https://arm.sputniknews.ru/20231012/arcakhci-verabnaknerin-sksel-en-ashkhatanqi-teghavvorel-agaraki-pghndzamvolibdenajin-kvombinatum-67197062.html
Արցախցի վերաբնակներին սկսել են աշխատանքի տեղավորել Ագարակի պղնձամոլիբդենային կոմբինատում
Արցախցի վերաբնակներին սկսել են աշխատանքի տեղավորել Ագարակի պղնձամոլիբդենային կոմբինատում
Sputnik Արմենիա
Կոմբինատի ղեկավարությունը պարբերաբար հանդիպելու է տեղի իշխանությունների հետ՝ հարկադիր տեղահանվածների կարիքները գնահատելու համար։ Անձնակազմը կվերապատրաստվի նոր... 12.10.2023, Sputnik Արմենիա
2023-10-12T21:16+0400
2023-10-12T21:16+0400
2023-10-13T15:06+0400
ագարակի պղնձամոլիբդենային գործարան
բռնի տեղահանված
տեղահանված
https://cdn.am.sputniknews.ru/img/07e5/09/11/33373563_0:0:1600:901_1920x0_80_0_0_3e44b0849275773934fa75d961a11777.jpg
ԵՐԵՎԱՆ, 12 հոկտեմբերի – Sputnik, Արամ Գարեգինյան. Լեռնային Ղարաբաղից ժամանած մի քանի հարկադիր տեղահանվածներ Ագարակի պղնձամոլիբդենային կոմբինատում աշխատանքի ձևակերպման գործընթացում են: Այս մասին Sputnik Արմենիայի հետ զրույցում ասաց կոմբինատի գործադիր տնօրեն Ալեքսանդր Բելյաևը։Նրա խոսքով՝ կոմբինատի ղեկավարությունը հանդիպել է շրջանի վարչակազմի հետ, քննարկել է ժամանողների հիմնական կարիքները: Նա հավելեց, որ անցած ուրբաթ օրը Մեղրու տարածաշրջան է ժամանել 36 ընտանիք, այսինքն՝ 130-ից մի փոքր ավելի մարդ: Հանդիպում է կայացել նաև ժամանողների հետ, և դրա արդյունքում մի քանի մարդ արդեն աշխատանքի է տեղավորվում կոմբինատում։Խոսելով կոմբինատի աշխատանքի մասին՝ նա նշեց, որ ներկայումս արտադրությունն արդիականացվում է։ Նոր սարքավորումները թույլ կտան բարձրացնել հանքաքարից մետաղի կորզումը։ Արդյունքում, առանց արդյունահանման ծավալների ավելացման (տարեկան 4,8-4,9 մլն տոննա հանքաքար), հնարավոր կլինի ավելացնել վաճառքն ու եկամուտները։ Նոր սարքավորումների վրա աշխատելու համար իրականացվում է անձնակազմի վերապատրաստում։«Ընդհանուր առմամբ, մեզ մոտ արդեն աշխատում է 1125 մարդ, որոնց հմտությունները պետք է անընդհատ զարգացնել։ Հանքաքարի պաշարները թույլ են տալիս աշխատել ավելի քան 50-60 տարի, ուստի նախագծերը հեռանկարային են կազմվում»,-հայտարարեց կոմբինատի ղեկավարը։Չլուծվող հարցեր չկան, բոլոր խնդիրները, որոնք դրվում են սեփականատերերի կողմից (ռուսական «Գեոպրոմայնինգ» ընկերությունների խումբ- խմբ․), հասկանալի են, հավելեց նա։ ՀՀ մարզեր տեղափոխված 80 401 բռնի տեղահանվածներից 8 030-ը հյուրանոցներում էՊղնձի և մոլիբդենի գները շարունակում են ավելի ցածր մնալ, քան տարեսկզբին։ Լոնդոնի LME բորսայի տվյալներով՝ եթե հունվարից մինչև ապրիլի կեսը պղնձի տոննան արժեր ավելի քան 9 հազար դոլար, ապա հիմա՝ 7 հազար դոլարից պակաս, մոլիբդենի տոննան արժեր ավելի քան 75 հազար դոլար, իսկ հիմա՝ մոտ 48 հազար դոլար:Այսպես թե այնպես, նշեց Բելյաևը, ներկայիս գները նույնպես կոմբինատին թույլ են տալիս նորմալ գործել։Հիշեցնենք, որ Ագարակի պղնձամոլիբդենային կոմբինատից բացի, «Գեոպրոմայնինգի» ակտիվները Հայաստանում ներառում են Սոթքի ոսկու հանքը (ժամանակավորապես չի գործում) և Արարատի ոսկու կորզման ֆաբրիկան, ինչպես նաև երկրի խոշորագույն արդյունաբերական ձեռնարկությունում՝ Զանգեզուրի պղնձամոլիբդենային կոմբինատում բաժնետոմսերի վերահսկիչ փաթեթը:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ագարակի պղնձամոլիբդենային գործարան, բռնի տեղահանված, տեղահանված
