https://arm.sputniknews.ru/20231013/inchpes-e-otarman-voch-entaka-hvoghataratsqy-vatsharvel-azh-nakhkin-patgamavvori-dstery-manramasner-67253758.html
Ինչպես է օտարման ոչ ենթակա հողատարածքը վաճառվել ԱԺ նախկին պատգամավորի դստերը. մանրամասներ
Ինչպես է օտարման ոչ ենթակա հողատարածքը վաճառվել ԱԺ նախկին պատգամավորի դստերը. մանրամասներ
Sputnik Արմենիա
Ըստ դատախազության` պետական սեփականություն հանդիսացող, ավելի քան 97 մլն դրամ շուկայական արժեքով հողատարածքը կեղծ փաստաթղթի հիման վրա Ռուբեն Գևորգյանի դստերն է... 13.10.2023, Sputnik Արմենիա
2023-10-13T17:39+0400
2023-10-13T17:39+0400
2023-10-13T17:43+0400
հայաստան
հհ դատախազություն
երևան
դավթաշեն
ռուբեն գևորգյան
https://cdn.am.sputniknews.ru/img/07e6/06/10/43588932_0:108:1600:1008_1920x0_80_0_0_d76b8d8495efa8142eea4a827bedc007.jpg
ԵՐԵՎԱՆ, 13 հոկտեմբերի – Sputnik. Երևանի Դավթաշեն 4–րդ թաղամասում` «Ռիբոկ» սպորտային համալիրին հարող տարածքի շուրջ 6 հազար քառակուսի մետր մակերեսով հողամասի օտարման գործով հանրային քրեական հետապնդում է հարուցվել Երևանի քաղաքապետարանի նախկին պաշտոնյայի նկատմամբ։ Տեղեկությունը հայտնում է ՀՀ գլխավոր դատախազության մամուլի ծառայությունը։Գերատեսչությունն ավելի վաղ տեղեկացրել էր, որ նշված հողատարածքը օրենքի խախտմամբ օտարվել է Ազգային ժողովի նախկին պատգամավոր Ռուբեն Գևորգյանի դստերը՝ Արմենուհի Գևորգյանին։ «2000-2006 թվականներին Երևանի քաղաքապետարանի ճարտարապետության և քաղաքաշինության վարչության պետի տեղակալի պաշտոնը զբաղեցրած Բ.Ք.-ն պաշտոնական փաստաթղթում ներառել է կեղծ տեղեկություններ այն մասին, որ Արմենուհի Գևորգյանի անվամբ դեռևս 1999 թ. վարձակալության իրավունքով գրանցված նշված հողամասը հասարակական կառուցապատման գործառնական նշանակության հողամաս է և ընդգրկված չէ Հողային օրենսգրքի 60-րդ հոդվածում նշված սահմանափակումների ցանկում Մինչդեռ այդ տարածքը նախագծերում առանձնացված է եղել որպես այգի և մասնավորեցման ենթակա չի եղել»,– ասված է հաղորդագրությունումԸստ դատախազության` Բ.Ք.-ի կողմից տրված կեղծ փաստաթղթի հիման վրա պետական սեփականություն հանդիսացող, օտարման օրվա դրությամբ 96 մլն 780 հազար դրամ շուկայական արժեքով այդ հողատարածքն Արմենուհի Գևորգյանին օտարվել է 2 մլն 223 հազար 697 դրամ կադաստրային արժեքով։Քաղաքացին դատավորի և նրա օգնականի միջոցով 1,8 մլրդ դրամ է «լվացել»Դատախազը 2023 թ. հոկտեմբերի 12–ին Բ.Ք.–ի նկատմամբ հանրային քրեական հետապնդում է հարուցել ՀՀ քրեական հին օրենսգրքի 182-րդ հոդվածի 2-րդ մասով (պաշտոնեական դիրքը ծառայության շահերին հակառակ օգտագործելը) և 187-րդ հոդվածով (պաշտոնեական կեղծիք կատարելը):Հիշեցնենք` վճռաբեկ դատարանի հակակոռուպցիոն պալատը 2023 թ. սեպտեմբերի 4–ին ամբողջությամբ բավարարել էր ՀՀ գլխավոր դատախազի տեղակալի վճռաբեկ բողոքն ընդդեմ Արմենուհի Գևորգյանի, որով արգելադրվել էր 6 452 քառակուսի մետր վիճելի տարածքը։Գլխավոր դատախազությունը երեք հայցով վիճարկում է վերոնշյալ հասցեից՝ «Ռիբոկ» սպորտային համալիրի զբաղեցրած տարածքից, հողամասը ֆիզիկական անձին օտարելու գործընթացը:Փարաքարի նախկին համայնքապետը 5 տարում ավելի քան 10 մլն դրամի վնաս է հասցրել պետությանը
երևան
դավթաշեն
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ծաղիկ ռուբո հողատարածք
Ինչպես է օտարման ոչ ենթակա հողատարածքը վաճառվել ԱԺ նախկին պատգամավորի դստերը. մանրամասներ
17:39 13.10.2023 (Թարմացված է: 17:43 13.10.2023) Ըստ դատախազության` պետական սեփականություն հանդիսացող, ավելի քան 97 մլն դրամ շուկայական արժեքով հողատարածքը կեղծ փաստաթղթի հիման վրա Ռուբեն Գևորգյանի դստերն է օտարվել ընդամենը 2 մլն 223 հազար 697 դրամով։
ԵՐԵՎԱՆ, 13 հոկտեմբերի – Sputnik. Երևանի Դավթաշեն 4–րդ թաղամասում` «Ռիբոկ» սպորտային համալիրին հարող տարածքի շուրջ 6 հազար քառակուսի մետր մակերեսով հողամասի օտարման գործով հանրային քրեական հետապնդում է հարուցվել Երևանի քաղաքապետարանի նախկին պաշտոնյայի նկատմամբ։ Տեղեկությունը հայտնում է
ՀՀ գլխավոր դատախազության մամուլի ծառայությունը։
Գերատեսչությունն ավելի վաղ տեղեկացրել էր, որ նշված հողատարածքը օրենքի խախտմամբ օտարվել է Ազգային ժողովի նախկին պատգամավոր Ռուբեն Գևորգյանի դստերը՝ Արմենուհի Գևորգյանին։
«2000-2006 թվականներին Երևանի քաղաքապետարանի ճարտարապետության և քաղաքաշինության վարչության պետի տեղակալի պաշտոնը զբաղեցրած Բ.Ք.-ն պաշտոնական փաստաթղթում ներառել է կեղծ տեղեկություններ այն մասին, որ Արմենուհի Գևորգյանի անվամբ դեռևս 1999 թ. վարձակալության իրավունքով գրանցված նշված հողամասը հասարակական կառուցապատման գործառնական նշանակության հողամաս է և ընդգրկված չէ Հողային օրենսգրքի 60-րդ հոդվածում նշված սահմանափակումների ցանկում Մինչդեռ այդ տարածքը նախագծերում առանձնացված է եղել որպես այգի և մասնավորեցման ենթակա չի եղել»,– ասված է հաղորդագրությունում
Ըստ դատախազության` Բ.Ք.-ի կողմից տրված կեղծ փաստաթղթի հիման վրա պետական սեփականություն հանդիսացող, օտարման օրվա դրությամբ 96 մլն 780 հազար դրամ շուկայական արժեքով այդ հողատարածքն Արմենուհի Գևորգյանին օտարվել է 2 մլն 223 հազար 697 դրամ կադաստրային արժեքով։
Դատախազը 2023 թ. հոկտեմբերի 12–ին Բ.Ք.–ի նկատմամբ հանրային քրեական հետապնդում է հարուցել ՀՀ քրեական հին օրենսգրքի 182-րդ հոդվածի 2-րդ մասով (պաշտոնեական դիրքը ծառայության շահերին հակառակ օգտագործելը) և 187-րդ հոդվածով (պաշտոնեական կեղծիք կատարելը):
Հիշեցնենք` վճռաբեկ դատարանի հակակոռուպցիոն պալատը 2023 թ. սեպտեմբերի 4–ին ամբողջությամբ բավարարել էր ՀՀ գլխավոր դատախազի տեղակալի վճռաբեկ բողոքն ընդդեմ Արմենուհի Գևորգյանի, որով արգելադրվել էր 6 452 քառակուսի մետր վիճելի տարածքը։
Գլխավոր դատախազությունը երեք հայցով վիճարկում է վերոնշյալ հասցեից՝ «Ռիբոկ» սպորտային համալիրի զբաղեցրած տարածքից, հողամասը ֆիզիկական անձին օտարելու գործընթացը:
