https://arm.sputniknews.ru/20231018/saakashvilin-kvoch-e-arel-pashinjanin-va-bank-gnal-ev-hajt-nerkajacnel-em-67410169.html

Սաակաշվիլին կոչ է արել Փաշինյանին վա-բանկ գնալ և հայտ ներկայացնել Եվրամիություն

Սաակաշվիլին կոչ է արել Փաշինյանին վա-բանկ գնալ և հայտ ներկայացնել Եվրամիություն

Sputnik Արմենիա

Վրաստանի նախկին նախագահը կարծում է, որ հայաստանյան վերջին իրադարձությունները հնարավորություն են տարածաշրջանի համար։ 18.10.2023, Sputnik Արմենիա

2023-10-18T12:32+0400

2023-10-18T12:32+0400

2023-10-18T12:51+0400

միխեիլ սաակաշվիլի

նիկոլ փաշինյան

վրաստանի հանրապետություն

հայաստան

եվրամիություն

https://cdn.am.sputniknews.ru/i/logo/logo-social.png

ԵՐԵՎԱՆ, 18 հոկտեմբերի – Sputnik. Վրաստանի նախկին նախագահ Միխեիլ Սաակաշվիլին կոչ է արել ՀՀ վարչապետ Նիկոլ Փաշինյանին գնալ վա-բանկ` պահանջել ռուսական ռազմակայանի անհապաղ դուրսբերում, դուրս գալ ԱՊՀ–ից, ՀԱՊԿ–ից, մաքսային միությունից և հայտ ներկայացնել Եվրամիություն և ՆԱՏՕ։ Այս մասին ասվում է վրացական բանտից նրա ուղերձում, որը հրապարակվել է X սոցցանցում։Նա հայտարարել է, որ Ռուսաստանի և նրա առաջնորդ Վլադիմիր Պուտինի հետ իր շփման փորձի վրա հիմնվելով՝ որոշել է մի քանի խորհուրդ տալ ՀՀ վարչապետին։ Վրաստանի նախկին նախագահը կարծում է, որ վերջերս արված հայտարարություններից, քաղաքական քայլերից և հատկապես Հռոմի ստատուտի վավերացումից հետո Փաշինյանը դարձել է Պուտինի «ոխերիմ թշնամին», այդ պատճառով Սաակաշվիլին եզրակացնում է, որ ՌԴ–ն կարող է կիրառել «հիբրիդային պատերազմի ողջ զինանոցը»։Միևնույն ժամանակ, Սաակաշվիլին Փաշինյանին մեղադրել է դանդաղկոտության մեջ եվրաինտեգրման և բարեփոխումներ իրականացնելու հարցում, ինչպես նաև հայտարարել է, որ այսօրվա պետական ապարատը Կրեմլի հինգերորդ շարասյունն է։Վրաստանի նախկին նախագահը հայտարարել է նաև, որ Փաշինյանը պետք է անհապաղ Ադրբեջանի հետ ստորագրի խաղաղության պայմանագիրը, ինչը, իր համոզմամբ, Հայաստանի ներքին և արտաքին քաղաքականության մեջ ճանապարհ կբացի հիմնարար փոփոխությունների համար։Հիշեցնենք, որ Սաակաշվիլին Վրաստան էր վերադարձել 2021 թվականի սեպտեմբերին և հոկտեմբերի 1-ին ձերբակալվել էր։Նրան 6 տարվա ազատազրկման են դատապարտել բանկիրի սպանության և պատգամավորին ծեծի ենթարկելու գործով։ Քաղաքական գործչին մեղադրում են նաև սահմանն ապօրինի հատելու, պետական միջոցները մսխելու և 2007 թվականին ընդդիմության ցույցը ցրելու մեջ։2023 թվականի փետրվարին Թբիլիսիի քաղաքային դատարանի դատավոր Գեորգի Արևաձեն վճիռ էր կայացրել Սաակաշվիլիի պատժի հետաձգումը և ազատ արձակումը առողջական վիճակի պատճառով մերժելու մասին, ինչի մասին միջնորդել էին նրա փաստաբանները։ Սաակաշվիլին ինքնուրույն տեղաշարժվում է հիվանդասենյակում և ոչ մի անգամ չի ընկնում. կադրեր

վրաստանի հանրապետություն

2023

Լուրեր

am_HY

միխեիլ սաակաշվիլի, նիկոլ փաշինյան, վրաստանի հանրապետություն, հայաստան, եվրամիություն