https://arm.sputniknews.ru/20231001/vovqer-en-hajastani-premier-ligaji-favvoritnery-grigvorjany-hajkakan-futbvoli-ev-ir-masin-66660478.html
Ովքեր են Հայաստանի Պրեմիեր լիգայի ֆավորիտները. Գրիգորյանը` հայկական ֆուտբոլի և իր մասին
Ովքեր են Հայաստանի Պրեմիեր լիգայի ֆավորիտները. Գրիգորյանը` հայկական ֆուտբոլի և իր մասին
Sputnik Արմենիա
Հայազգի ռուսաստանցի մարզիչ Ալեքսանդր Գրիգորյանը Sputnik Արմենիային պատմել է իր գործունեության մասին, խոսել հայկական ֆուտբոլային ակումբներից, նրանց... 01.10.2023, Sputnik Արմենիա
2023-10-01T09:54+0400
2023-10-01T09:54+0400
2023-10-01T09:54+0400
ֆուտբոլ
ֆուտբոլիստ
«ալաշկերտ» ֆուտբոլային ակումբ
ուրարտու
փյունիկ
ալեքսանդր գրիգորյան
մարզիչ
https://cdn.am.sputniknews.ru/img/2128/77/21287758_0:85:1600:985_1920x0_80_0_0_357b4b86c7aa5805e0e8c60a3368597a.jpg
Հայազգի մարզիչ Ալեքսանդր Գրիգորյանը Կրասնոդարի «Կուբանի» գլխավոր մարզիչի պաշտոնից հեռանալուց հետո իր գործունությունը ծավալելու է Ռուսաստանի մեդիա ոլորտում որպես ֆուտբոլային մեկնաբան և փորձագետ։ Փորձառու մասնագետը միևնույն ժամանակ շարունակում է հետևել Հայաստանի Պրեմիեր լիգայի ընթացքին։Sputnik Արմենիայի հետ զրույցում Գրիգորյանը գնահատել է Հայաստանի Պրեմիեր լիգայի առաջին շրջանը և անվանել այն թիմերին, որոնք հավակնում են բարձր տեղերի մեր առաջնությունում։ Զրուցել է Խաչիկ Չախոյանը։-Պարոն Գրիգորյան, «Կուբանում» աշխատելու ժամանակ Դուք հասցնու՞մ էիք հետևել Հայաստանի Պրեմիեր լիգայի առաջնությանը և ինչո՞վ եք զբաղվելու առաջիկայում։-Այո, դիտել եմ Հայաստանի Պրեմիեր լիգայի առաջին շրջանի հանդիպումների մեծ մասը ու, մինչև կոնկրետ ֆուտբոլին անդրադառնալը, նշեմ, որ շատ է բարձրացել ֆուտբոլի հեռարձակման որակը։ Խաղի ընթացքում ավելացել են որակյալ կրկնապատկերները, ժամանակին ներկայացվում են էմոցիոնալ պահերը ֆուտբոլիստների ու մարզիչների մասնակցությամբ։ Հաճույքով կարելի է դիտել հանդիպումները։ Ինչ վերաբերվում է իմ ներկայիս աշխատանքին, ապա Okkօ հեռուստատեսությունում մեկնաբանելու եմ Լա Լիգայի հանդիպումները, բացի այդ որպես փորձագետ ներգրավված կլինեմ Матч TV-ում։-Հայաստանի Պրեմիեր լիգայում առաջին շրջանի ավարտից հետո ու՞մ եք համարում հաղթողի հիմնական հավակնորդ։-Իմ կարծիքով` այս առաջնությունում հաղթելու է «Փյունիկը», որը իր մրցակիցներին առաջին հերթին գերազանցում է խաղային մտածելակերպով։ Հիմնական մրցակիցների համեմատ «Փյունիկում» բացահայտ երևում է հաղթողի հոգեբանությունը։ Թիմն իրեն շատ վստահ է զգում խաղադաշտում։ Եղիշե Մելիքյանի աշխատանքն ինձ դուր է գալիս։ «Փյունիկը» միշտ առավելագույնս կենտրոնացած է։ Թիմը առաջին հայացքից գործում է պարզ տակտիկայով, բայց դա խաբուսիկ է։ «Փյունիկը» շատ հաճախ անակնկալ է մատուցում մրցակիցներին և արդյունք է տալիս։ Նույնիսկ այլ ակումբներում լավ հանդես եկող ֆուտբոլիստները, գալով «Փյունիկ», ավելի լավ են սկսում խաղալ։ Դրա վառ օրինակը Յուսուֆ Օտուբանջոն է։ Նա շատ լավ էր խաղում «Արարատ-Արմենիայում», բայց «Փյունիկում» գործում է գերազանց։ Բացի այդ «Փյունիկը» կարողանում է արդյունավետ օգտագործել կենտրոնական երեք, ինչպես նաև երկու պաշտպաններով խաղը։ Եվ նախընտրած տակտիկայի մեջ ֆուտբոլիստների գործողություններով «Փյունիկը» գերազանցում է բոլորին։-Իսկ ո՞ր թիմը կամ թիմերը, ըստ Ձեզ, կարող են մրցակցել «Փյունիկի» հետ չեմպիոնական մրցավազքում ու հավակնել մեդալների։-Կարծում եմ` մրցանակային տեղերի համար պայքարելու են «Արարատ-Արմենիան», «Ալաշկերտը» և «Ուրարտուն»։Ուղղակի հիասթափված եմ. Ալեքսանդր Գրիգորյանը խոսել է Երևանի «Արարատի» մասին-Սկսենք հերթով՝ «Արարատ-Արմենիա»։-Տարեց տարի այս թիմում սելեկցիոն աշխատանքը շատ լավ է կատարվում։ Անհատապես խաղային որակներով և մեծ ներուժով շատ լավ ֆուտբոլիստներ են գալիս «Արարատ-Արմենիա»։ Վարդան Մինասյանը փորձառու մարզիչ է, բայց նա ունի և՛ ուժեղ, և՛ խոցելի տեղեր։ Խոցելիությունը համարում են թիմի ոչ լավ ֆունկցիոնալ պատրաստվածությունը, որը երևաց «Փյունիկի» հետ խաղում։ Մինասյանի ուժեղ կողմերից կառանձնացնեի նրա համբերությունը։ Նա ունակ է սպասել ու աշխատել։ Թիմի վերջին 2-3 խաղերում էլ նկատվում է խաղի բարելավում, ու թիմն էլ խաղադաշտում արդեն կարողանում է որսալ իր պահը։-Գործող չեմպիոնի խաղը ինչպե՞ս կգնահատեք։-Անցյալ մրցաշրջանում «Ուրարտուն» իրոք լավագույն թիմն էր առաջնությունում։ Հիմա ես տեսնում եմ, որ թիմին չի բավականացնում այն, ինչ ունի «Փյունիկը»՝ վստահ խաղն ու հաղթողի մտածելակերպը։ Ինձ թվում է` թիմը կորցրել է սեփական ուժերի նկատմամբ վստահությունը։ Նշեմ, որ «Ուրարտուն» միակ թիմն է, որը ձգտում պահպանել արտասահմանցի և տեղացի ֆուտբոլիստների բալանսը իր կազմում։ Դա անելը հեշտ չէ, այն էլ սեփական ակադեմիայի ֆուտբոլիստների միջոցով։ Դա «Ուրարտուի» ամենադրական կողմն է, ու կարող է իր դերակատարումն ունենալ աղյուսակում բարձր տեղ զբաղեցնելու գործում։-Ի՞նչ կասեք «Ալաշկերտի» մասին։-Վահե Գևորգյանի թիմը լավ տպավորություն է թողնում, բայց չեմ բացառում, որ մարզիչը փորձի պակաս ունի։ Մասնավորապես «Արարատ-Արմենիայի» հետ խաղում, առաջին անգամ Գևորգյանի էմոցիաները թիմին ինչ-որ տեղ շեղեցին, զրկեցին կոնցենտրացիայից։ Գևորգյանին հարկավոր է կառավարել իր էմոցիաները, կարևոր պահերին կարողանալ ազդել թիմի վրա։ Բայց, ընդհանուր առմամբ ես գտնում եմ, որ նա շատ խոստումնալից մարզիչ է, և նրա աշխատանքը հարգանքի է արժանի։ «Ալաշկերտը» աստղեր չունի, բայց շատ կազմակերպված թիմ է։ Առջևի գծի հիմնական ներուժը Խուրցիձն ու Կուտալիան են։-Այլ ակումբ կա՞, որի մասին կուզեիք խոսել։-Այո։ Պրեմիեր լիգայում նոր ուժ է առաջացել, դա «Նոան» է։ Թիմը, իմ կարծիքով, լավ բալանսավորված չէ։ Ես տեսել եմ, որ բավականին բարձր մակարդակի ֆուտբոլիստներ են եկել «Նոա», բայց կարծում եմ, որ նրանց տրանսֆերային արժեքը պայթեցրել է հայկական տրանսֆերային շուկան։ Ես կարող եմ սխալվել, բայց, տրամաբանությանը հետևելով, կարող եմ ասել` բարձր տեղերին հավակնող թիմը չպետք է դիսբալանսավորված լինի, թեկուզ ֆուտբոլիստների աշխատավարձի առումով։ Թե որ թիմը կդառնա չեմպիոն, մենք կիմանանք 2024 թվականի մայիսին։ Այս պահի դրությամբ «Փյունիկը» 4 միավոր առավելություն ունի իրեն հետապնդող «Արարատ-Արմենիայի» և «Ալաշկերտի» նկատմամբ, իսկ «Ուրարտուն» և «Նոան» էլ ունեն բոլոր շանսերը հավասար պայքար մղելու համար։ Առաջնության հիմնական հատվածն առջևում է, թիմերում կարող են լինել նաև բազմաթիվ փոփոխություններ։ Չէ որ ձմեռային տրանսֆերային պատուհանն առջևում է։Ալեքսանդր Գրիգորյանը ՀՀ քաղաքացիություն է ստացել. նա ցանկանում է աշխատել Հայաստանում
Sputnik Արմենիա
media@sputniknews.com
+74956456601
MIA „Rossiya Segodnya“
2023
Խաչիկ Չախոյան
https://cdn.am.sputniknews.ru/img/231/08/2310881_242:0:1310:1068_100x100_80_0_0_40abb0e21300e8efa2621019bae982b4.jpg
Խաչիկ Չախոյան
https://cdn.am.sputniknews.ru/img/231/08/2310881_242:0:1310:1068_100x100_80_0_0_40abb0e21300e8efa2621019bae982b4.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Խաչիկ Չախոյան
https://cdn.am.sputniknews.ru/img/231/08/2310881_242:0:1310:1068_100x100_80_0_0_40abb0e21300e8efa2621019bae982b4.jpg
ֆուտբոլ, ֆուտբոլիստ, «ալաշկերտ» ֆուտբոլային ակումբ, ուրարտու, փյունիկ, ալեքսանդր գրիգորյան, մարզիչ
ֆուտբոլ, ֆուտբոլիստ, «ալաշկերտ» ֆուտբոլային ակումբ, ուրարտու, փյունիկ, ալեքսանդր գրիգորյան, մարզիչ
Ովքեր են Հայաստանի Պրեմիեր լիգայի ֆավորիտները. Գրիգորյանը` հայկական ֆուտբոլի և իր մասին
Հայազգի ռուսաստանցի մարզիչ Ալեքսանդր Գրիգորյանը Sputnik Արմենիային պատմել է իր գործունեության մասին, խոսել հայկական ֆուտբոլային ակումբներից, նրանց հնարավորություններից, մեկնաբանել նրանց խաղը։
Հայազգի մարզիչ Ալեքսանդր Գրիգորյանը Կրասնոդարի «Կուբանի» գլխավոր մարզիչի պաշտոնից հեռանալուց հետո իր գործունությունը ծավալելու է Ռուսաստանի մեդիա ոլորտում որպես ֆուտբոլային մեկնաբան և փորձագետ։ Փորձառու մասնագետը միևնույն ժամանակ շարունակում է հետևել Հայաստանի Պրեմիեր լիգայի ընթացքին։
Sputnik Արմենիայի հետ զրույցում Գրիգորյանը գնահատել է Հայաստանի Պրեմիեր լիգայի առաջին շրջանը և անվանել այն թիմերին, որոնք հավակնում են բարձր տեղերի մեր առաջնությունում։ Զրուցել է Խաչիկ Չախոյանը։
-Պարոն Գրիգորյան, «Կուբանում» աշխատելու ժամանակ Դուք հասցնու՞մ էիք հետևել Հայաստանի Պրեմիեր լիգայի առաջնությանը և ինչո՞վ եք զբաղվելու առաջիկայում։
-Այո, դիտել եմ Հայաստանի Պրեմիեր լիգայի առաջին շրջանի հանդիպումների մեծ մասը ու, մինչև կոնկրետ ֆուտբոլին անդրադառնալը, նշեմ, որ շատ է բարձրացել ֆուտբոլի հեռարձակման որակը։ Խաղի ընթացքում ավելացել են որակյալ կրկնապատկերները, ժամանակին ներկայացվում են էմոցիոնալ պահերը ֆուտբոլիստների ու մարզիչների մասնակցությամբ։ Հաճույքով կարելի է դիտել հանդիպումները։ Ինչ վերաբերվում է իմ ներկայիս աշխատանքին, ապա Okkօ հեռուստատեսությունում մեկնաբանելու եմ Լա Լիգայի հանդիպումները, բացի այդ որպես փորձագետ ներգրավված կլինեմ Матч TV-ում։
-Հայաստանի Պրեմիեր լիգայում առաջին շրջանի ավարտից հետո ու՞մ եք համարում հաղթողի հիմնական հավակնորդ։
-Իմ կարծիքով` այս առաջնությունում հաղթելու է «Փյունիկը», որը իր մրցակիցներին առաջին հերթին գերազանցում է խաղային մտածելակերպով։ Հիմնական մրցակիցների համեմատ «Փյունիկում» բացահայտ երևում է հաղթողի հոգեբանությունը։ Թիմն իրեն շատ վստահ է զգում խաղադաշտում։ Եղիշե Մելիքյանի աշխատանքն ինձ դուր է գալիս։ «Փյունիկը» միշտ առավելագույնս կենտրոնացած է։ Թիմը առաջին հայացքից գործում է պարզ տակտիկայով, բայց դա խաբուսիկ է։
«Փյունիկը» շատ հաճախ անակնկալ է մատուցում մրցակիցներին և արդյունք է տալիս։ Նույնիսկ այլ ակումբներում լավ հանդես եկող ֆուտբոլիստները, գալով «Փյունիկ», ավելի լավ են սկսում խաղալ։ Դրա վառ օրինակը Յուսուֆ Օտուբանջոն է։ Նա շատ լավ էր խաղում «Արարատ-Արմենիայում», բայց «Փյունիկում» գործում է գերազանց։ Բացի այդ «Փյունիկը» կարողանում է արդյունավետ օգտագործել կենտրոնական երեք, ինչպես նաև երկու պաշտպաններով խաղը։ Եվ նախընտրած տակտիկայի մեջ ֆուտբոլիստների գործողություններով «Փյունիկը» գերազանցում է բոլորին։
-Իսկ ո՞ր թիմը կամ թիմերը, ըստ Ձեզ, կարող են մրցակցել «Փյունիկի» հետ չեմպիոնական մրցավազքում ու հավակնել մեդալների։
-Կարծում եմ` մրցանակային տեղերի համար պայքարելու են «Արարատ-Արմենիան», «Ալաշկերտը» և «Ուրարտուն»։
-Սկսենք հերթով՝ «Արարատ-Արմենիա»։
-Տարեց տարի այս թիմում սելեկցիոն աշխատանքը շատ լավ է կատարվում։ Անհատապես խաղային որակներով և մեծ ներուժով շատ լավ ֆուտբոլիստներ են գալիս «Արարատ-Արմենիա»։ Վարդան Մինասյանը փորձառու մարզիչ է, բայց նա ունի և՛ ուժեղ, և՛ խոցելի տեղեր։ Խոցելիությունը համարում են թիմի ոչ լավ ֆունկցիոնալ պատրաստվածությունը, որը երևաց «Փյունիկի» հետ խաղում։
Ընդ որում` «Փյունիկը» երկու օր առաջ խաղ էր անցկացրել, բայց դա չօգնեց «Արարատ-Արմենիային»։ Այս պահին թիմը առաջ է գնում իր ֆուտբոլիստների վարպետության շնորհիվ, բայց բարձր տեմպով առայժմ չի կարողանում խաղալ։ Ընդ որում` այս գործոնը շատ լուրջ խնդիր է հայկական բոլոր թիմերի համար։ Եվրագավաթներում խաղային ցածր տեմպով թիմերը անելիք չունեն։
Մինասյանի ուժեղ կողմերից կառանձնացնեի նրա համբերությունը։ Նա ունակ է սպասել ու աշխատել։ Թիմի վերջին 2-3 խաղերում էլ նկատվում է խաղի բարելավում, ու թիմն էլ խաղադաշտում արդեն կարողանում է որսալ իր պահը։
