Խոշտանգվել են, մահացել ԼՂ–ից ՀՀ գալու ճանապարհին․ ՀՀ ԱԳՆ խոսնակը տվյալներ է հրապարակել
19:57 30.10.2023 (Թարմացված է: 20:01 30.10.2023)
Բռնի տեղահանված արցախցիները ճանապարհին. Արխիվային լուսանկար
© Sputnik
Բաժանորդագրվել
Անի Բադալյանը հրապարակել է ՀՀ քննչական կոմիտեի ներկայացրած տվյալները մասնավորապես ԼՂ–ից ՀՀ բռնի տեղահանված երեխաների մասին։
ԵՐԵՎԱՆ, 30 հոկտեմբերի – Sputnik. 14 մարդ խոշտանգվել է, 64–ը զոհվել Լեռնային Ղարաբաղից դեպի Հայաստան հարկադիր տեղափոխման ժամանակ։ «X»–ի իր միկրոբլոգում այս մասին գրառում է կատարել ՀՀ արտաքին գործերի նախարարության մամուլի խոսնակ Անի Բադալյանը։
Investigative committee of Armenia published data on numbers of killed & wounded, among them civilians, including children, as result of large-scale military attack by Azerbaijan against #NagornoKarabakh on September 19. 14 individuals were tortured & 64 died on the move from NK. pic.twitter.com/EaeJjLk0VA
— Ani Badalyan, Spokesperson of MFA of Armenia (@ArmSpoxMFA) October 30, 2023
«ՀՀ քննչական կոմիտեն հրապարակել է տվյալներ սեպտեմբերի 19–ին Լեռնային Ղարաբաղի վրա Ադրբեջանի սանձազերծած լայնածավալ ռազմական հարձակման հետևանքով զոհվածների և վիրավորների, այդ թվում՝ խաղաղ բնակիչների, մասնավորապես երեխաների թվի մասին»,– գրել է նա:
Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ըստ տեղեկությունների` ադրբեջանական ագրեսիայի զոհերի թիվը գերազանցում է 220-ը։
Սեպտեմբերի 20–ին Արցախի իշխանությունն ընդունեց կրակի դադարեցման վերաբերյալ առաջարկությունը: Սեպտեմբերի 21–ին Ստեփանակերտի ու Բաքվի ներկայացուցիչները հանդիպեցինԵվլախում, սեպտեմբերի 25–ին` Իվանյանում, սեպտեմբերի 29-ին` կրկինԵվլախում։ Սեպտեմբերի 24-ին սկսվեց արցախցիների բռնի տեղահանումը։
Սեպտեմբերի 28–ին Արցախի նախագահ Սամվել Շահրամանյանը հրամանագիր ստորագրեց, ըստ որի` Արցախի Հանրապետությունը 2024 թվականի հունվարի 1-ից կդադարի գոյություն ունենալ։
Վերջին տվյալներով` ՀՀ–ում Արցախից բռնի տեղահանված 101 848 անձ է հաշվառվել և նույնականացվել։