ագարակի պղնձամոլիբդենային գործարան, բռնի տեղահանված, տեղահանված
Արցախցի վերաբնակներին սկսել են աշխատանքի տեղավորել Ագարակի պղնձամոլիբդենային կոմբինատում
21:16 12.10.2023 (Թարմացված է: 15:06 13.10.2023) Կոմբինատի ղեկավարությունը պարբերաբար հանդիպելու է տեղի իշխանությունների հետ՝ հարկադիր տեղահանվածների կարիքները գնահատելու համար։ Անձնակազմը կվերապատրաստվի նոր սարքավորումներով աշխատելու համար, ինչը կբարձրացնի հանքաքարից մետաղների արդյունահանումը:
ԵՐԵՎԱՆ, 12 հոկտեմբերի – Sputnik, Արամ Գարեգինյան. Լեռնային Ղարաբաղից ժամանած մի քանի հարկադիր տեղահանվածներ Ագարակի պղնձամոլիբդենային կոմբինատում աշխատանքի ձևակերպման գործընթացում են: Այս մասին Sputnik Արմենիայի հետ զրույցում ասաց կոմբինատի գործադիր տնօրեն Ալեքսանդր Բելյաևը։
Նրա խոսքով՝ կոմբինատի ղեկավարությունը հանդիպել է շրջանի վարչակազմի հետ, քննարկել է ժամանողների հիմնական կարիքները: Նա հավելեց, որ անցած ուրբաթ օրը Մեղրու տարածաշրջան է ժամանել 36 ընտանիք, այսինքն՝ 130-ից մի փոքր ավելի մարդ: Հանդիպում է կայացել նաև ժամանողների հետ, և դրա արդյունքում մի քանի մարդ արդեն աշխատանքի է տեղավորվում կոմբինատում։
«Մենք նաև կազմակերպել ենք սնունդը և անհրաժեշտ հագուստի, ջեռուցման վառարանների և առաջին անհրաժեշտության այլ պարագաների մատակարարումը։ Տեղական վարչակազմի հետ նախատեսում ենք հանդիպել ամեն շաբաթ, որպեսզի քննարկենք, թե ինչ օգնություն կարող ենք տրամադրել»,-հավելեց Բելյաևը։
Խոսելով կոմբինատի աշխատանքի մասին՝ նա նշեց, որ ներկայումս արտադրությունն արդիականացվում է։ Նոր սարքավորումները թույլ կտան բարձրացնել հանքաքարից մետաղի կորզումը։ Արդյունքում, առանց արդյունահանման ծավալների ավելացման (տարեկան 4,8-4,9 մլն տոննա հանքաքար), հնարավոր կլինի ավելացնել վաճառքն ու եկամուտները։ Նոր սարքավորումների վրա աշխատելու համար իրականացվում է անձնակազմի վերապատրաստում։
«Ընդհանուր առմամբ, մեզ մոտ արդեն աշխատում է 1125 մարդ, որոնց հմտությունները պետք է անընդհատ զարգացնել։ Հանքաքարի պաշարները թույլ են տալիս աշխատել ավելի քան 50-60 տարի, ուստի նախագծերը հեռանկարային են կազմվում»,-հայտարարեց կոմբինատի ղեկավարը։
Չլուծվող հարցեր չկան, բոլոր խնդիրները, որոնք դրվում են սեփականատերերի կողմից (ռուսական «Գեոպրոմայնինգ» ընկերությունների խումբ- խմբ․), հասկանալի են, հավելեց նա։
Պղնձի և մոլիբդենի գները շարունակում են ավելի ցածր մնալ, քան տարեսկզբին։ Լոնդոնի LME բորսայի տվյալներով՝ եթե հունվարից մինչև ապրիլի կեսը պղնձի տոննան արժեր ավելի քան 9 հազար դոլար, ապա հիմա՝ 7 հազար դոլարից պակաս, մոլիբդենի տոննան արժեր ավելի քան 75 հազար դոլար, իսկ հիմա՝ մոտ 48 հազար դոլար:
Այսպես թե այնպես, նշեց Բելյաևը, ներկայիս գները նույնպես կոմբինատին թույլ են տալիս նորմալ գործել։
Հիշեցնենք, որ Ագարակի պղնձամոլիբդենային կոմբինատից բացի, «Գեոպրոմայնինգի» ակտիվները Հայաստանում ներառում են Սոթքի ոսկու հանքը (ժամանակավորապես չի գործում) և Արարատի ոսկու կորզման ֆաբրիկան, ինչպես նաև երկրի խոշորագույն արդյունաբերական ձեռնարկությունում՝ Զանգեզուրի պղնձամոլիբդենային կոմբինատում բաժնետոմսերի վերահսկիչ փաթեթը:
