https://arm.sputniknews.ru/20231023/hjusisharav-tshanaparhi-amenaharavajin-hatvatsi-shinararutjuny-shutvov-kmeknarki-67599036.html
«Հյուսիս–հարավի» համար շատ կարևոր օր է. կմեկնարկի ամենահարավային հատվածի շինարարությունը
«Հյուսիս–հարավի» համար շատ կարևոր օր է. կմեկնարկի ամենահարավային հատվածի շինարարությունը
Sputnik Արմենիա
Շինարարությունն իրականացնելու են իրանական 2 ընկերություններ։ 23.10.2023, Sputnik Արմենիա
2023-10-23T12:43+0400
2023-10-23T12:43+0400
2023-10-23T14:46+0400
«հյուսիս–հարավ» ավտոճանապարհ
իրանի իսլամական հանրապետություն
հայաստան–իրան գործակցություն
նախագիծ
քաջարան
գոռ ավետիսյան
https://cdn.am.sputniknews.ru/img/07e7/0a/17/67602986_0:99:1600:999_1920x0_80_0_0_d0cad81095cd520f9accd4372bc1e60b.jpg
ԵՐԵՎԱՆ, 23 հոկտեմբերի – Sputnik. «Հյուսիս–հարավ» ավտոճանապարհի «ամենահարավային» հատվածի շինարարությունը շուտով կմեկնարկի. ստորագրվել է Հայաստան–Իրան սահմանից դեպի Քաջարան ընկած հատվածի պայմանագիրը։ Լրագրողների հետ զրույցում այս մասին ասաց «Ճանապարհային դեպարտամենտ» հիմնադրամի տնօրեն Գոռ Ավետիսյանը։Շուտով կհայտարարվի «Հյուսիս–հարավի»` Սիսիան-Քաջարան հատվածի կառուցման մրցույթը. նախարարՆշենք, որ «Ճանապարհային դեպարտամենտ» հիմնադրամի և «Աբադ Ռահան Պարս» Ինթերնեյշնլ Գրուպ ու «Թունել Սադ Արիանա» համատեղ ձեռնարկության միջև պայմանագիր է ստորագրվել։ Ընդհանուր առմամբ, «Հյուսիս-հարավ» ճանապարհային միջանցքի ներդրումային ծրագրի 4-րդ տրանշի շրջանակներում կառուցվելու է Ագարակից-Վարդանիձոր (մոտ 21կմ), ինչպես նաև Վարդանիձորից մինչև թունելի ելք (մոտ 11կմ) ճանապարհները:Նա ընդգծեց, որ լինելու է նաև Քաջարանի թունել, որն առանձին նախագիծ է և այժմ փաստաթղթեր են նախապատրաստվում մրցույթ հայտարարելու համար։Հիմնադրամի տնօրենը նաև ասաց, որ ճանապարհն ունենալու է 3 հիմնական երթևեկելի գոտի և լինելու է առաջին կարգի պարամետրերին համապատասխան ճանապարհ։ Անդրադառնալով «Հյուսիս–հարավ» ճանապարհի մյուս հատվածներին` Ավետիսյանը շեշտեց` առաջիկայում բոլոր հատվածներում փոփոխություններ լինելու են, բայց քանի որ այս պահին որոշակի քաղաքական խնդիրներ կան, ինքն ավելին չի ցանկանում ասել։ Նա միայն նշեց, որ հաջորդ տարի նախատեսվում է Սիսիանից Արտաշատ հատվածի նախագծումը նույնպես ավարտել, որպեսզի հնարավոր լինի հարավային ամբողջ հատվածի վերջնաժամկետի մասին խոսել։ Ներկա պահին քննարկումներ են դոնորների հետ` ամբողջական նախագիծն ունենալու համար։ Ինչ վերաբերում է Սիսիան–Քաջարան ճանապարհին, ապա այժմ այդ մասով որոշ տեխնիկական խնդիրներ կան։«Չոր նավահանգիստը» գտնվում է խորը ուսումնասիրման փուլում. Քերոբյանը հավատում է գաղափարինՆշենք, որ «Հյուսիս-հարավ» ճանապարհային միջանցքը Հայաստանում իրականացվող խոշոր ենթակառուցվածքային ծրագիր է, որի նպատակն է հարևան երկրների հետ հաղորդակցման դյուրինացումը, Կենտրոնական Ասիա, Եվրոպա ձգվող հաղորդակցության ուղիներով դեպի արտաքին շուկաներ ելքի հնարավորությունների ընդլայնումը, տնտեսության հիմնական ոլորտների զարգացումն ու արտահանման ընդլայնումը և այլն:Ռազմավարական կարևոր նշանակություն ունեցող այս ճանապարհի կառուցումը կապահովի Հայաստանի հարավային սահմանից դյուրին երթևեկությունը մինչև Վրաստանի սահման, ապա նաև դեպի սևծովյան նավահանգիստներ։ Դա թույլ կտա իրականացնել բարձր չափանիշներին համապատասխանող բեռնափոխադրումներ և ուղևորափոխադրումներ, զարգացման լուրջ հնարավորություններ կընձեռի Հայաստանի հարավից հյուսիս ընկած բոլոր բնակավայրերին:
«հյուսիս–հարավ» ավտոճանապարհ
