«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
© Sputnik / Aram Nersesyan
Բաժանորդագրվել
Հայաստան է բերվել մանկական սնունդ, հիվանդների համար նախատեսված բեռներ և հակասնկային դեղեր։
ԵՐԵՎԱՆ, 17 հոկտեմբերի - Sputnik. «Դոկտոր Լիզա» բարեգործական հիմնադրամը 10 տոննա մարդասիրական բեռ է բերել Հայաստան` Լեռնային Ղարաբաղից տեղահանված անձանց համար: Բեռում ներառված են բժշկական պարագաներ, մանկական սնունդ, քնապարկեր, և ոչ միայն:
Ինչպես Sputnik Արմենիային հայտնեց Ելիզավետա Գլինկայի անվան «Դոկտոր Լիզա» հիմնադրամի տնօրեն Նատալյա Ավիլովան, բեռն արդեն բաշխվում է Արարատի մարզի շրջաններում՝ Արտաշատում և Մասիսում, ինչպես նաև հարակից գյուղերում։
Ի սկզբանե հիմնադրամը ուղևորությունն ու մարդասիրական բեռի մատակարարումը նախատեսում էր դեռևս օգոստոսին՝ Լեռնային Ղարաբաղի շրջափակման շրջանում։ Բայց մի քանի շաբաթվա ընթացքում իրավիճակը բոլորովին փոխվեց, տեղի ունեցան ողբերգական իրադարձություններ, «Դոկտոր Լիզա» և «Спеши к Добру» հիմնադրամը ստիպված եղավ հարմարվել և մարդասիրական բեռը հարմարեցնել արդեն տեղահանվածների կարիքներին:
««Спеши к добру» հիմնադրամի մեր գործընկերների շնորհիվ մենք որոշեցին, որ հովանավորելու ենք, շեֆություն ենք վերցնելու Հայաստանի մեկ շրջանի վրա, մեր ամբողջ օգնությունը չենք ցրելու ամբողջ տարածքով, բայց բարի բան ենք անելու Արարատի մարզի մի քանի բնակավայրերի համար»,-ասել է Ավիլովան:
10 տոննա մարդասիրական բեռի մեջ կան ներքնակներ, բարձեր, քնապարկեր, չոր օրապահիկներ՝ նրանց համար, ովքեր դեռ մշտական բնակության վայր չեն գտել: Ավիլովան նշեց, որ մինչ օրս կան մարդիկ, ովքեր նախ կանգ են առնում Հայաստանի մի բնակավայրում, հետո տեղափոխվում են մեկ այլ բնակավայր:
Մարդասիրական օգնությունը բաղկացած է նաև մեծ թվով դեղամիջոցներից՝ հակահամաճարակային դեղամիջոցներ հիմնականում երեխաների և մեծահասակների համար, հաշվի առնելով մրսածության և գրիպի տարածման սեզոնը, հանգստացնող դեղամիջոցներ, ինչպես նաև քրոնիկ հիվանդություններ ունեցող անձանց համար նախատեսված դեղամիջոցներ:
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
© Sputnik / Aram Nersesyan
Դեղորայքը կփոխանցվի քաղաքացիների ժամանակավոր տեղակայման կետերին, ինչպես նաև առաջին բուժօգնության կետերին։ Բացի այդ, հարկադիր տեղահանվածներին կտրվի հատուկ սնունդ՝ հիվանդներին և երեխաներին, ծերերին բոլոր անհրաժեշտ միկրոտարրերով ապահովելու համար:
«Կարիքավորներին օգնության բաշխումը վերահսկվում է։ Տակդիրների յուրաքանչյուր տուփ, մանկական կերի յուրաքանչյուր տարա անձամբ կհանձնվի փախստականների, վերաբնակիչների ձեռքը։ Այն չի ուղարկվի անհայտ պահեստ, երկար չի մնա այնտեղ»,-ասել է Ավիլովան։
Նրա խոսքով՝ ներկայիս ողբերգության մասշտաբներն ուղղակի անհամեմատելի են նախորդի հետ, որն իրենք տեսել են 2020 թվականին պատերազմի ժամանակ։ Նա նշել է, որ այն ժամանակ քաղաքացիները ստիպված էին փախչել գնդակոծությունների տակ գտնվող ոչ մեծ տարածքից։ Իսկ հիմա խոսքը 100 հազար մարդու մասին է, որոնք լքել են իրենց տները և ապաստան են գտնում հաճախ առանց իրերի, առանց ուղեբեռի և գումարի։
«Սա իսկապես իսկական հումանիտար աղետ է։ Մենք աշխատում ենք ռազմական գործողությունների, արտակարգ իրավիճակների և աղետների գոտիներում, անձամբ ես ավելի քան 10 տարի եմ աշխատում, բայց ոչ մի տեղ չեմ հանդիպել ավելի ազնիվ և երախտապարտ մարդկանց, քան Հայաստանում։ Առաջնահերթությունը լինելու է Լեռնային Ղարաբաղից փախստականների հետ աշխատանքը։ Համենայն դեպս, ձմեռը մենք նրանց հետ ենք անցկացնելու»,-ասել է Ավիլովան։
Հիմնադրամի ներկայացուցիչներն անձամբ հանդիպումներ են ունեցել Արարատում ապաստանած փախստական ընտանիքների հետ՝ նրանց կարիքները գնահատելու համար:
Հումանիտար բեռը բաժանելուց հետո հիմնադրամի ներկայացուցիչները կվերադառնան Մոսկվա, որտեղ 10 մլն ռուբլի կհավաքեն։ Նրա խոսքով՝ երկու-երեք շաբաթից նախատեսում են կրկին գալ Հայաստան և արդեն տեղերում մարդկանց պատրաստել ձմռանը՝ գնել էլեկտրական թեյնիկներ, վերմակներ, տաք հագուստ, տաքացուցիչներ:
Ավիլովան հույս է հայտնել, որ Ռուսաստանի քաղաքացիները օպերատիվ կարձագանքեն աղետին, ինչպես և նախորդ տարիներին, և հիմնադրամին կօգնեն անհրաժեշտ գումարը հավաքել մինչև առաջին ցրտերի սկիզբը՝ մինչև նոյեմբեր:
1/5
© Sputnik / Aram Nersesyan
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
2/5
© Sputnik / Aram Nersesyan
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
3/5
© Sputnik / Aram Nersesyan
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
4/5
© Sputnik / Aram Nersesyan
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
5/5
© Sputnik / Aram Nersesyan
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
1/5
© Sputnik / Aram Nersesyan
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
2/5
© Sputnik / Aram Nersesyan
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
3/5
© Sputnik / Aram Nersesyan
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
4/5
© Sputnik / Aram Nersesyan
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
5/5
© Sputnik / Aram Nersesyan
«Դոկտոր Լիզա» հիմնադրամը 10 տոննա հումանիտար բեռ է բաժանել արցախցի փախստականներին
Բացի այդ, հիմնադրամը պահուստային միջոցներով նախատեսում է ձեռք բերել 100 ծալովի մահճակալ՝ ներքնակներով, բարձերով, անկողնու սպիտակեղենով։
Հիշեցնենք, որ վերջին տվյալներով՝ Լեռնային Ղարաբաղից Հայաստանի Հանրապետություն է ժամանել 100 632 հարկադիր տեղահանված։ Նրանց մեծ մասը հաստատվել են Արարատի մարզում։
