https://arm.sputniknews.ru/20231031/inchpisin-petq-e-lini-vostikanakan-gvardian-hh-nakhkin-pvokhvostikanapeti-ditarkumnery-68036734.html
Ինչպիսին պետք է լինի ոստիկանական գվարդիան. ՀՀ նախկին փոխոստիկանապետի դիտարկումները
Ինչպիսին պետք է լինի ոստիկանական գվարդիան. ՀՀ նախկին փոխոստիկանապետի դիտարկումները
Sputnik Արմենիա
Նախկին փոխոստիկանապետի խոսքով` ոստիկանական գվարդիան պետք է արտաքին պաշտպանական խնդիրներին ներգրավվի միայն ռազմական դրության ժամանակ։ 31.10.2023, Sputnik Արմենիա
2023-10-31T23:25+0400
2023-10-31T23:25+0400
2023-10-31T23:25+0400
հայաստան
հհ ոստիկանություն
ոստիկանության ազգային գվարդիա
արա ֆիդանյան
հովհաննես քոչարյան
https://cdn.am.sputniknews.ru/img/07e5/02/17/26557211_0:36:1600:937_1920x0_80_0_0_f844febb05fb5b94a30e488a2b2429d1.jpg
ԵՐԵՎԱՆ, 31 հոկտեմբերի – Sputnik. ՀՀ–ում ոստիկանական գվարդիայի ստեղծումը անհրաժեշտություն է, բայց այն ոչ մի պարագայում չպետք է ներգրավվի խաղաղ հավաքների ու ակցիաների ժամանակ անվտանգության ապահովման միջոցառումներին։ Sputnik Արմենիայի հետ զրույցում այս տեսակետը հայտնեց ՀՀ նախկին փոխոստիկանապետ Հովհաննես Քոչարյանը։ՀՀ ներքին գործերի նախարարության գլխավոր քարտուղար Արա Ֆիդանյանը հոկտեմբերի 30-ին ԱԺ–ում հայտարարեց, որ ոստիկանության զորքերը կապառազմականացվեն և կվերակազմակերվեն ոստիկանության գվարդիայի։ Այդ ստորաբաժանմանը կվերապահվեն հասարակական կարգի և անվտանգության պահպանման, պետական շենքերի և կարևորագույն օբյեկտների պահպանության, պետական արարողակարգի շրջանակներում պատվիրակության ուղեկցման, ինչպես նաև ռազմական և արտակարգ դրության իրավական ռեժիմի ապահովման և այլ գործառույթներ։Նախկին փոխոստիկանապետի համոզմամբ` ոստիկանության գվարդիան խաղաղ հավաքների, ակցիաների ժամանակ կարող է միջամտել միայն այն դեպքում, երբ արդեն պետության ներքին ռեսուրսները սպառվում են անվտանգությունը ապահովելու հարցում, և պետք են ծայրահեղ միջոցառումներ, եթե ոստիկանական ուժերն այլևս ի վիճակի չեն այդ խնդիրը լուծել։Քոչարյանը նշեց` ՀՀ–ում ձևավորվել է ավանդույթ, որ խաղաղ հավաքներին միջամտում և միջոցառումներ են իրականացնում հենց այն նույն ոստիկանության զորքերը, որից ձևավորվելու է ոստիկանության գվարդիան։«Այդ անթույլատրելի պրակտիկան պետք է դադարեցվի։ Գվարդիան նրա համար չէ, որ խաղաղ հավաքների ժամանակ տեղի ունեցած ինչ–որ անհնազանդության դեպքերով գա և միջոցառում ձեռնարկի։ Նրա խնդիրը պետք է լինի բացառապես բռնությունների կանխարգելումն ու բռնության մասնակիցների ձերբակալումը, ընդ որում` զինված հարձակումների պարագայում»,–նշեց մեր զրուցակիցը։Քոչարյանի խոսքով` նորաստեղծ ոստիկանական գվարդիան պետք է արտաքին պաշտպանական խնդիրներին ներգրավվի միայն այն դեպքում, երբ երկրում ռազմական դրություն հայտարարվի։Իր խոսքը նա հիմնավորեց` հիշեցնելով 44–օրյա պատերազմում Շուշիի հայտնի դեպքը։«Եթե մի սպա հավաքների ժամանակ բռնությունները կանխարգելելու, խափանելու