իրանի իսլամական հանրապետություն
քաջարան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«հյուսիս–հարավ» ավտոճանապարհ, իրանի իսլամական հանրապետություն, հայաստան–իրան գործակցություն, նախագիծ, քաջարան, գոռ ավետիսյան
«հյուսիս–հարավ» ավտոճանապարհ, իրանի իսլամական հանրապետություն, հայաստան–իրան գործակցություն, նախագիծ, քաջարան, գոռ ավետիսյան
«Հյուսիս–հարավի» համար շատ կարևոր օր է. կմեկնարկի ամենահարավային հատվածի շինարարությունը
12:43 23.10.2023 (Թարմացված է: 14:46 23.10.2023) Շինարարությունն իրականացնելու են իրանական 2 ընկերություններ։
ԵՐԵՎԱՆ, 23 հոկտեմբերի – Sputnik. «Հյուսիս–հարավ» ավտոճանապարհի «ամենահարավային» հատվածի շինարարությունը շուտով կմեկնարկի. ստորագրվել է Հայաստան–Իրան սահմանից դեպի Քաջարան ընկած հատվածի պայմանագիրը։ Լրագրողների հետ զրույցում այս մասին ասաց «Ճանապարհային դեպարտամենտ» հիմնադրամի տնօրեն Գոռ Ավետիսյանը։
Նշենք, որ «Ճանապարհային դեպարտամենտ» հիմնադրամի և «Աբադ Ռահան Պարս» Ինթերնեյշնլ Գրուպ ու «Թունել Սադ Արիանա» համատեղ ձեռնարկության միջև պայմանագիր է ստորագրվել։ Ընդհանուր առմամբ, «Հյուսիս-հարավ» ճանապարհային միջանցքի ներդրումային ծրագրի 4-րդ տրանշի շրջանակներում կառուցվելու է Ագարակից-Վարդանիձոր (մոտ 21կմ), ինչպես նաև Վարդանիձորից մինչև թունելի ելք (մոտ 11կմ) ճանապարհները:
««Հյուսիս–հարավի» համար այսօր շատ կարևոր օր է։ Կարծես թե վերջապես ճանապարհի հարավային հատվածի շինարարության մեկնարկ ենք տալիս` Հայաստան–Իրան սահմանից դեպի Քաջարան հատվածի պայմանագիրն ենք ստորագրել։ Ճանապարհի շինարարությունն իրականացնելու են իրանական 2 ընկերություն։ Մոտ 32 կմ ճանապարհ է, 214 մլն դոլար է կազմում պայմանագիրը։ Շինարարությունը պետք է իրականացվի 3 տարի ժամկետում»,– նշեց Ավետիսյանը։
Նա ընդգծեց, որ լինելու է նաև Քաջարանի թունել, որն առանձին նախագիծ է և այժմ փաստաթղթեր են նախապատրաստվում մրցույթ հայտարարելու համար։
Հիմնադրամի տնօրենը նաև ասաց, որ ճանապարհն ունենալու է 3 հիմնական երթևեկելի գոտի և լինելու է առաջին կարգի պարամետրերին համապատասխան ճանապարհ։
Անդրադառնալով «Հյուսիս–հարավ» ճանապարհի մյուս հատվածներին` Ավետիսյանը շեշտեց` առաջիկայում բոլոր հատվածներում փոփոխություններ լինելու են, բայց քանի որ այս պահին որոշակի քաղաքական խնդիրներ կան, ինքն ավելին չի ցանկանում ասել։
Նա միայն նշեց, որ հաջորդ տարի նախատեսվում է Սիսիանից Արտաշատ հատվածի նախագծումը նույնպես ավարտել, որպեսզի հնարավոր լինի հարավային ամբողջ հատվածի վերջնաժամկետի մասին խոսել։ Ներկա պահին քննարկումներ են դոնորների հետ` ամբողջական նախագիծն ունենալու համար։ Ինչ վերաբերում է Սիսիան–Քաջարան ճանապարհին, ապա այժմ այդ մասով որոշ տեխնիկական խնդիրներ կան։
Նշենք, որ «Հյուսիս-հարավ» ճանապարհային միջանցքը Հայաստանում իրականացվող խոշոր ենթակառուցվածքային ծրագիր է, որի նպատակն է հարևան երկրների հետ հաղորդակցման դյուրինացումը, Կենտրոնական Ասիա, Եվրոպա ձգվող հաղորդակցության ուղիներով դեպի արտաքին շուկաներ ելքի հնարավորությունների ընդլայնումը, տնտեսության հիմնական ոլորտների զարգացումն ու արտահանման ընդլայնումը և այլն:
Ռազմավարական կարևոր նշանակություն ունեցող այս ճանապարհի կառուցումը կապահովի Հայաստանի հարավային սահմանից դյուրին երթևեկությունը մինչև Վրաստանի սահման, ապա նաև դեպի սևծովյան նավահանգիստներ։ Դա թույլ կտա իրականացնել բարձր չափանիշներին համապատասխանող բեռնափոխադրումներ և ուղևորափոխադրումներ, զարգացման լուրջ հնարավորություններ կընձեռի Հայաստանի հարավից հյուսիս ընկած բոլոր բնակավայրերին:
