https://arm.sputniknews.ru/20231005/aranc-alievi-pashinjany-makrvony-shvolcn-u-mishely-khandipen-granadajum-66894815.html

Առանց Ալիևի. Փաշինյանը, Մակրոնը, Շոլցն ու Միշելը կհանդիպեն Գրանադայում

Առանց Ալիևի. Փաշինյանը, Մակրոնը, Շոլցն ու Միշելը կհանդիպեն Գրանադայում

Sputnik Արմենիա

Քառակողմ հանդիպման ընթացքում քննարկվելու են Հայաստան–Ադրբեջան հարաբերությունների կարգավորման հնարավոր քայլերը։ 05.10.2023, Sputnik Արմենիա

2023-10-05T14:38+0400

2023-10-05T14:38+0400

2023-10-05T14:41+0400

հայաստան

գրանադա

նիկոլ փաշինյան

օլաֆ շոլց

էմանուել մակրոն

շառլ միշել

իլհամ ալիև

https://cdn.am.sputniknews.ru/img/07e7/03/0e/56688156_0:167:1600:1067_1920x0_80_0_0_8fd1ebd58551110b21787a6e30d36623.jpg

ԵՐԵՎԱՆ, 5 հոկտեմբերի – Sputnik. Հայաստանի, Ֆրանսիայի, Գերմանիայի և Եվրոպական խորհրդի առաջնորդներ Նիկոլ Փաշինյանը, Էմանուել Մակրոնը, Օլաֆ Շոլցը և Շառլ Միշելը Գրանադայում հանդիպում կանցկացնեն՝ չնայած Ադրբեջանի նախագահ Իլհամ Ալիևի բացակայությանը: Լրագրողների հետ զրույցում տեղեկությունը հայտնել է ԵՄ բարձրաստիճան ներկայացուցիչը։ԵՄ բարձրաստիճան պաշտոնյան հայտնել է նաև, որ հանդիպման շրջանակում նախատեսվում է գործնական քայլեր ձեռնարկել ԵՄ–Հայաստան օրակարգի առաջմղման և խորացման ուղղությամբ։Հիշեցնենք` այսօր Գրանադայում պետք է կայանար Փաշինյան–Ալիև հերթական հանդիպումը Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի, ԵՄ խորհրդի նախագահ Շառլ Միշելի մասնակցությամբ։ Ադրբեջանական լրատվամիջոցները երեկ հայտնեցին, որ Ադրբեջանի նախագահը հրաժարվել է մեկնել Իսպանիա, պատճառը Ֆրանսիայի «ապակառուցողական» դիրքորոշումն է, ինչպես նաև այն, որ Փարիզն ու Բեռլինը համաձայն չեն, որ Թուրքիայի նախագահ Ռեջեփ Թայիփ Էրդողանը մասնակցի հանդիպմանը։Ավելի ուշ Փաշինյանը հաստատեց, որ հնգակողմ հանդիպումը չի կայանա, բայց իր գլխավորած պատվիրակությունն այնուամենայնիվ կմեկնի Իսպանիա։ՀՀ վարչապետն Իսպանիա է մեկնել երեկ` հոկտեմբերի 4-ին։ Նա այսօր Գրանադա քաղաքում մասնակցելու է Եվրոպական քաղաքական համայնքի երրորդ գագաթնաժողովին։

գրանադա

2023

Լուրեր

am_HY

հայաստան, գրանադա, նիկոլ փաշինյան, օլաֆ շոլց, էմանուել մակրոն, շառլ միշել, իլհամ ալիև