պատրաստություն է անցնում 7 տարի և մեկ էլ հայտնվում է առաջնագծում, որ մարտական խնդիրներ լուծի, ընդ որում` առանց լրացուցիչ պատրաստության, դա լրջագույն պրոբլեմ է։ Հետևաբար, եթե մենք ոստիկանությունը դնելու ենք պրոֆեսիոնալիզմի հիմքերի վրա, ապա դրան հասնելու խնդիրներից մեկն էլ այդ ռեֆորմն է»,– ընդգծեց Քոչարյանը։Նախկին փոխոստիկանապետի դիտարկմամբ` ոստիկանները կարող են մասնակցել պաշտպանությանը ռազմական դրության ժամանակ, օրինակ` թիկունքում պաշտպանելով զինված ուժերի վերահսկողության տակ գտնվող տարածքների անվտանգությունը կամ բեռներ ուղեկցելով, ռազմավարական օբյեկտներ պաշտպանելով։ Այսինքն` ներքին իրավակարգի ապահովման խնդիրներ լուծել, բայց երբեք չդառնալ բանակի մաս և լուծել ռազմական, մարտական խնդիրներ։Քոչարյանը նաև նշեց, որ աշխարհում հանցավորության դեմ պայքարում հատուկ նշանակության միջոցառումներն այսօր առաջնային պլան են մղվում, որովհետև հանցավորությունը գնալով կազմակերպված բնույթ է ստանում, իսկ հակազդման ավանդական մեթոդները վաղուց կորցրել են իրենց ուժը։ Նրա խոսքով` պետք է առաջին հերթին կրթական ցենզը բարձրացնել։ Ու քանի որ մարտահրավերները փոխվում են, հետևաբար ոստիկանները պետք է ադեկվատ արձագանքեն հանցավորության առկա վիճակին։Քոչարյանը հստակեցրեց, թե ինքն ինչպիսի ստորաբաժանում է պատկերացնում։ Ըստ նրա` գվարդիականները պետք է տարբերվեն և՛ իրենց պատրաստվածության աստիճանով, և՛ սպառազինությամբ, և՛ համազգեստով։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հհ ոստիկանություն, ոստիկանության ազգային գվարդիա, արա ֆիդանյան, հովհաննես քոչարյան
հայաստան, հհ ոստիկանություն, ոստիկանության ազգային գվարդիա, արա ֆիդանյան, հովհաննես քոչարյան
Ինչպիսին պետք է լինի ոստիկանական գվարդիան. ՀՀ նախկին փոխոստիկանապետի դիտարկումները
Նախկին փոխոստիկանապետի խոսքով` ոստիկանական գվարդիան պետք է արտաքին պաշտպանական խնդիրներին ներգրավվի միայն ռազմական դրության ժամանակ։
ԵՐԵՎԱՆ, 31 հոկտեմբերի – Sputnik. ՀՀ–ում ոստիկանական գվարդիայի ստեղծումը անհրաժեշտություն է, բայց այն ոչ մի պարագայում չպետք է ներգրավվի խաղաղ հավաքների ու ակցիաների ժամանակ անվտանգության ապահովման միջոցառումներին։ Sputnik Արմենիայի հետ զրույցում այս տեսակետը հայտնեց
ՀՀ նախկին փոխոստիկանապետ Հովհաննես Քոչարյանը։
ՀՀ ներքին գործերի նախարարության գլխավոր քարտուղար
Արա Ֆիդանյանը հոկտեմբերի 30-ին ԱԺ–ում հայտարարեց, որ ոստիկանության զորքերը կապառազմականացվեն և կվերակազմակերվեն ոստիկանության գվարդիայի։ Այդ ստորաբաժանմանը կվերապահվեն հասարակական կարգի և անվտանգության պահպանման, պետական շենքերի և կարևորագույն օբյեկտների պահպանության, պետական արարողակարգի շրջանակներում պատվիրակության ուղեկցման, ինչպես նաև ռազմական և արտակարգ դրության իրավական ռեժիմի ապահովման և այլ գործառույթներ։