-Գործող չեմպիոնի խաղը ինչպե՞ս կգնահատեք։
-Անցյալ մրցաշրջանում «Ուրարտուն» իրոք լավագույն թիմն էր առաջնությունում։ Հիմա ես տեսնում եմ, որ թիմին չի բավականացնում այն, ինչ ունի «Փյունիկը»՝ վստահ խաղն ու հաղթողի մտածելակերպը։ Ինձ թվում է` թիմը կորցրել է սեփական ուժերի նկատմամբ վստահությունը։ Նշեմ, որ «Ուրարտուն» միակ թիմն է, որը ձգտում պահպանել արտասահմանցի և տեղացի ֆուտբոլիստների բալանսը իր կազմում։ Դա անելը հեշտ չէ, այն էլ սեփական ակադեմիայի ֆուտբոլիստների միջոցով։ Դա «Ուրարտուի» ամենադրական կողմն է, ու կարող է իր դերակատարումն ունենալ աղյուսակում բարձր տեղ զբաղեցնելու գործում։
-Ի՞նչ կասեք «Ալաշկերտի» մասին։
-Վահե Գևորգյանի թիմը լավ տպավորություն է թողնում, բայց չեմ բացառում, որ մարզիչը փորձի պակաս ունի։ Մասնավորապես «Արարատ-Արմենիայի» հետ խաղում, առաջին անգամ Գևորգյանի էմոցիաները թիմին ինչ-որ տեղ շեղեցին, զրկեցին կոնցենտրացիայից։ Գևորգյանին հարկավոր է կառավարել իր էմոցիաները, կարևոր պահերին կարողանալ ազդել թիմի վրա։ Բայց, ընդհանուր առմամբ ես գտնում եմ, որ նա շատ խոստումնալից մարզիչ է, և նրա աշխատանքը հարգանքի է արժանի։ «Ալաշկերտը» աստղեր չունի, բայց շատ կազմակերպված թիմ է։ Առջևի գծի հիմնական ներուժը Խուրցիձն ու Կուտալիան են։
-Այլ ակումբ կա՞, որի մասին կուզեիք խոսել։
-Այո։ Պրեմիեր լիգայում նոր ուժ է առաջացել, դա «Նոան» է։ Թիմը, իմ կարծիքով, լավ բալանսավորված չէ։ Ես տեսել եմ, որ բավականին բարձր մակարդակի ֆուտբոլիստներ են եկել «Նոա», բայց կարծում եմ, որ նրանց տրանսֆերային արժեքը պայթեցրել է հայկական տրանսֆերային շուկան։ Ես կարող եմ սխալվել, բայց, տրամաբանությանը հետևելով, կարող եմ ասել` բարձր տեղերին հավակնող թիմը չպետք է դիսբալանսավորված լինի, թեկուզ ֆուտբոլիստների աշխատավարձի առումով։
Թիմը դեռ նոր է ձևավորվում, և կարծում եմ, որ «Նոան» դեռ իր խոսքն ասելու է առաջնությունում։ Ինչ վերաբերվում է խաղին, ապա երևում է Ռոբերտ Արզումանյանի ձեռագիրը։ Գործնականում «Նոան» բոլոր թիմերին գերազանցում է գնդակը վերահսկելու առումով։ Բայց այդ վերահսկողությունը այնքան էլ արդյունավետ չէ։ Որոշ թիմերի հետ խաղերում այդ մարտավարությունը տվել է իր պտուղը, բայց հիմնական մրցակիցների հետ խաղերում թիմը գրոհի եզրափակիչ հատվածում կա՛մ իներտ է, կա՛մ էլ ֆուտբոլիստները չգիտեն` ինչ անեն։
Թե որ թիմը կդառնա չեմպիոն, մենք կիմանանք 2024 թվականի մայիսին։ Այս պահի դրությամբ «Փյունիկը» 4 միավոր առավելություն ունի իրեն հետապնդող «Արարատ-Արմենիայի» և «Ալաշկերտի» նկատմամբ, իսկ «Ուրարտուն» և «Նոան» էլ ունեն բոլոր շանսերը հավասար պայքար մղելու համար։ Առաջնության հիմնական հատվածն առջևում է, թիմերում կարող են լինել նաև բազմաթիվ փոփոխություններ։ Չէ որ ձմեռային տրանսֆերային պատուհանն առջևում է։
