https://arm.sputniknews.ru/20231027/andranik-qvocharjany-hajtnec-um-shnvorhiv-e-hnaravvor-bacahajtel-hvoktemberi-27-i-gvortsy-67857745.html
Անդրանիկ Քոչարյանը հայտնեց` ում շնորհիվ է հնարավոր բացահայտել հոկտեմբերի 27-ի գործը
Անդրանիկ Քոչարյանը հայտնեց` ում շնորհիվ է հնարավոր բացահայտել հոկտեմբերի 27-ի գործը
Sputnik Արմենիա
ՔՊ–ական պատգամավորը հույս հայտնեց, որ դեռ հնարավոր է ցանկալի բացահայտումներ անել։ 27.10.2023, Sputnik Արմենիա
2023-10-27T16:08+0400
2023-10-27T16:08+0400
2023-10-27T16:10+0400
անդրանիկ քոչարյան
աժ (ազգային ժողով)
«հոկտեմբերի 27». ահաբեկչություն, դատավարություն
հոկտեմբերի 27
վկա
վազգեն սարգսյան
կարեն դեմիրճյան
https://cdn.am.sputniknews.ru/img/07e7/0a/1b/67852664_0:0:1245:700_1920x0_80_0_0_c7ec8c4c1b1ee52ee73745ae54e3a837.jpg
ԵՐԵՎԱՆ, 27 հոկտեմբերի – Sputnik. ՀՀ ԱԺ «Քաղաքացիական պայմանագիր» խմբակցության պատգամավոր Անդրանիկ Քոչարյանին հետաքրքրում է, թե ուր է «Հոկտեմբերի 27»-ի գործով կարևոր վկա Ալեքսան Հարությունյանը։ Այս մասին նա ասաց ԱԺ բակում 1999 թվականի հոկտեմբերի 27-ին տեղի ունեցած ոճրագործության զոհերին նվիրված հուշակոթողի մոտ ծաղիկ խոնարհելուց հետո։Նշենք, որ Ալեքսան Հարությունյանը եղել է ՀՀ նախագահի խորհրդական, Ազգային անվտանգության խորհրդի քարտուղար։ Հոկտեմբերի 27-ից հետո գործում ներգրավված է եղել որպես մեղադրյալ և ձերբակալվել: 2000 թվականի ապրիլին, սակայն, նրա խափանման միջոցը փոխվել էր: Հարությունյանի դեմ ցուցմունք էր տվել 1 հոգի՝ Նաիրի Հունանյանը (հանցախումբը գլխավորողն է, նա ցմահ ազատազրկված է` խմբ.): Վերջինս ասել էր, թե Ալեքսան Հարությունյանն ակտիվ մասնակցություն է ունեցել հոկտեմբերի 27-ի գործը կազմակերպելու մեջ:Ըստ նրա՝ տեղի ունեցած ահաբեկչության բացահայտման համար որպես ժառանգություն թողնված է բավականին շատ գործ, որը մեծ հույս է ներշնչում ցանկալի արդյունքին հասնելու համար։«Շատերը մեկուսարաններում մահացան, Հունանյան եղբայրների քեռին էլեկտրահարվեց։ Կալանքի տակ գտնվողները հոկտեմբերի 27–ից հետո հնարավորություն ունեցան ազատ արձակվելու, բայց ենթադրում եմ, որ դրանից հետո պետք է քննությունը նորից լսեր այդ մարդկանց։ Կարեն Դեմիրճյանի կուսակցության անդամներից մեկը` Հմայակ Հովհաննիսյանը, հիմա էլ ցանկանում է առերեսում անցնել։ Քրեական գործողությունների խումբը հերթականությամբ անում է քայլերը»,– ասաց նա։Նշենք, որ Ալեքսան Հարությունյանը 10 տարի եղել է Հայաստանի Հանրային հեռուստառադիոընկերության խորհրդի նախագահը։ 2014-ից սկսել է դիվանագիտական գործունեություն ծավալել՝ Արգենտինայում, Ուրուգվայում, Պերուում, Չիլիիում ստանձնելով ՀՀ դեսպանի պարտականություններ:Հիշեցնենք` 1999թ.-ի հոկտեմբերի 27-ին հանցախումբը` Նաիրի Հունանյանի գլխավորությամբ, ՀՀ ազգային ժողովի նիստերի դահլիճում սպանեց ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին:Հարուցված քրեական գործի նախաքննությունը տևեց 1.5 տարի, դատավարությունը` 2.5։Ի՞նչ էր կատարվում 99–ի հոկտեմբերի 27-ին և դրանից հետո. 20–ամյա ողբերգության տեսախրոնիկա2003թ–ին ավարտված դատավարության արդյունքում դատարանը որոշեց Նաիրի Հունանյանին, նրա եղբորը` Կարեն Հունանյանին, նրանց քեռուն` Վռամ Գալստյանին, ինչպես նաև Դերենիկ Բեջանյանին, Էդիկ Գրիգորյանին, Նորայր Եղիազարյանին ու Աշոտ Կնյազյանին դատապարտել ցմահ, Համլետ Ստեփանյանին` 14 տարվա ազատազրկման։Հանցագործությանը հաջորդած 20 տարվա ընթացքում խմբի 8 անդամներից 4-ը մահացան տարբեր հանգամանքներում։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
անդրանիկ քոչարյան, աժ (ազգային ժողով), «հոկտեմբերի 27». ահաբեկչություն, դատավարություն, հոկտեմբերի 27, վկա, վազգեն սարգսյան, կարեն դեմիրճյան
անդրանիկ քոչարյան, աժ (ազգային ժողով), «հոկտեմբերի 27». ահաբեկչություն, դատավարություն, հոկտեմբերի 27, վկա, վազգեն սարգսյան, կարեն դեմիրճյան
Անդրանիկ Քոչարյանը հայտնեց` ում շնորհիվ է հնարավոր բացահայտել հոկտեմբերի 27-ի գործը
16:08 27.10.2023 (Թարմացված է: 16:10 27.10.2023) ՔՊ–ական պատգամավորը հույս հայտնեց, որ դեռ հնարավոր է ցանկալի բացահայտումներ անել։
ԵՐԵՎԱՆ, 27 հոկտեմբերի – Sputnik. ՀՀ ԱԺ «Քաղաքացիական պայմանագիր» խմբակցության պատգամավոր Անդրանիկ Քոչարյանին հետաքրքրում է, թե ուր է «Հոկտեմբերի 27»-ի գործով կարևոր վկա Ալեքսան Հարությունյանը։ Այս մասին նա ասաց ԱԺ բակում 1999 թվականի հոկտեմբերի 27-ին տեղի ունեցած ոճրագործության զոհերին նվիրված հուշակոթողի մոտ ծաղիկ խոնարհելուց հետո։
Նշենք, որ Ալեքսան Հարությունյանը եղել է ՀՀ նախագահի խորհրդական, Ազգային անվտանգության խորհրդի քարտուղար։ Հոկտեմբերի 27-ից հետո գործում ներգրավված է եղել որպես մեղադրյալ և ձերբակալվել: 2000 թվականի ապրիլին, սակայն, նրա խափանման միջոցը փոխվել էր: Հարությունյանի դեմ ցուցմունք էր տվել 1 հոգի՝ Նաիրի Հունանյանը (հանցախումբը գլխավորողն է, նա ցմահ ազատազրկված է` խմբ.): Վերջինս ասել էր, թե Ալեքսան Հարությունյանն ակտիվ մասնակցություն է ունեցել հոկտեմբերի 27-ի գործը կազմակերպելու մեջ:
«Շատ կարևոր վկաների մի մասը տարօրինակ հանգամանքներում մահացել է, ինչ–որ անձանց մասին էլ ոչինչ չգիտենք։ Օրինակ` ո՞ւր է Ալեքսան Հարությունյանը, նա կարևոր վկա է և քանի դեռ նա կա` գործը շանս ունի բացահայտվելու»,– ասաց Քոչարյանը։
Ըստ նրա՝ տեղի ունեցած ահաբեկչության բացահայտման համար որպես ժառանգություն թողնված է բավականին շատ գործ, որը մեծ հույս է ներշնչում ցանկալի արդյունքին հասնելու համար։
«Շատերը մեկուսարաններում մահացան, Հունանյան եղբայրների քեռին էլեկտրահարվեց։ Կալանքի տակ գտնվողները հոկտեմբերի 27–ից հետո հնարավորություն ունեցան ազատ արձակվելու, բայց ենթադրում եմ, որ դրանից հետո պետք է քննությունը նորից լսեր այդ մարդկանց։ Կարեն Դեմիրճյանի կուսակցության անդամներից մեկը` Հմայակ Հովհաննիսյանը, հիմա էլ ցանկանում է առերեսում անցնել։ Քրեական գործողությունների խումբը հերթականությամբ անում է քայլերը»,– ասաց նա։
Քոչարյանը հույս հայտնեց` հաջորդ տարի հոկտեմբերի 27–ին, հասարակությանը կներկայացվի ցանկալի արդյունք, որին հայ ժողովուրդը սպասում է։ Նա միևնույն ժամանակ ընդգծեց` հոկտեմբերի 27-ի գործը ժողովրդի համար բացահայտված է, խնդիրը նրանում է, թե իրավական առումով բացահայտումներն ինչ ընթացք պետք է ունենան։
Նշենք, որ Ալեքսան Հարությունյանը 10 տարի եղել է Հայաստանի Հանրային հեռուստառադիոընկերության խորհրդի նախագահը։ 2014-ից սկսել է դիվանագիտական գործունեություն ծավալել՝ Արգենտինայում, Ուրուգվայում, Պերուում, Չիլիիում ստանձնելով ՀՀ դեսպանի պարտականություններ:
Հիշեցնենք` 1999թ.-ի հոկտեմբերի 27-ին հանցախումբը` Նաիրի Հունանյանի գլխավորությամբ, ՀՀ ազգային ժողովի նիստերի դահլիճում սպանեց ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին:
Հարուցված քրեական գործի նախաքննությունը տևեց 1.5 տարի, դատավարությունը` 2.5։
2003թ–ին ավարտված դատավարության արդյունքում դատարանը որոշեց Նաիրի Հունանյանին, նրա եղբորը` Կարեն Հունանյանին, նրանց քեռուն` Վռամ Գալստյանին, ինչպես նաև Դերենիկ Բեջանյանին, Էդիկ Գրիգորյանին, Նորայր Եղիազարյանին ու Աշոտ Կնյազյանին դատապարտել ցմահ, Համլետ Ստեփանյանին` 14 տարվա ազատազրկման։
Հանցագործությանը հաջորդած 20 տարվա ընթացքում խմբի 8 անդամներից 4-ը մահացան տարբեր հանգամանքներում։