Նախկին փոխոստիկանապետի համոզմամբ` ոստիկանության գվարդիան խաղաղ հավաքների, ակցիաների ժամանակ կարող է միջամտել միայն այն դեպքում, երբ արդեն պետության ներքին ռեսուրսները սպառվում են անվտանգությունը ապահովելու հարցում, և պետք են ծայրահեղ միջոցառումներ, եթե ոստիկանական ուժերն այլևս ի վիճակի չեն այդ խնդիրը լուծել։
«Դիպուկահարների ներգրավումը կամ հատուկ միջոցների գործադրումը պետք է տվյալ իրավիճակում որպես ծայրահեղ անհրաժեշտություն դիտվի»,– հավելեց նա։
Քոչարյանը նշեց` ՀՀ–ում ձևավորվել է ավանդույթ, որ խաղաղ հավաքներին միջամտում և միջոցառումներ են իրականացնում հենց այն նույն ոստիկանության զորքերը, որից ձևավորվելու է ոստիկանության գվարդիան։
«Այդ անթույլատրելի պրակտիկան պետք է դադարեցվի։ Գվարդիան նրա համար չէ, որ խաղաղ հավաքների ժամանակ տեղի ունեցած ինչ–որ անհնազանդության դեպքերով գա և միջոցառում ձեռնարկի։ Նրա խնդիրը պետք է լինի բացառապես բռնությունների կանխարգելումն ու բռնության մասնակիցների ձերբակալումը, ընդ որում` զինված հարձակումների պարագայում»,–նշեց մեր զրուցակիցը։
Քոչարյանի խոսքով` նորաստեղծ ոստիկանական գվարդիան պետք է արտաքին պաշտպանական խնդիրներին ներգրավվի միայն այն դեպքում, երբ երկրում ռազմական դրություն հայտարարվի։
«Խնդիրն այն է, որ ոստիկանության զորքերը մարտական գործողությունների համար հարմարեցված չեն։ ՀՀ արտաքին ագրեսիայի դեպքում նրանք մարտական խնդիրներ իրականացնելու ո՛չ հաջող փորձ ունեն, ո՛չ էլ պատրաստություն են անցնում դրա համար»,–ասաց նա։
Իր խոսքը նա հիմնավորեց` հիշեցնելով 44–օրյա պատերազմում
Շուշիի հայտնի դեպքը։
«Եթե մի սպա հավաքների ժամանակ բռնությունները կանխարգելելու, խափանելու պատրաստություն է անցնում 7 տարի և մեկ էլ հայտնվում է առաջնագծում, որ մարտական խնդիրներ լուծի, ընդ որում` առանց լրացուցիչ պատրաստության, դա լրջագույն պրոբլեմ է։ Հետևաբար, եթե մենք ոստիկանությունը դնելու ենք պրոֆեսիոնալիզմի հիմքերի վրա, ապա դրան հասնելու խնդիրներից մեկն էլ այդ ռեֆորմն է»,– ընդգծեց Քոչարյանը։
Նախկին փոխոստիկանապետի դիտարկմամբ` ոստիկանները կարող են մասնակցել պաշտպանությանը ռազմական դրության ժամանակ, օրինակ` թիկունքում պաշտպանելով զինված ուժերի վերահսկողության տակ գտնվող տարածքների անվտանգությունը կամ բեռներ ուղեկցելով, ռազմավարական օբյեկտներ պաշտպանելով։ Այսինքն` ներքին իրավակարգի ապահովման խնդիրներ լուծել, բայց երբեք չդառնալ բանակի մաս և լուծել ռազմական, մարտական խնդիրներ։
Քոչարյանը նաև նշեց, որ աշխարհում հանցավորության դեմ պայքարում հատուկ նշանակության միջոցառումներն այսօր առաջնային պլան են մղվում, որովհետև հանցավորությունը գնալով կազմակերպված բնույթ է ստանում, իսկ հակազդման ավանդական մեթոդները վաղուց կորցրել են իրենց ուժը։ Նրա խոսքով` պետք է առաջին հերթին կրթական ցենզը բարձրացնել։ Ու քանի որ մարտահրավերները փոխվում են, հետևաբար ոստիկանները պետք է ադեկվատ արձագանքեն հանցավորության առկա վիճակին։
Քոչարյանը հստակեցրեց, թե ինքն ինչպիսի ստորաբաժանում է պատկերացնում։ Ըստ նրա` գվարդիականները պետք է տարբերվեն և՛ իրենց պատրաստվածության աստիճանով, և՛ սպառազինությամբ, և՛ համազգեստով։
