատի, Շիրակի, Արմավիրի, Սյունիքի, Կոտայքի, Վայոց Ձորի, Լոռու Տավուշի և այլն։«Ուսմունք» դպրոցի տնօրեն Նաիրա Դաշյանը Sputnik Արմենիայի հետ զրույցում նշեց, որ իրենք հայտ են ներկայացրել, որպեսզի իրենց տրամադրվեն ռուսերենով գրքեր, քանի որ ռուսական դասարաններ շատ ունեն։«Հայտի համաձայն և ի ուրախություն մեզ, 815 դասագիրք ենք ստացել։ Դասագրքերը նախատեսված են տարրական, միջին և ավագ դպրոցների համար։ Ոչ միայն «Ռուսաց լեզվի» «Ռուս գրականության» դասագրքերն են, այլև ուրիշ առարկաների դասագրքերն են ռուսերենով։ Մեր դպրոցում կան դասարաններ, որտեղ երեխաների ուսուցումը ռուսերենով է իրականացվում,և այնտեղ ՌԴ դասագրքերի խնդիրը շատ ակտուալ էր»,– ասաց Դաշյանը։Նրա խոսքով` ռուսական դասարանները հայաստանյան դպրոցներում շատ կարևոր են և դրանք պետք է գոյություն ունենան, ինչպես նաև ռուսերենով դասագրքեր պետք է լինեն։ Դպրոցի տնօրենի կարծիքով` ռուսերենը չպետք է դիտարկել որպես օտար լեզու,և աշակերտներն էլ մեծ հաճույքով են սովորում։Ռուսական հումանիտար առաքելության գործադիր տնօրեն Սերգեյ Շևչուկն էլ ընդգծեց`Հայաստանի 50 դպրոցի միջև են այս դասագրքերը բաժանելու։«Այս նախագիծն իրականացվում է կրթության ոլորտին աջակցելու ծրագրի շրջանակում։ Այն իրականություն է դառնում ՌԴ կառավարության և «Ռոսսոտրուդնիչեստվոյի» շնորհիվ։ Ցանկանում ենք աջակցել մեր համերկրացիներին, ինչպես նաև ՀՀ այն քաղաքացիներին, որոնք ցանկանում են ռուսաց լեզուն ավելի խորն ուսումնասիրել և առհասարակ ռուսերենով սովորել տարբեր առարկաներ»,– նշեց Շևչուկը։Նշենք, որ այս ծրագրի շրջանակում առաջին մարդասիրական ակցիան եղել է ՀՀ Կոտայքի մարզի Աբովյան քաղաքում` 390 դասագիրք է տրամադրվել։Ակցիաները շարունակվելու են դեռ մի քանի օր ևս։

2023

Լուրեր

am_HY

տեսանյութեր, դասագիրք, գիրք, հայաստան