«Արարատի ստորոտին». Երևանում ռուսաստանցի լուսանկարիչների ցուցահանդես է բացվել
Երևանում ռուսաստանցի լուսանկարիչների ցուցահանդես է բացվել
© Photo : предоставлено пресс-службой Медиа-ассамблея "Россия-Армения: партнерство во имя будущего"
Բաժանորդագրվել
Ռուսաստանցի լուսանկարիչները 6 օր շրջագայել են Հայաստանով, պետության տարբեր անկյուններում լուսանկարահանում իրականացրել։ Լավագույն աշխատանքները ներառվել են ցուցանմուշների շարքում։
ԵՐԵՎԱՆ, 1 նոյեմբերի – Sputnik. Երևանի Հենրի Իգիթյանի անվան գեղագիտության ազգային կենտրոնում բացվել է «Արարատի ստորոտին» ցուցահանդեսը, որին ներկայացված են ռուսաստանցի լուսանկարիչների աշխատանքները։ Այս մասին հայտնում է ՌԻԱ Նովոստին։
«Այս նախագիծն իրականացվում է «Ռուսաստան–Հայաստան. գործընկերություն հանուն ապագայի» մեդիա–գագաթնաժողովի շրջանակում։ Ռուսաստանցի գործընկերները Հայաստան են ժամանել, որպեսզի պատմեն, թե ինչպիսին են նրանք տեսնում երկիրն ու նրա բնակիչներին։ 6 օր լուսանկարիչները շրջագայել են հանրապետությունով։ Լավագույն աշխատանքները ցուցադրված են ցուցահանդեսում», – ասել է համաժողովի կազմակերպիչ, Ռուսաստանի լրագրողների միության քարտուղար Աշոտ Ջազոյանը։
Աշոտ Ջազոյանը
© Photo : предоставлено пресс-службой Медиа-ассамблея "Россия-Армения: партнерство во имя будущего"
Ցուցահանդեսին իրենց աշխատանքներն են ներկայացրել Վիլ Ռավիլովը (Պրոկոպևսկ), Դենիս Յակովլևը (Կրասնոդար), Դանիլ Սավչենկոն (Վոլգոգրադ), Աննա Սադովնիկովան (Սևաստոպոլ), Մարիա Շերիխը (Սանկտ Պետերբուրգ) և Յուրի Մոլոդկովեցը (Սանկտ Պետերբուրգ)։
Սավչենկոն, պատմելով իր տպավորությունների մասին, ասել է, որ Հայաստանն անհավանական հյուրասեր երկիր է, որտեղ հյուրերին ամեն օր դիմավորում էին առատ սեղաններով, ազգային երգ ու պարով։
«Այս ամենը չի կարող դրական տպավորություն չթողնել։ Ինձ` որպես նկարչի, հետաքրքիր էին ճարտարապետությունը, պատմությունը և տեղի բնակիչները, որոնք անհավանական կոլորիտային էին։ Ամեն անգամ շփվելով տեղացիների հետ` նրանց հետ վերապրում էի իրենց պատմությունները։ 6 օր լուսանկարել ենք Հայաստանի տարբեր վայրերում», – նշել է նա։
Մեդիա–գագաթնաժողովին մասնակցում էին նաև հայ լրագրողները, նրանց աշխատանքները ևս ցուցադրվել են Իգիթյանի անվան կենտրոնում։ Ներկայացվել են Աննա Կուստովայի, Ելիզավետա Հայրապետյանի, Էլիզա Կրիկորյանի, Արսեն Սարգսյանի և Ալիսա Գրիգորյանի լուսանկարները։
Երևանում ռուսաստանցի լուսանկարիչների ցուցահանդեսը
© Photo : предоставлено пресс-службой Медиа-ассамблея "Россия-Армения: партнерство во имя будущего"
«Ռուսաստանցի յուրաքանչյուր լուսանկարիչ Հայաստանը յուրովի էր պատկերել։ Նրանք ներկայացրել են այն էսթետիկ, վառ և ջերմ։ Լուսանկարներում զգացվում է հետաքրքրությունը դեպի հերոսը, մանրուքները, բնապատկերները, ինչը շատ արժեքավոր է։ Նրանք նկատել են այն, ինչն առաջին հայացքից կարող է աննկատ թվալ։ Մենք մեր հայրենիքն ու մշակույթն էլ ավելի ուժեղ ենք սիրել», – նշել է Կրիկորյանը։
«Ռուսաստան–Հայաստան. գործընկերություն հանուն ապագայի» մեդիա–գագաթնաժողովն անցկացվել է հոկտեմբերի 24-31-ը։ Հարթակի կազմակերպիչներն էին Ռուսաստանի լրագրողների միությունն ու Հայաստանի հեռուստատեսության և ռադիոյի ազգային հանձնաժողովը` նախագահական դրամաշնորհների հիմնադրամի աջակցությամբ։
