https://arm.sputniknews.ru/20231103/garegin-b-n-hvogevvor-khvorhrdi-andamneri-het-ajcelel-e-brni-teghahanvats-arcakhcinerin-68165391.html

Գարեգին Բ-ն հոգևոր խորհրդի անդամների հետ այցելել է բռնի տեղահանված արցախցիներին

Գարեգին Բ-ն հոգևոր խորհրդի անդամների հետ այցելել է բռնի տեղահանված արցախցիներին

Sputnik Արմենիա

Ծաղկաձորի թեմապատկան ճամբարում այս պահին ապրում է Արցախից բռնի տեղահանված 38 ընտանիք։ 03.11.2023, Sputnik Արմենիա

2023-11-03T13:09+0400

2023-11-03T13:09+0400

2023-11-03T13:10+0400

հայաստան

արցախ

բռնի տեղահանված

ամենայն հայոց կաթողիկոս գարեգին բ

https://cdn.am.sputniknews.ru/img/07e7/0b/03/68162900_0:0:1200:676_1920x0_80_0_0_3fda3cea2366c18757b0898f752c5299.jpg

ԵՐԵՎԱՆ, 3 նոյեմբերի – Sputnik. Ամենայն հայոց կաթողիկոս Գարեգին Երկրորդը Գերագույն հոգևոր խորհրդի անդամների ուղեկցությամբ այցելել է Արցախից բռնի տեղահանված մեր հայրենակիցներին։ Տեղեկությունը հայտնում է Մայր աթոռի տեղեկատվական կենտրոնը։ Այս անգամ հոգևորականներն այցելել են Կոտայքի թեմի Ծաղկաձորի թեմապատկան ճամբար, որտեղ ապաստան են գտել հայրենազրկված 38 ընտանիքներ։«Կաթողիկոսը, իր օրհնությունն ու հայրական սերը փոխանցելով արցախցիներին, ընդգծել է, որ Մայր աթոռ Սուրբ Էջմիածինն իր աշխարհասփյուռ թեմերով այս օրերին լծված է Արցախից բռնի տեղահանված մեր զավակների հոգևոր, հումանիտար և սոցիալական կարիքների հոգածության աշխատանքներին»,– ասված է հաղորդագրության մեջ։Վեհափառը վստահություն է հայտնել, որ Աստծո օգնությամբ և միասնական ջանքերով արցախցիները կկարողանան հաղթահարել իրենց առջև ծառացած փորձություններն ու մարտահրավերները։Կաթողիկոսն ընդգծել է, որ աջակցության ծրագրերը կլինեն շարունակական:Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ըստ տեղեկությունների` ադրբեջանական ագրեսիայի զոհերի թիվը գերազանցում է 220-ը։Սեպտեմբերի 20–ին Արցախի իշխանությունն ընդունեց կրակի դադարեցման վերաբերյալ առաջարկությունը: Սեպտեմբերի 21–ին Ստեփանակերտի ու Բաքվի ներկայացուցիչները հանդիպեցինԵվլախում, սեպտեմբերի 25–ին` Իվանյանում, սեպտեմբերի 29-ին` կրկինԵվլախում։ Սեպտեմբերի 24-ին սկսվեց արցախցիների բռնի տեղահանումը։Սեպտեմբերի 28–ին Արցախի նախագահ Սամվել Շահրամանյանը հրամանագիր ստորագրեց, ըստ որի` Արցախի Հանրապետությունը 2024 թվականի հունվարի 1-ից կդադարի գոյություն ունենալ։Վերջին տվյալներով` ՀՀ–ում Արցախից բռնի տեղահանված 101 848 անձ է հաշվառվել և նույնականացվել։

2023

Լուրեր

am_HY

հայաստան, արցախ, բռնի տեղահանված, ամենայն հայոց կաթողիկոս գարեգին բ