https://arm.sputniknews.ru/20231009/prkararner-artahanvoghic-prkarar-yndunvogh-hhum-meknarkel-e-hope---2023-varzhanqy-67038218.html
Փրկարարներ «արտահանողից» փրկարարներ ընդունող. ՀՀ–ում մեկնարկել է «HOPE - 2023» վարժանքը
Փրկարարներ «արտահանողից» փրկարարներ ընդունող. ՀՀ–ում մեկնարկել է «HOPE - 2023» վարժանքը
Sputnik Արմենիա
HOPE 2023 վաժանքի նպատակն է Հայաստանը` որպես ընդունող երկիր, ներկայացնել բոլոր հնարավորություններով և ամբողջ ծավալով։ 09.10.2023, Sputnik Արմենիա
2023-10-09T12:14+0400
2023-10-09T12:14+0400
2023-10-09T12:16+0400
երկրաշարժ
փրկարար
վարժանք
հայաստան
https://cdn.am.sputniknews.ru/img/07e6/0c/08/52374827_0:31:600:369_1920x0_80_0_0_7a0e5640f7a388ec1ed8e866f2b80bc2.jpg
ԵՐԵՎԱՆ, 9 հոկտեմբերի - Sputnik. ՀՀ փրկարարներ արտահանողից դառնում է փրկարար ընդունող երկիր. Հայաստանում հոկտեմբերի 9-11 անցկացվում է «HOPE - 2023» վարժանքը` 6 երկրների փրկարարական խմբերի մասնակցությամբ։Վարժանքը կրում է «Երկրաշարժի համակողմանի կառավարումը Հարավային Կովկասի խոցելի տարածքներում՝ արդյունավետ պլանավորման, արձագանքման և համատեղ գործողությունների միջոցով» խորագիրը։ «HOPE - 2023» վարժանքի նպատակն է բարելավել Հայաստանի և գործընկեր պետությունների՝ Ֆրանսիայի, Հյուսիսային Մակեդոնիայի, Մոնտենեգրոյի, Վրաստանի, Կիպրոսի և Հունաստանի փրկարարական խմբերի՝ բնակչության պաշտպանության պատրաստվածության և արձագանքման կարողությունները ավերիչ աղետներին դիմակայելու հարցում: Հայաստանը չի մասնակցի ՀԱՊԿ երկրների փրկարարների հատուկ վարժանքներինԾրագրի շրջանակներում նախատեսվում է մեծ թվով միջազգային որոնողափրկարարական թիմերի ժամանումը Հայաստան՝ միաժամանակ օդային և ցամաքային ճանապարհներով:«Վարժանքի մասնակից երկրները իրենց փրկարարական ներուժով գալիս են մասնակցելու մի վարժանքի, որն ուղղված է երկրաշարժի հետևանքների վերացմանը, այդ աշխատանքներն իրականացվելու են 36-ժամյա դաշտային վարժանքի ձևաչափով»–ներկայացրեց ծրագրի հայաստանյան համակարգող Արմինե Հայրապետյանը։Նա հավելեց, որ վարժանքի ընթացքում կատարվող աշխատանքները ունենալու են որոնողափրկարարական, ինչպես նաև հանրային իրազեկման բնույթ՝ մշակութային հուշարձանների՝ երկրաշարժից տուժելու ժամանակ իրականացվելիք գործողությունների սիմուլացիայի եղանակով։Ուսումանվարժության ղեկավարի տեղակալ, փրկարարական ուժերի վարչության պետ Արմեն Գևորգյանն էլ նշեց, որ փրկարարական խմբերը վարժանքներն անցկացնելու են Չարենցավանում, Աբովյանում, Արզնու ձորի որոշ հատվածներում«Փորձել ենք վարժանքը իրատեսական դարձնել։ Կլինեն փլատակները, որոնք երկրաշարժի հետևանքով առաջանում են, բավականին բարդ տեղամասեր ունենք և ներկայացվող թիմերը ամբողջ ծավալով պետք է կարողանան աշխատել, որպեսզի որոնողափրկարարական աշխատանքները իրականացնեն»,–հավելեց Գևորգյանը։Նա հատկանշական համարեց ընդգծել, որ թիմերը չգիտեն, թե որը կոնկրետ որ տարածքում է աշխատելու, ինչ դժվարությունների է հանդիպելու և ինչ արգելքներ է հաղթահարելու։ «HOPE - 2023» վարժանքի բուն էությունը կայանում է նրանում, որպեսզի Հայաստանը` որպես ընդունող երկիր, ներկայացվի բոլոր հնարավորություններով և ամբողջ ծավալով։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
երկրաշարժ, փրկարար, վարժանք, հայաստան
երկրաշարժ, փրկարար, վարժանք, հայաստան
Փրկարարներ «արտահանողից» փրկարարներ ընդունող. ՀՀ–ում մեկնարկել է «HOPE - 2023» վարժանքը
12:14 09.10.2023 (Թարմացված է: 12:16 09.10.2023) HOPE 2023 վաժանքի նպատակն է Հայաստանը` որպես ընդունող երկիր, ներկայացնել բոլոր հնարավորություններով և ամբողջ ծավալով։
ԵՐԵՎԱՆ, 9 հոկտեմբերի - Sputnik. ՀՀ փրկարարներ արտահանողից դառնում է փրկարար ընդունող երկիր. Հայաստանում հոկտեմբերի 9-11 անցկացվում է «HOPE - 2023» վարժանքը` 6 երկրների փրկարարական խմբերի մասնակցությամբ։
Վարժանքը կրում է «Երկրաշարժի համակողմանի կառավարումը Հարավային Կովկասի խոցելի տարածքներում՝ արդյունավետ պլանավորման, արձագանքման և համատեղ գործողությունների միջոցով» խորագիրը։ «HOPE - 2023» վարժանքի նպատակն է բարելավել Հայաստանի և գործընկեր պետությունների՝ Ֆրանսիայի, Հյուսիսային Մակեդոնիայի, Մոնտենեգրոյի, Վրաստանի, Կիպրոսի և Հունաստանի փրկարարական խմբերի՝ բնակչության պաշտպանության պատրաստվածության և արձագանքման կարողությունները ավերիչ աղետներին դիմակայելու հարցում:
Ծրագրի շրջանակներում նախատեսվում է մեծ թվով միջազգային որոնողափրկարարական թիմերի ժամանումը Հայաստան՝ միաժամանակ օդային և ցամաքային ճանապարհներով:
«Վարժանքի մասնակից երկրները իրենց փրկարարական ներուժով գալիս են մասնակցելու մի վարժանքի, որն ուղղված է երկրաշարժի հետևանքների վերացմանը, այդ աշխատանքներն իրականացվելու են 36-ժամյա դաշտային վարժանքի ձևաչափով»–ներկայացրեց ծրագրի հայաստանյան համակարգող Արմինե Հայրապետյանը։
Նա հավելեց, որ վարժանքի ընթացքում կատարվող աշխատանքները ունենալու են որոնողափրկարարական, ինչպես նաև հանրային իրազեկման բնույթ՝ մշակութային հուշարձանների՝ երկրաշարժից տուժելու ժամանակ իրականացվելիք գործողությունների սիմուլացիայի եղանակով։
«Այսինքն` եթե մշակութային հուշարձանի տարածքում այցելուները ունենան վնասվածքներ, ապա ինչպես է իրականացվում առաջին օգնությունը, և ինչպես է իրականացվելու տարհանման միջոցառումները մշակութային արժեք ներկայացնող առարկաների համար։ Այն իրականացվելու է փրկարարների հետ համատեղ, թանգարանի աշխատակիցների համակարգմամբ»,–հավելեց Հայրապետյանը։
Ուսումանվարժության ղեկավարի տեղակալ, փրկարարական ուժերի վարչության պետ Արմեն Գևորգյանն էլ նշեց, որ փրկարարական խմբերը վարժանքներն անցկացնելու են Չարենցավանում, Աբովյանում, Արզնու ձորի որոշ հատվածներում
«Փորձել ենք վարժանքը իրատեսական դարձնել։ Կլինեն փլատակները, որոնք երկրաշարժի հետևանքով առաջանում են, բավականին բարդ տեղամասեր ունենք և ներկայացվող թիմերը ամբողջ ծավալով պետք է կարողանան աշխատել, որպեսզի որոնողափրկարարական աշխատանքները իրականացնեն»,–հավելեց Գևորգյանը։
Նա հատկանշական համարեց ընդգծել, որ թիմերը չգիտեն, թե որը կոնկրետ որ տարածքում է աշխատելու, ինչ դժվարությունների է հանդիպելու և ինչ արգելքներ է հաղթահարելու։
«HOPE - 2023» վարժանքի բուն էությունը կայանում է նրանում, որպեսզի Հայաստանը` որպես ընդունող երկիր, ներկայացվի բոլոր հնարավորություններով և ամբողջ ծավալով։
