https://arm.sputniknews.ru/20231003/hrvomi-statuty-chi-hakasum-hh-kam-rd-mijazgajin-partavvorutjunnerin-vardanjan-66798895.html
Հռոմի ստատուտը չի հակասում ՀՀ կամ ՌԴ միջազգային պարտավորություններին. Վարդանյան
Հռոմի ստատուտը չի հակասում ՀՀ կամ ՌԴ միջազգային պարտավորություններին. Վարդանյան
Sputnik Արմենիա
Երևանը պետք է երաշխավորի Լեռնային Ղարաբաղի ժողովրդի իրավունքները, ապահովի նրա շահերի դատական պաշտպանության հնարավորությունը։ 03.10.2023, Sputnik Արմենիա
2023-10-03T15:36+0400
2023-10-03T15:36+0400
2023-10-03T16:32+0400
վլադիմիր վարդանյան
հռոմի ստատուտ
հայաստան
հայաստան-ռուսաստան համագործակցություն
ռուսաստան
https://cdn.am.sputniknews.ru/img/1869/43/18694388_0:0:1216:685_1920x0_80_0_0_75079f15ef488b68fbfc5e22d209834d.jpg
ԵՐԵՎԱՆ, 3 հոկտեմբերի – Sputnik. Հռոմի ստատուտի վավերացումը չի հակասում Հայաստանի կամ Ռուսաստանի միջազգային պարտավորություններին։ Այս մասին լրագրողների հետ զրույցում ասաց ԱԺ պետաիրավական հարցերի հանձնաժողովի նախագահ Վլադիմիր Վարդանյանը։Նրա խոսքով` փաստաթուղթը վավերացնելով` Հայաստանը ոչ միայն չի արել այնպիսի բան, որը հակասում է ՀՀ օրենսդրությանը և երկրի ստանձնած միջազգային պարտավորություններին, այլև չի արել որևէ արարք, որը կհակասի ՌԴ ստանձնած միջազգային պարտավորություններին:Վարդանյանը պարզաբանեց` փաստաթղթի վավերացումը թույլ կտա երաշխավորել Լեռնային Ղարաբաղի ժողովրդի իրավունքները, ապահովել նրա շահերի դատական պաշտպանության հնարավորությունը:Վարդանյանը հավելեց, որ Հռոմի ստատուտի վավերացումն իրավական հիմք է տալիս հետաքննելու մարդկության դեմ հանցագործության այն տեսակը, որն իրականացվել է Լեռնային Ղարաբաղի հայերի նկատմամբ:Դա թշնամական քայլ է ՌԴ–ի դեմ. Արթուր Խաչատրյանը` Հռոմի ստատուտի վավերացման մասինԱյսօր ՀՀ ԱԺ-ն 60 կողմ, 22 դեմ ձայներով վավերացրեց Միջազգային քրեական դատարանի Հռոմի ստատուտը: Դեմ քվեարկեցին ընդդիմադիր «Հայաստան» և «Պատիվ ունեմ» խմբակցությունները, որոնք բոյկոտեցին ընդունման քննարկումը, սակայն ներկայացան քվեարկությանը:Խորհրդարանի կողմից փաստաթղթի վավերացումից հետո այն պետք է ստորագրի երկրի նախագահը, փաստաթուղթը ուժի մեջ կմտնի ներպետական ընթացակարգերի ավարտից 60 օր հետո:2022 թվականի վերջին ՀՀ կառավարությունը սկսել է ՄՔԴ Հռոմի կանոնադրության վավերացման գործընթացը՝ դա բացատրելով նրանով, որ Երևանը նոր կարգավիճակով կկարողանա դատարանի առջև բարձրացնել Հայաստանի և նրա բնակչության դեմ Ադրբեջանի ագրեսիայի և ռազմական հանցագործությունների հարցը (այդ թվում՝ 2021-22 թվականներին ՀՀ տարածք ներխուժումների ընթացքում)։2023 թվականի մարտի 24-ին ՍԴ-ն Հռոմի ստատուտը ճանաչել է երկրի հիմնական օրենքին համապատասխան։ Մոսկվան խիստ բացասաբար է ընդունել դրան միանալու` պաշտոնական Երևանի ծրագրերը։ՀՀ ԱԺ–ն իրավասու չէ առանց սահմանադրական փոփոխությունների քննարկել Հռոմի ստատուտը. ՄինասյանՌուսաստանի ԱԳՆ-ում հայտարարել են, որ դա ամենաբացասական հետևանքները կունենա երկկողմ հարաբերությունների համար, քանի որ «հայ գործընկերներին ի սկզբանե հասցվել է Հայաստանի կողմից ՄՔԴ-ի Հռոմի կանոնադրության վավերացման անընդունելիության մասին դիրքորոշումը այն պայմաններում, երբ այդ կառույցի կողմից Ռուսաստանի բարձրագույն ղեկավարության «ձերբակալման օրդերներ» են տրվել»:Հայաստանի պաշտոնյաներն իրենց հերթին վստահեցնում են, որ վավերացումը ուղղված չէ ՌԴ-ի դեմ, իսկ Երևանն իրավիճակի վերաբերյալ մի շարք առաջարկներ է ուղարկել Մոսկվային:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վլադիմիր վարդանյան, հռոմի ստատուտ, հայաստան, հայաստան-ռուսաստան համագործակցություն, ռուսաստան
