https://arm.sputniknews.ru/20231010/erevani-nvor-qaghaqapety-4-arajnahertutjun-tvarkec-arajika-5-tarva-hamar--67102510.html
Երևանի նոր քաղաքապետը 4 առաջնահերթություն թվարկեց առաջիկա 5 տարվա համար
Երևանի նոր քաղաքապետը 4 առաջնահերթություն թվարկեց առաջիկա 5 տարվա համար
Sputnik Արմենիա
Հոկտեմբերի 10-ին տեղի ունեցավ Երևանի ավագանու անդրանիկ նիստը, որում Տիգրան Ավինյանն ընտրվեց Երևանի քաղաքապետ։ 10.10.2023, Sputnik Արմենիա
2023-10-10T15:58+0400
2023-10-10T15:58+0400
2023-10-10T16:11+0400
տիգրան ավինյան
երևան
հայաստան
տրանսպորտ
«երևանի աղբահանություն և սանիտարական մաքրում» հիմնարկ
https://cdn.am.sputniknews.ru/img/07e7/0a/05/66887214_0:88:1601:988_1920x0_80_0_0_ad3d508feac58b2b2a745f3986b0af41.jpg
ԵՐԵՎԱՆ, 10 հոկտեմբերի – Sputnik. Երևանի քաղաքապետ Տիգրան Ավինյանն ասուլիսում ներկայացրեց իր թիմի ծրագրային առաջնահերթությունները, որոնք ուղղված են Երևանում բնակվող քաղաքացիների կյանքի որակի բարելավմանը։Նա առաջինը նշեց Երևանում տրանսպորտային ցանցի ավարտական բարեփոխումները և խոստացավ մայրաքաղաքում ավելացնել ավտոբուսների և էլեկտրական ավտոբուսների թիվը, ներդնել միասնական տոմսային համակարգ։ Ավինյանի խոսքով՝ մայրաքաղաքի ամբողջ տարածքում կլինեն ավտոբուսների համար առանձնացված գծեր, և առաջնահերթությունը կտրվի հասարակական տրանսպորտը նախընտրող քաղաքացիներին։Նա որպես երկրորդ առաջնահերթություն նշեց քաղաքաշինական հարցերն ու խնդիրները։ Ավինյանի խոսքով ՝ իրենց որոշումներով թույլ կտան ազատվել զբոսայգիներում ապօրինի շինություններից, ապօրինի կրպակներից ու սրճարաններից։«Մենք կերտելու ենք Երևան քաղաքի նոր տեսքն ու դեմքը։ Քաղաքաշինության ոլորտը լինելու է մեր ուշադրության կենտրոնում», - ընդգծեց նա։Որպես երրորդ առաջնահերթություն Ավինյանը մատնանշեց Երևանի աղբահանության խնդրի լուծումը, Նուբարաշենի աղբավայրի կոնսերվացումը և աղբի վերամշակման գործարանի կառուցումը։«Չորրորդ առաջնահերթությունը լինելու է կապիտալ խոշոր ծավալի ներդրումները` մանկապարտեզների, սպորտդպրոցների, դպրոցների և բոլոր այն հաստատությունների կառուցումը, արդիականացումն ու վերանորոգումը, որոնք լինելու են Երևանի քաղաքապետարանի տիրապետության ներքո»,- նշեց նա։Հիշեցնենք` այսօր տեղի ունեցավ Երևանի նորընտիր ավագանու անդրանիկ նիստը, որում «Քաղաքացիական պայմանագիր» և «Հանրապետություն» խմբակցությունները Երևանի քաղաքապետ ընտրեցին Տիգրան Ավինյանին։ Նիստից հետո երկու խմբակցությունների միջև ստորագրվեց համագործակցության հուշագիր։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տիգրան ավինյան, երևան, հայաստան, տրանսպորտ, «երևանի աղբահանություն և սանիտարական մաքրում» հիմնարկ
տիգրան ավինյան, երևան, հայաստան, տրանսպորտ, «երևանի աղբահանություն և սանիտարական մաքրում» հիմնարկ
Երևանի նոր քաղաքապետը 4 առաջնահերթություն թվարկեց առաջիկա 5 տարվա համար
15:58 10.10.2023 (Թարմացված է: 16:11 10.10.2023) Հոկտեմբերի 10-ին տեղի ունեցավ Երևանի ավագանու անդրանիկ նիստը, որում Տիգրան Ավինյանն ընտրվեց Երևանի քաղաքապետ։
ԵՐԵՎԱՆ, 10 հոկտեմբերի – Sputnik. Երևանի քաղաքապետ Տիգրան Ավինյանն ասուլիսում ներկայացրեց իր թիմի ծրագրային առաջնահերթությունները, որոնք ուղղված են Երևանում բնակվող քաղաքացիների կյանքի որակի բարելավմանը։
Նա առաջինը նշեց Երևանում տրանսպորտային ցանցի ավարտական բարեփոխումները և խոստացավ մայրաքաղաքում ավելացնել ավտոբուսների և էլեկտրական ավտոբուսների թիվը, ներդնել միասնական տոմսային համակարգ։ Ավինյանի խոսքով՝ մայրաքաղաքի ամբողջ տարածքում կլինեն ավտոբուսների համար առանձնացված գծեր, և առաջնահերթությունը կտրվի հասարակական տրանսպորտը նախընտրող քաղաքացիներին։
«Կարծում եմ, որ հասարակական տրանսպորտը պետք է առավելություններ ունենա, մենք այս տրամաբանությամբ ենք առաջնորդվում»,- վստահեցրեց քաղաքապետը։
Նա որպես երկրորդ առաջնահերթություն նշեց քաղաքաշինական հարցերն ու խնդիրները։ Ավինյանի խոսքով ՝ իրենց որոշումներով թույլ կտան ազատվել զբոսայգիներում ապօրինի շինություններից, ապօրինի կրպակներից ու սրճարաններից։
«Մենք կերտելու ենք Երևան քաղաքի նոր տեսքն ու դեմքը։ Քաղաքաշինության ոլորտը լինելու է մեր ուշադրության կենտրոնում», - ընդգծեց նա։
Որպես երրորդ առաջնահերթություն Ավինյանը մատնանշեց Երևանի աղբահանության խնդրի լուծումը, Նուբարաշենի աղբավայրի կոնսերվացումը և աղբի վերամշակման գործարանի կառուցումը։
«Չորրորդ առաջնահերթությունը լինելու է կապիտալ խոշոր ծավալի ներդրումները` մանկապարտեզների, սպորտդպրոցների, դպրոցների և բոլոր այն հաստատությունների կառուցումը, արդիականացումն ու վերանորոգումը, որոնք լինելու են Երևանի քաղաքապետարանի տիրապետության ներքո»,- նշեց նա։
Հիշեցնենք` այսօր տեղի ունեցավ Երևանի նորընտիր ավագանու անդրանիկ նիստը, որում «Քաղաքացիական պայմանագիր» և «Հանրապետություն» խմբակցությունները
Երևանի քաղաքապետ ընտրեցին Տիգրան Ավինյանին։ Նիստից հետո երկու խմբակցությունների միջև
ստորագրվեց համագործակցության հուշագիր։