վլադիմիր վարդանյան, հռոմի ստատուտ, հայաստան, հայաստան-ռուսաստան համագործակցություն, ռուսաստան
Հռոմի ստատուտը չի հակասում ՀՀ կամ ՌԴ միջազգային պարտավորություններին. Վարդանյան
15:36 03.10.2023 (Թարմացված է: 16:32 03.10.2023) Երևանը պետք է երաշխավորի Լեռնային Ղարաբաղի ժողովրդի իրավունքները, ապահովի նրա շահերի դատական պաշտպանության հնարավորությունը։
ԵՐԵՎԱՆ, 3 հոկտեմբերի – Sputnik. Հռոմի ստատուտի վավերացումը չի հակասում Հայաստանի կամ Ռուսաստանի միջազգային պարտավորություններին։ Այս մասին լրագրողների հետ զրույցում ասաց ԱԺ պետաիրավական հարցերի հանձնաժողովի նախագահ Վլադիմիր Վարդանյանը։
Նրա խոսքով` փաստաթուղթը վավերացնելով` Հայաստանը ոչ միայն չի արել այնպիսի բան, որը հակասում է ՀՀ օրենսդրությանը և երկրի ստանձնած միջազգային պարտավորություններին, այլև չի արել որևէ արարք, որը կհակասի ՌԴ ստանձնած միջազգային պարտավորություններին:
Վարդանյանը պարզաբանեց` փաստաթղթի վավերացումը թույլ կտա երաշխավորել Լեռնային Ղարաբաղի ժողովրդի իրավունքները, ապահովել նրա շահերի դատական պաշտպանության հնարավորությունը:
«Տվյալ դեպքում Լեռնային Ղարաբաղի հայերը` որպես հանցագործության զոհ, պետք է ունենան երաշխիքներ, որ իրենց իրավունքները կպահպանվեն միջազգային մակարդակով, և այդ մեխանիզմով մենք շարժվելու ենք առաջ», - ասաց նա:
Վարդանյանը հավելեց, որ Հռոմի ստատուտի վավերացումն իրավական հիմք է տալիս հետաքննելու մարդկության դեմ հանցագործության այն տեսակը, որն իրականացվել է Լեռնային Ղարաբաղի հայերի նկատմամբ:
Այսօր ՀՀ ԱԺ-ն 60 կողմ, 22 դեմ ձայներով
վավերացրեց Միջազգային քրեական դատարանի Հռոմի ստատուտը: Դեմ քվեարկեցին ընդդիմադիր «Հայաստան» և «Պատիվ ունեմ» խմբակցությունները, որոնք բոյկոտեցին ընդունման քննարկումը, սակայն ներկայացան քվեարկությանը:
Խորհրդարանի կողմից փաստաթղթի վավերացումից հետո այն պետք է ստորագրի երկրի նախագահը, փաստաթուղթը ուժի մեջ կմտնի ներպետական ընթացակարգերի ավարտից 60 օր հետո:
2022 թվականի վերջին ՀՀ կառավարությունը սկսել է ՄՔԴ Հռոմի կանոնադրության վավերացման գործընթացը՝ դա բացատրելով նրանով, որ Երևանը նոր կարգավիճակով կկարողանա դատարանի առջև բարձրացնել Հայաստանի և նրա բնակչության դեմ Ադրբեջանի ագրեսիայի և ռազմական հանցագործությունների հարցը (այդ թվում՝ 2021-22 թվականներին ՀՀ տարածք ներխուժումների ընթացքում)։
2023 թվականի մարտի 24-ին ՍԴ-ն Հռոմի ստատուտը ճանաչել է երկրի հիմնական օրենքին համապատասխան։ Մոսկվան խիստ բացասաբար է ընդունել դրան միանալու` պաշտոնական Երևանի ծրագրերը։
Ռուսաստանի ԱԳՆ-ում հայտարարել են, որ դա ամենաբացասական հետևանքները կունենա երկկողմ հարաբերությունների համար, քանի որ «հայ գործընկերներին ի սկզբանե հասցվել է Հայաստանի կողմից ՄՔԴ-ի Հռոմի կանոնադրության վավերացման անընդունելիության մասին դիրքորոշումը այն պայմաններում, երբ այդ կառույցի կողմից Ռուսաստանի բարձրագույն ղեկավարության «ձերբակալման օրդերներ» են տրվել»:
Հայաստանի պաշտոնյաներն իրենց հերթին վստահեցնում են, որ վավերացումը ուղղված չէ ՌԴ-ի դեմ, իսկ Երևանն իրավիճակի վերաբերյալ մի շարք առաջարկներ է ուղարկել Մոսկվային:
